ମାହାଙ୍ଗା (ଓଡିଶା ତାଜା ନିଉଜ ) 1/02/20 :- କଟକ ଜିଲ୍ଲା ନିଶ୍ଚନ୍ତକୋଇଲି ଥାନା ଅଂଚଳରେ ଜଣେ ପ୍ରଧାନ ଶିକ୍ଷୟତ୍ରୀଙ୍କ ବାଡ଼ି ପ୍ରହାରରେ ଜଣେ ଛାତ୍ରୀ ଗୁରୁତର ହେବା ଓ ପରେ ଚିକିତ୍ସା ନିମନ୍ତେ ମେଡିକାଲ ରେ ଭର୍ତ୍ତି ହେବା ନେଇ ନିଶ୍ଚନ୍ତକୋଇଲି ଥାନାରେ ଅଭିଯୋଗ ହେବା ଘଟଣା ମୁଖ୍ୟ ଚର୍ଚ୍ଚାର ବିଷୟ ପାଲଟିବା ସହ ସରକାରଙ୍କ ଦାଣ୍ଡମୁକ୍ତ ଅଂଚଳ ଏବେ ସୁରକ୍ଷିତ ନେଇ ପ୍ରଶ୍ନ ଉଠିଛି,
ସରକାର ବିଦ୍ୟାଳୟ କୁ ଦଣ୍ଡମୁକ୍ତ ଅଂଚଳ ଘୋଷଣା କରିଥିଲେ ମଧ୍ୟ ଏହାକୁ ଅଧିକାଂଶ ଶିକ୍ଷକ, ଶିକ୍ଷୟିତ୍ରୀ ଦଣ୍ଡଯୁକ୍ତ ଅଂଚଳ କରିଦେଲେଣି । ଯେମିତି ସରକାରୀ ନିୟମକୁ ସବୁ ଉଠିଗଲାଣି । ଫଳରେ ବିଦ୍ୟାଳୟ ରେ ଶିକ୍ଷକ ଓ ଶିକ୍ଷୟିତ୍ରୀ ଉଗ୍ର ରୂପ ଦେଖି କୋମଳମତୀ ଛାତ୍ରଛାତ୍ରୀ ମାନେ ଆଉ ସ୍କୁଲ୍ କୁ ଆସି ପାଠ ପଢ଼ିବାକୁ ସୁରକ୍ଷିତ ମଣୁନାହାନ୍ତି, ଏଭଳି ଏକ ଅଭାବନୀୟ ଘଟଣା ଘଟିଛି କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ନତକାଇ ଗାଁରେ ଥିବା କୃତିବାସ ନୋଡାଲ ବିଦ୍ୟାଳୟରେ । ଏହି ବିଦ୍ୟାଳୟ ରେ ଦୂତୀୟ ଶ୍ରେଣୀ ରେ ପଢୁଥିବା ଲକ୍ଷ୍ମୀପ୍ରିୟା ବେଜ୍ ୮ ବର୍ଷୀୟ ନାବାଳିକା ଛାତ୍ରୀ ଙ୍କୁ ପ୍ରଧାନ ଶିକ୍ଷୟିତ୍ରୀ ମନୋରମା ମିଶ୍ର ଗୋଟିଏ ବାଡ଼ିରେ ନିରଧୁମ ମାଡ଼ ମାରି ଲହୁଲୁହାଣ କରିଥିବା ଥିବା ନେଇ ନାବାଳିକାଙ୍କ ମା’ ଅନୂସୟା ବେଜ୍ ନିଶ୍ଚନ୍ତ କୋଇଲି ଥାନାରେ ଅଭିଯୋଗ କରିଛନ୍ତି ।
ଖବର ଅନୁଯାଇ ଉକ୍ତ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଜଣକ ଜାନୁଆରୀ ୨୬ ତାରିଖ ବର୍ଷ ର କେଉଁ ଦିନ ପଡେ ବୋଲି ସଂପୃକ୍ତ ଦୂତୀୟ ଶ୍ରେଣୀ ର ଛାତ୍ରୀ ଙ୍କୁ ପଚାରିଥିଲେ । ଛାତ୍ରୀ ଜଣକ ଠିକ ଉତ୍ତର ନ ଦେଇ ପାରିବାରୁ ପ୍ରଧାନ ଶିକ୍ଷୟିତ୍ରୀ ଜଣକ ରାଗି ପାଚିଯାଇ ଏକ ବାଡି ଦ୍ଵାରା ନିର୍ଧୂମ ମାଡ଼ ମାରିଥିଲେ । ମାଡ଼ରେ ଛାତ୍ରୀ ଜଣଙ୍କର ଶରୀରର ବିଭିନ୍ନ ସ୍ଥାନରେ କ୍ଷତ ଚିହ୍ନ ଥିବାର ସ୍ପଷ୍ଟ ସୂଚନା ମିଳୁଛି ।
ପ୍ରଥମେ ଛାତ୍ରୀ ଙ୍କ ପରିବାର ଲୋକେ ଗୁରୁତର ଛାତ୍ରୀ ଙ୍କୁ ନିକଟସ୍ଥ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଚିକିତ୍ସା ପରେ ନିଶ୍ଚିନ୍ତକୋଇଲି ଥାନା ରେ ଅଭିଯୋଗ କରିଛନ୍ତି, ଅଭିଯୋଗ ପାଇବା ପରେ ପୋଲିସ ଘଟଣାକୁ ଗୁରୁତ୍ୱ ଦେଇ 20/2020 ରେ ଏକ ମାମଲା ୠଜୁକରୁ ତଦନ୍ତ ଅରମ୍ଭକରିଛି, ଘଟଣାର ସତ୍ୟାସତ୍ୟ ଥିଲେ ଉକ୍ତ ଶିକ୍ଷୟତ୍ରୀ ଙ୍କ ବିରୁଦ୍ଧରେ ଦୃଢ଼ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ନିଶ୍ଚନ୍ତକୋଇଲି ଆଇଆଇସି ସୄଭ୍ରାଂଶୁ ଶେଖର ପରିଡା କହିଛନ୍ତି, ଅପରପକ୍ଷରେ ଜଣେ ପ୍ରଧାନ ଶିକ୍ଷୟତ୍ରୀ ବିଦ୍ୟାଳୟର ସର୍ବୋଚ୍ଚ ଦାୟିତ୍ୱରେ ଥିବା ବେଳେ ନିଜ ମାନବିକତା ଭୁଲି ଏଭଳି ନିରୀହ ଶିଶୁଙ୍କୁ ଗୋରୁ ଗାଈ ଭଳି ପିଟିବାକୁ ନେଇ ସ୍ଥାନୀୟ ଅଭିଭାବକ ମାନେ ପ୍ରଶ୍ନ ଉଠାଇବା ସହ ତାଙ୍କୁ ତାଙ୍କ ପଦବୀରୁ ଅପସାରଣ କରିବାକୁ ଶିକ୍ଷା ବିଭାଗ ନିକଟରେ ଦାବୀ କରିଚନ୍ତି । ମାହାଙ୍ଗାରୁ ଲଷ୍ମୀଧର ଖୁଣ୍ଟିଆଙ୍କ ରିପୋର୍ଟ,
