ଭୁବନେଶ୍ୱର (ଓଡିଶା ତାଜା ନିଉଜ) ଭୁବନେଶ୍ୱର 8.2.2020 :- ଭାରତର ଅଗ୍ରଣୀ ହୋମ୍ ସର୍ଭିସ୍ ମାର୍କେଟ୍ ପ୍ଲେସ୍ ଅର୍ବାନ୍ କମ୍ପାନୀ ଓଡ଼ିଶାର ରାଜଧାନୀ ଭୁବନେଶ୍ୱରରେ ଏହାର କାରବାର ଆରମ୍ଭ ସମ୍ପର୍କରେ ଘୋଷଣା କରିଛି । ଏହା ପୂର୍ବରୁ ଅର୍ବାନ୍ କ୍ଲାପ୍ ଭାବେ ବେଶ୍ ପରିଚିତି ହାସଲ କରିଥିଲା । ଏହି କମ୍ପାନୀ ଏବେ ଗ୍ରାହକଙ୍କ ଘରେ ସାଲିନ୍, ଇଲେକ୍ଟିସିଆନ୍, ପ୍ଲମ୍ବର, କାରପେଂଟର, ହୋମ୍ ଆପଲାଏନ୍ସ୍ ମରାମତି, ଏସି ସର୍ଭିସ୍ ଏବଂ ମରାମତି ତଥା ସଫାସଫି ପ୍ରଭୃତି ଉପଲ୨ କରାଇବ । କମ୍ପାନୀ ଏହାର ୧୦୦ଜଣ ତାଲିମ ପ୍ରାପ୍ତ ଦକ୍ଷ ପେଶାଦାରଙ୍କ ସହାୟତାରେ ବିଭିନ୍ନ ସେବା ଉପଲ୨ କରାଇବ । ଆଗାମୀ ଦିନରେ ଅଧିକ ପେଶାଦାରଙ୍କୁ କମ୍ପାନୀ ନିଯୁକ୍ତି ପ୍ରଦାନ କରି ଏହାର କାରବାର ବୃଦ୍ଧି କରାଇବାର ଲକ୍ଷ୍ୟ ରଖିଛି । ସମ୍ପ୍ରତି ଦେଶର ବିଭିନ୍ନ ସହରରେ ଇଂଟରନେଟ୍ ବ୍ୟବହାରକାରୀଙ୍କ ସଂଖ୍ୟା ବୃଦ୍ଧି ପାଉଥିବାବେଳେ କମ୍ପାନୀ ଏହାର କାରବାରକୁ ସହଜରେ ବୃଦ୍ଧି କରାଇବାର ଯୋଜନା ପ୍ରସ୍ତୁତ କରିଛି । ଭୁବନେଶ୍ୱର ଦେଶର ପୂର୍ବ କ୍ଷେତ୍ରରେ ଦ୍ରୁତ ବିକଶିତ ବ୍ୟବସାୟିକ ତଥା ବାଣିଜ୍ୟ ହବ୍ ଭାବେ ପରିଛିତି ହାସଲ କରି ଚାଲିଛି । ଏଠାରେ ବ୍ୟବସାୟିକ ହବ୍ ଏବଂ ବିଭିନ୍ନ ଅନୁଷ୍ଠାନ ସଂଖ୍ୟା କ୍ରମାଗତ ଭାବେ ବଢ଼ିଚାଲିଛି । ଫଳରେ ଦେଶର ଅନ୍ୟ ରାଜ୍ୟ ତଥା ସହରରୁ ଲୋକେ ଏଠାକୁ ଆକର୍ଷିତ ହୋଇ ଆସିବାରେ ଲାଗିଛନ୍ତି । ଏହି ଅବସରରେ ଅର୍ବାନ୍ କମ୍ପାନୀର ସହ ପ୍ରତିଷ୍ଠାତା ଅଭିରାଜ ଭାଲ୍ କହିଲେ, ଭୁବନେଶ୍ୱରରେ ଆମେ କାରବାର ଆରମ୍ଭ କରିବା ସହିତ ଆଗାମୀ ଦିନରେ ଦେଶର ପୂର୍ବ ରାଜ୍ୟଗୁଡ଼ିକରେ ନିଜର ସ୍ଥିତି ଜାହିର କରିବାର ଲକ୍ଷ୍ୟ ରଖିଛୁ । ଆମେ ସମ୍ପ୍ରତି ଦ୍ରୁତ ସମ୍ପ୍ରସାରଣକୁ ଗୁରୁତ୍ୱ ଦେଉଛୁ । ଆମର ବିଶ୍ୱାସ ଭୁବନେଶ୍ୱରରେ ଆମର ଉପସ୍ଥିତି ଆମ ଦ୍ୱାରା ପ୍ରଦାନ କରାଯାଉଥିବା ସେବାକୁ ଏଠାକାର କ୍ରମବର୍ଦ୍ଧମାନ ବଜାରରେ ଅଧିକ ବିକଶିତ କରିବାକୁ ସକ୍ଷମ ହେବ । ପେଶାଦାରଙ୍କୁ ଉପଯୁକ୍ତ ତାଲିମ୍ ପ୍ରଦାନ କରି କାରବାରରେ ନିୟୋଜିତ କରିବା କ୍ଷେତ୍ରରେ କମ୍ପାନୀର ୧୦ରୁ ଅଧିକ ବର୍ଷର ଅଭିଜ୍ଞତା ରହିଛି । ଏହା ନିରନ୍ତର ଉଚ୍ଚ ଗୁଣବର୍ତାଯୁକ୍ତ ସେବା ଉପଲ୨ କରାଇବା ଜାରି ରଖିଛି ।
