ମାହାଙ୍ଗା (ଓଡିଶା ତାଜା ନିଉଜ ) ନିଶ୍ଚିନ୍ତକୋଇଲି 7/02/20 :- ନିଶ୍ଚିନ୍ତକୋଇଲି ବ୍ଲକ ଅଂଚଳର ଜଣେ ଆଦର୍ଶ ଶିକ୍ଷକ ଭାବେ ପରିଚିତ ରଥ ସାରଙ୍କ ବିୟୋଗରେ ସମଗ୍ର ଅଂଚଳରେ ଗଭୀର ଶୋକ ପ୍ରକାଶ ପାଇଛି, ମହମ୍ମଦପୁର ଆଳିଯଙ୍ଗା ପ୍ରାଥମିକ ବିଦ୍ୟାଳୟ ର ପୂର୍ବତନ ପ୍ରଧାନ ଶିକ୍ଷକ ଅନନ୍ତ ଚରଣ ରଥ ଙ୍କର ଆଜି ମଧ୍ୟାନ୍ନ ୧.୪୫ ରେ ନିଜ ଗାଁ ବାସଭବନ ଗରଦପୁର ବ୍ଲକ କୁଶୁନପୁର ଗାଁ ବାସଭବନ ରେ ପରଲୋକ ଘଟିଛି । ସେ ଦୀର୍ଘଦିନ ଧରି ପ୍ରଧାନ ଶିକ୍ଷକ ଭାବେ କାର୍ଯ୍ୟ କରି ବିଭିନ୍ନ ସମ୍ମାନର ଅଧିକାରୀ ହେବାସହ ଅବସର ପରେ ସେ ନିଜକୁ ସମାଜସେବା ଓ ଧର୍ମ କାର୍ଯ୍ୟ ରେ ନିୟୋଜିତ କରିଥିଲେ । ରାଜ୍ୟ ସ୍ବତନ୍ତ୍ର କଳା ପରିଷଦ ରୁ ଆଦର୍ଶ ଶିକ୍ଷକ ଭାବେ ପୁରସ୍କୃତ ହୋଇଥିଲେ । ସ୍ଥାନୀୟ ଅଞ୍ଚଳ ରେ ନିଜର ସାଧୁତା ଓ ସମାଜ ସେଵା ପାଈଁ ସେ ସୁକ୍ଷାତି ଅର୍ଜନ କରିଥିଲେ । ଶ୍ରୀଯୁକ୍ତ ରଥ ଯୁବ ସାମ୍ବାଦିକ ଆଶିଷ ପଣ୍ଡା ଙ୍କ ର ଅଜା ଏବଂ ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ସହକାରୀ ଉଦ୍ୟାନ କୃଷି ଅଧିକାରୀ ସୁଶ୍ରୀ ସୌମ୍ୟା ରଥ ଙ୍କ ର ଜେଜେ ଅଟନ୍ତି । ତାଙ୍କ ର ମୃତ୍ୟୁ ରେ ଵିଜେପି ନେତା ବିଜୟ ମହାପାତ୍ର ଙ୍କ ସମେତ ବିଭିନ୍ନ ନେତା ଓ ସ୍ଥାନୀୟ ବୁଦ୍ଧିଜିବି ଶୋକ ବ୍ୟକ୍ତ କରିଛନ୍ତି । ବଡ଼ପୁଅ ଅକ୍ଷୟ ରଥ ମୁଖାଗ୍ନି ଦେଇଥିଲା ବେଳେ ପୁଅ ,ଜ୍ୱାଇଁ , ନାତି , ସ୍ଥାନୀୟ ଅଂଚଳର ମାନ୍ୟଗଣ୍ୟ ବ୍ୟକ୍ତି ମାନେ ଉପସ୍ଥିତ ରହିବା ସହ ଶୋକ ବ୍ୟକ୍ତ କରିଥିଲେ । ମାହାଙ୍ଗାରୁ ଲଷ୍ମୀଧର ଖୁଣ୍ଟିଆଙ୍କ ରିପୋର୍ଟ,
