ନୟାଗଡ ଜିଲ୍ଲା (ଓଡିଶା ତାଜା ନ୍ୟୁଜ୍) ରଣପୁର – ପ୍ରତିନିଧି ସୋନାଲି 1/02/2020 :- ରଣପୁର ଏନଏସି ଅନ୍ତର୍ଗତ ପାଇକସାହି ରେ ଜୈନିକ ବ୍ୟକ୍ତିଙ୍କ ବାରିପଟ ଗ୍ରିଲ୍ ଭାଙ୍ଗି ଡକାୟତ ଅଭିଯୋଗରେ ପୁଲିସ ଆଜି ୩ ଜଣଙ୍କୁ ଗିରଫ କରି କୋର୍ଟ ଚାଲଣ କରିଥିବା ଜଣାଯାଇଛି । ଥାନାରେ ଅଭିଯୋଗ ଅନୁଯାୟୀ ରଣପୁର ପାଇକସାହି ରେ ଗତ ମଙ୍ଗଳବାର ବିଳମ୍ବିତ ରେ ସତ୍ୟନାରାୟଣ ସାହୁଙ୍କ ବାରିପଟ ଗ୍ରିଲ୍ ଭାଙ୍ଗି ଏକ ଡକାୟତ ଦଳ ଘର ଭିତରକୁ ପ୍ରବେଶ କରିଥିଲେ । ଘର ଭିତରେ ପଶି ଶୋଇଥିବା ସମସ୍ତ ସଦସ୍ୟଙ୍କ ରୁମରେ ଚାବି ପକାଇ ଦେଇଥିଲେ । ଯାହାଫଳରେ ଘର ର କୌଣସି ସଦସ୍ୟ ଡକାୟତ ର କୌଣସି ସୁରାକ ପାଇନଥିଲେ । ଲୁଟେରା ମାନେ ଘର ଲୋକଙ୍କୁ ରୁମ ଭିତରେ ଶୋଇଥିବା ଅବସ୍ଥାରେ ବାହାର ପଟୁ ତାଲା ପକାଇ ଦେଇଥିଲେ । ପରେ ଦାଣ୍ଡଘର ପାଖକୁ ଲାଗି ରହିଥିବା ଏକ କୋଠରୀ ତାଲା ଭାଙ୍ଗି ଆଲମିରା ଥିବା ୧୨୦ ଗ୍ରାମ ସୁନା, ୫୦୦ ଗ୍ରାମ ରୂପା ଓ ନଗଦ ୨ ଲକ୍ଷ ୮୫ ହଜାର ଟଙ୍କା ଲୁଟି ନେଇଥିଲେ । ତେବେ ସକାଳ ସାଢେ ୬ ଟା ରେ ନିଦ ଭାଙ୍ଗିବା ପରେ ଘର ଲୋକେ ମୋବାଇଲ ଯୋଗେ ପଡୋଶୀ ଲୋକଙ୍କୁ ଡାକି ତାଲା ଭାଙ୍ଗିବାରୁ ଘର ର ସଦସ୍ୟ ମାନେ ବାହାରକୁ ବାହାରି ତୁରନ୍ତ ଥାନାରେ ଜଣାଇଥିଲେ । ପରେ ରଣପୁର ଥାନାରେ ୩୧/୨୦ ରେ ଏକ ମକଦ୍ଦମା ରୁଜ୍ଜୁ ହୋଇଥିଲା । ପୁଲିସ ତଦନ୍ତ କରି ରଣପୁର ଉପର ସାହିର ୩ ଜଣଙ୍କୁ ଆଣି ପଚରା ଉଚରା ଚଳାଇଥିଲା । ପ୍ରତି ମାସରେ ରଣପୁର ଅଚଂଳରେ ଏଭଳି କିଛି ଚୋରି ଡକାୟତି ହେଉଥିବାରୁ ପୁଲିସ ଏହାକୁ ଚ୍ୟାଲେଞ୍ଜ ଭାବେ ଗ୍ରହଣ କରି ନେଇଥିଲା । ପରେ ଅଭିଯୁକ୍ତ ମାନଙ୍କର ଫୋନ କୁ ଟ୍ରାକିଙ୍ଗି କରିଥିଲା । ଆଜି ଏହି ଘଟଣାରେ ପୁଲିସ ରଣପୁର ଉପର ସାହିର ନବ ରଥିଙ୍କ ପୁଅ ମୁନ୍ନା ରଥି (୨୦) ,ଭଗବାନ ସ୍ୱାଇଁ ଙ୍କ ପୁଅ ଚନ୍ଦନ ସ୍ୱାଇଁ(୨୦) ଓ ଅନ୍ୟଜଣେ ନାବାଳକକୁ ଗିରଫ କରି କୋର୍ଟ ଚାଲଣ କରିଥିଲେ । ନାବାଳକ କୁ ଢେଙ୍କାନାଳ ଜେଲ କୁ ପଠାଇ ଦିଆ ଯାଇଥିବା ବେଳେ ଅନ୍ୟ ୨ ଜଣଙ୍କ ଜାମିନ ନାମଞୁର ହେବାରୁ ସେମାନଙ୍କୁ ଜେଲ କୁପଠାଇ ଦିଆଯାଇଛି । ଖୋର୍ଦ୍ଧା ଅଚଂଳର ମାଷ୍ଟର ମାଇଣ୍ଡ ନିର୍ଦ୍ଦେଶ ରେ ରଣପୁର ରେ ଏକ ଡକାୟତ ଟିମ୍ ଗଠନ ହୋଇଥିଲା । ଏହି ଟିମ୍ ଅତି ସତର୍କତାର ସହିତ ପ୍ରତିମାସରେ ରଣପୁର ଅଚଂଳରେ ୨ ଟି ଲେଖାଁଏ ଡକାୟତି କରି ଆସୁଥିଲେ । ଏମାନେ ନରସିଂହ ପୁର , ଆରଡା, ରଘୁନାଥ ପୁର , ରଣପୁର ଅମଲାପଡା ଓ ପାଇକ ସାହି ଡକାୟତି ଘଟଣାରେ ସଂପୃକ୍ତ ବୋଲି ପୁଲିସ କହିଛି । ଏମାନେ ସାଧାରଣତଃ ଦେହରେ ତେଲ ଘସି ହୋଇ ବିଭିନ୍ନ ପ୍ରକାର ମାରଣା ଅସ୍ତ୍ର ନେଇ ଡକାୟତ କରିଥାନ୍ତି । ଏବଂ ଯୋଉଁ ଘରେ ଡକାୟତ କରନ୍ତି ସେ ଘରେ ସେ ଘରେ ଭାତ ତରକାରୀ ଖାଇଥାନ୍ତି ବୋଲି ଜଣାଯାଇଛି । ଏହି ଘଟଣାରେ ଆଇଆଇସି ରଶ୍ମିରଞ୍ଜନ ଦାଶ ଙ୍କ ନିର୍ଦ୍ଦେଶରେ ସେକେଣ୍ଡ ଅଫିସର ପ୍ରୀତି ପ୍ରକାଶ ମହାନ୍ତି ଓ ବିନିତା ନାୟକ ଘଟଣାର ତଦନ୍ତ କରୁଥିଲେ । ମାଷ୍ଟର ମାଇଣ୍ଡ କୁ ଖୁବ୍ ଶୀଘ୍ର ଧରିବେ ବୋଲି ଆଇଆଇସି ରଶ୍ମି ରଞ୍ଜନ ଦାଶ ଜଣାଇଛନ୍ତି ।
ଜଣାଯାଇଛି
