ପଦ୍ମଶ୍ରୀ ହଳଧର ନାଗଙ୍କ ଦ୍ଵାରା ବେହେରାପାଟି ଶ୍ରୀରାମ ମନ୍ଦିର ନିର୍ମାଣର ଶୁଭାରମ୍ଭ

ଓଡ଼ିଶା ତାଜା ନ୍ୟୁଜ (୨୪ ଫେବୃଆରୀ,ବୁଧବାର ) କଳାହାଣ୍ଡି :- ନର୍ଲା ବ୍ଳକ ଅନ୍ତର୍ଗତ ବେହେରାପାଟି ଶ୍ରୀରାମ ମନ୍ଦିରର ନିର୍ମାଣ କାର୍ଯ୍ୟର ଶୁଭାରମ୍ଭ ଲୋକକବି ପଦ୍ମଶ୍ରୀ ହଳଧର ନାଗଙ୍କ ଦ୍ଵାରା ଅନୁଷ୍ଠିତ ହୋଇଯାଇଛି।ଗତ ଡିସେମ୍ବର ୧୭ ତାରିଖରେ ମନ୍ଦିର ନିର୍ମାଣ ସ୍ଥଳରେ ଭୂମିପୂଜନ ଉତ୍ସବ ହୋଇଥିଲା । ଗତକାଲି ସକାଳେ ଗ୍ରାମର ମହିଳା ମାନଙ୍କ ଦ୍ଵାରା କଳସଯାତ୍ରା ଅନୁଷ୍ଠିତ ହୋଇ ମୁଖ୍ୟ ଅତିଥି ତଥା ପଦ୍ମଶ୍ରୀ ହଳଧର ନାଗ ନିଜ ହାତରେ ମାଟି ଖୋଳି ମନ୍ଦିର ନିର୍ମାଣ କାର୍ଯ୍ୟର ଶୁଭାରମ୍ଭ କରିଥିଲେ । ଏକ ସ୍ଵତନ୍ତ୍ର କାର୍ଯ୍ୟକ୍ରମରେ ନିର୍ମାଣ ସମିତିର ସଭାପତି କଲ୍ୟାଣ କୁମାର ସାହୁ, ଜିଲ୍ଲା ପରିଷଦ ସଭ୍ୟ ପ୍ରଦୀପ କୁମାର ନାଏକ, ପ୍ରକୃତି ମିତ୍ର ସନ୍ତୋଷ କୁମାର କର,କବି ମଧୁସୂଦନ ରାଉତ, ବିଶିଷ୍ଟ ସାହିତ୍ୟିକ ପଦ୍ମଲୋଚନ ମିଶ୍ର ଓ ବେହେରାପାଟି ଜନସାଧାରଣଙ୍କ ଉପସ୍ଥିତରେ ପଦ୍ମଶ୍ରୀ ହଳଧର ନାଗଙ୍କୁ ଉପଢୌକନ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । ଲୋକନାଥ ବିଶ୍ୱ।ଳ, ଚିନ୍ତାମଣି ନାଏକ, ଚକ୍ରଧର ସା,ହର ସା,ଥବୀର ଗଉଡ କାର୍ଯ୍ୟକ୍ରମରେ ସହଯୋଗ କରିଥିବା ବେଳେ ଶିକ୍ଷାବିତ ତପନ କୁମାର ଭୋଇ ମଞ୍ଚ ପରିଚାଳନା କରିଥିଲେ । ( ରିପୋର୍ଟ ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିଫ)