Lpg ସିଲିଣ୍ଡରର ମୂଲ୍ୟ ପୁଣି ଥରେ ବୃଦ୍ଧି ପାଇଛି – ସାଧାରଣ ଲୋକଙ୍କୁ ପୁଣି ଝଟକା -ଆଜି ପୁଣି ୨୫ ଟଙ୍କା ବୃଦ୍ଧି ପାଇଛି ; ୩ ମାସ ମଧ୍ୟରେ ୨୦୦ ଟଙ୍କା ମହଙ୍ଗା ହେଲାଣି

Lpg ସିଲିଣ୍ଡରର ମୂଲ୍ୟ ପୁଣି ଥରେ ବୃଦ୍ଧି ପାଇଛି – ସାଧାରଣ ଲୋକଙ୍କୁ ପୁଣି ଝଟକା -ଆଜି ପୁଣି ୨୫ ଟଙ୍କା ବୃଦ୍ଧି ପାଇଛି ; ୩ ମାସ ମଧ୍ୟରେ ୨୦୦ ଟଙ୍କା ମହଙ୍ଗା ହେଲାଣି – ବର୍ତମାନ ୮୩୧ ଟଙ୍କା ରେ ପହଞ୍ଚିଛି ଗ୍ୟାସ୍ ସିଲିଣ୍ଡର୍ ।

ଓଡ଼ିଶା ତାଜା ନ୍ୟୁଜ୍ ( ୨୫ ଫେବୃଆରୀ ଗୁରୁବାର ) ଓଡ଼ଗାଁ :- ସାଧାରଣ ଲୋକଙ୍କୁ ପୁଣି ଝଟକା । ଗୋଟିଏ ପଟେ ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଁ ଲୋକ ହନ୍ତସନ୍ତ ହେଉଛନ୍ତି । ଏହା ମଧ୍ୟରେ ପୁଣି ଥରେ ଘରୋଇ ଗ୍ୟାସ୍ ସିଲିଣ୍ଡର୍ ଦର ଦାମ୍ ବୃଦ୍ଧି ପାଇଛି । ୧୪.୨ କେଜି ଏଲପିଜି ସିଲିଣ୍ଡର ର ଦାମ୍ ବୃଦ୍ଧି ପାଇଛି । ଚଳିତ ମାସରେ ଗ୍ୟାସ୍ ସିଲିଣ୍ଡର୍ ଦାମ୍ ୩ ଥର ବୃଦ୍ଧି ହେଲାଣି । ଆଜି ପୁଣି ୨୫ ଟଙ୍କା ବୃଦ୍ଧି ପାଇଛି । ଫେବୃଆରୀ ମାସରେ ହିଁ ଲଗାତର ୩ ଥର ପାଇଁ ବୃଦ୍ଧି ହୋଇଛି । ୩ ମାସ ମଧ୍ୟରେ ୨୦୦ ଟଙ୍କା ମହଙ୍ଗା ହେଲାଣି । ଡିସେମ୍ବର ପରେ ଜାନୁଆରୀ ଏବଂ ଫେବୃଆରୀ ରେ ଘରୋଇ ଗ୍ୟାସ୍ ସିଲିଣ୍ଡର୍ ଦର ଦାମ୍ ବୃଦ୍ଧି ହୋଇଛି । ବର୍ତମାନ ୮୩୧ ଟଙ୍କା ରେ ପହଞ୍ଚିଛି ଗ୍ୟାସ୍ ସିଲିଣ୍ଡର୍ । Lpg ସିଲିଣ୍ଡରର ମୂଲ୍ୟ ପୁଣି ଥରେ ବୃଦ୍ଧି ପାଇଛି ।  ଫେବୃଆରୀରେ ତୃତୀୟ ଥର ପାଇଁ  ୧୪.୨ କିଲୋଗ୍ରାମ lpg ସିଲିଣ୍ଡରର ମୂଲ୍ୟ ବୃଦ୍ଧି କରିଛି ।  

ଏହାପୂର୍ବରୁ ଫେବୃଆରୀ ୪ ଏବଂ ୧୪ ତାରିଖରେ ଏହାର ମୂଲ୍ୟ ବୃଦ୍ଧି କରାଯାଇଥିଲା । ଡିସେମ୍ବରରେ, ଏଲପିଜି ସିଲିଣ୍ଡରର ମୂଲ୍ୟ ଦୁଇଥର ବୃଦ୍ଧି କରାଯାଇଥିଲା। ଡିସେମ୍ବର ୧ ରେ ଏହାର ହାର ୫୯୪ ରୁ ୬୪୪ ଟଙ୍କା  ହେଇଥିବା ବେଳେ ଡିସେମ୍ବର ୧୫ ରେ ଏହାର ମୂଲ୍ୟ ୬୯୪ ଟଙ୍କାକୁ ବୃଦ୍ଧି କରାଯାଇଥିଲା । ଅର୍ଥାତ୍ ଏକ ମାସ ମଧ୍ୟରେ ୧୦୦ ଟଙ୍କା ବୃଦ୍ଧି କରାଯାଇଥିଲା । କିନ୍ତୁ ଜାନୁଆରୀରେ ମୂଲ୍ୟ ବୃଦ୍ଧି କରାଯାଇ ନଥିଲା । ଜାନୁଆରୀରେ, ସବସିଡିଯୁକ୍ତ ଏଲପିଜିର ମୂଲ୍ୟ ୬୯୪  ଟଙ୍କା ରହିଥିଲା । ଫେବୃଆରୀ ଆରମ୍ଭରେ ଘରୋଇ ଗ୍ୟାସର ମୂଲ୍ୟ ବୃଦ୍ଧି ହୋଇ ନ ଥିଲା ଏବଂ ଏହା କେବଳ ପୁରୁଣା ମୂଲ୍ୟରେ ଉପଲବ୍ଧ ହେଉଥିଲା ।

ଫେବୃଆରୀ ୧ ରେ ଏହି ମୂଲ୍ୟରେ କୈାଣସି ବୃଦ୍ଧି ଘଟି ନ ଥିବା ବେଳେ ଫେବୃଆରୀ ୪ ରେ ଏହାର ହାର ପୁଣି ୭୧୯ ଟଙ୍କାକୁ ବୃଦ୍ଧି କରାଯାଇଥିଲା। ଅର୍ଥାତ୍ ୨୫ ଟଙ୍କା ବୃଦ୍ଧି ଘଟିଥିଲା । ଏହା ପରେ ୧୦ ଦିନ ମଧ୍ୟରେ lpg ର ମୂଲ୍ୟ ୫୦ ଟଙ୍କା ବୃଦ୍ଧି କରାଯାଇଥିଲା ।  ମାତ୍ର ଆଜି ପୁଣି ଥରେ ଏହାର ମୂଲ୍ୟ ୭୬୯ ରୁ ୭୯୪ ଟଙ୍କାକୁ ବୃଦ୍ଧି କରାଯାଇଛି। ଆଜିଠାରୁ ଦିଲ୍ଲୀରେ ଏଲପିଜି ସିଲିଣ୍ଡରର ହାର ୭୯୪  ଟଙ୍କାକୁ ବୃଦ୍ଧି କରାଯାଇଛି, ଅର୍ଥାତ୍ ଫେବୃଆରୀରେ ଏଲପିଜି ସିଲିଣ୍ଡରର ମୂଲ୍ୟ ୧୦୦ ଟଙ୍କା ବୃଦ୍ଧି ପାଇଛି। ଏଲପିଜି ମୂଲ୍ୟ ଏକ ସମୟରେ ବୃଦ୍ଧି ପାଇଛି ଯେତେବେଳେ ଭାରତରେ ପେଟ୍ରୋଲ ମୂଲ୍ୟ  ସର୍ବାଧିକ ରହିଛି । (ଓଡ଼ଗାଁ ରିପୋର୍ଟ – ଅଶ୍ଵିନୀ କୁମାର ସାହୁ )