ନୟାଗଡ଼ ଜିଲ୍ଲା ପରିଷଦର ୯ମ ସାଧାରଣ ଅଧିବେଶନ

ଓଡ଼ିଶା ତାଜା ନ୍ୟୁଜ୍ (୨୮ ଜାନୁୟାରୀ ଗୁରବାର ) ନୟାଗଡ଼ : – ଆଜି  ସମୟରେ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ସଭାଗୃହ ସୃଜନ ଠାରେ ଜିଲ୍ଲା ପରିଷଦର ଅଧ୍ୟକ୍ଷା ଶ୍ରୀମତୀ ବୈଜୟନ୍ତିମାଳା ମହାନ୍ତିଙ୍କ ଅଧ୍ୟକ୍ଷତାରେ ନୟାଗଡ଼ ଜିଲ୍ଲା ପରିଷଦର ୯ମ ସାଧାରଣ ଅଧିବେଶନ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଜିଲ୍ଲା ପରିଷଦର ଅଧ୍ୟକ୍ଷା ଶ୍ରୀମତୀ ମହାନ୍ତି ମାନ୍ୟବର ବିଧାୟକ ରଣପୁର ତଥା ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ ଶ୍ରୀ ସତ୍ୟନାରାୟଣ ପ୍ରଧାନ, ମାନ୍ୟବର ବିଧାୟକ ଦଶପଲ୍ଲା ଶ୍ରୀ ରମେଶ ଚନ୍ଦ୍ର ବେହେରା, ଉପଧ୍ୟକ୍ଷ ଜିଲ୍ଲା ପରିଷଦ ଶ୍ରୀ ଅଖିଳ କୁମାର ଜାନୀ, ଡା. ପୋମା ଟୁଡୁ, ଜିଲ୍ଲାପାଳ ନୟାଗଡ଼, ଶ୍ରୀ ସୁବାସ ଚନ୍ଦ୍ର ରାୟ, ପ୍ରକଳ୍ପ ନିର୍ଦ୍ଦେଶକ, ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା,ମାନ୍ୟବର ସାଂସଦ କଟକ ଓ ପୁରୀଙ୍କ ପ୍ରତିନିଧି , ସମସ୍ତ ଜିଲ୍ଲା ପରିଷଦ ସଭ୍ୟ/ସଭ୍ୟା, ପଂଚାୟତ ସମିତିର ଅଧ୍ୟକ୍ଷ/ଅଧ୍ୟକ୍ଷା, ସମସ୍ତ ଜିଲ୍ଲାସ୍ତରୀୟ ଅଧିକାରୀ, ଲାଇନ ବିଭାଗର ପଦସ୍ଥ ଅଧିକାରୀଙ୍କୁ ସ୍ୱାଗତ ଜଣାଇ ଏହି ଅଧିବେଶନ ସଂପର୍କରେ ସୂଚନା ପ୍ରଦାନ କରିଥିଲେ । ସର୍ବପ୍ରଥମେ ନୟାଗଡ଼ ବନଖଣ୍ଡ ବିଭାଗର ବନୀକରଣ ସଂପର୍କରେ ଆଲୋଚନା କରାଯାଇଥିଲା ।

କେଉଁ ଅଂଚଳରେ କେତେ ବୃକ୍ଷ ରୋପଣ କରାଯାଇଛି ଏବଂ ସେଗୁଡ଼ିକର ରକ୍ଷଣା ବେକ୍ଷଣ ଉପରେ କି ପଦକ୍ଷେପ ନିଆଯାଇଛି ସେ ସଂପର୍କରେ ଆଲୋଚନା କରାଯାଇଥିଲା । ବନ ବିଭାଗର ରାସ୍ତାଗୁଡ଼ିକ ତୁରନ୍ତ ନିର୍ମାଣ କରିବା ପାଇଁ ବୈଠକରେ ଆଲୋଚନା କରାଯାଇଥିଲା । ବିଶେଷକରି ରଣପୁର ବ୍ଲକ ଅନ୍ତର୍ଗତ ଶିମିଳଝରକୁ ବନ ବିଭାଗ ଦ୍ୱାରା ରାସ୍ତା ନିର୍ମାଣ କରିବା ସହିତ ଇକୋ ଟୁରିଜିମ୍ କେନ୍ଦ୍ର କରିବା ପାଇଁ ବିଧାୟକ ରଣପୁର ପରାମର୍ଶ ଦେଇଥିଲେ । ସେହିପରି ଗ୍ରାମ୍ୟ ଉନ୍ନୟନ ବିଭାଜନ-୧ ସଂପର୍କରେ ନୟାଗଡ଼ , ଖଣ୍ଡପଡ଼ା ଓ ରଣପୁର ନିର୍ବାଚନ ମଣ୍ଡଳୀ ଅଧିନସ୍ଥ ନୟାଗଡ଼, ଓଡ଼ଗାଁ, ଖଣ୍ଡପଡ଼ା, ଭାପୁର ଏବଂ ରଣପୁର ବ୍ଲକରେ ଥିବା ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନା ମାଧ୍ୟମରେ ନିର୍ମାଣ ହୋଇଥିବା ଏବଂ ନିର୍ମାଣଧିନ ଥିବା ପ୍ରକଳ୍ପ ଗୁଡ଼ିକ ସଂପର୍କରେ ବୈଠକରେ ଆଲୋଚନା କରାଯାଇଥିଲା ।

ସେହିପରି ଗ୍ରାମ୍ୟ ଉନ୍ନୟନ ବିଭାଜନ-୨ ଦଶପଲ୍ଲା ନିର୍ବାଚନ ମଣ୍ଡଳୀ ଅଧିନସ୍ଥ ଦଶପଲ୍ଲା,ଗଣିଆ ଏବଂ ନୂଆଗାଁ ବ୍ଲକରେ ଥିବା ବିଭିନ୍ନ ଯୋଜନା ମାଧ୍ୟମରେ ଶେଷ ହୋଇଥିବା ଏବଂ ନିର୍ମାଣଧିନ ଥିବା ପ୍ରକଳ୍ପ ଗୁଡ଼ିକର ବିଶଦ ଆଲୋଚନା କରାଯାଇଥିଲା । ପରେ ପରେ ନୟାଗଡ଼ ରାସ୍ତା ଓ କୋଠାବାଡ଼ି ବିଭାଜନ ଦ୍ୱାରା ଜିଲ୍ଲାରେ ହୋଇଥିବା ବିଭିନ୍ନ ରାସ୍ତା ଓ କୋଠାବାଡ଼ି ସଂପର୍କରେ ଆଲୋଚନା କରାଯାଇ ନିର୍ମାଣଧିନ ଥିବା କାର୍ଯ୍ୟଗୁଡ଼ିକୁ ତୁରନ୍ତ ଶେଷ କରିବା ପାଇଁ ବୈଠକରେ ମତ ପ୍ରକାଶ ପାଇଥିଲା ା ପରେ ପରେ ଗ୍ରାମ୍ୟ ପାନୀୟ ଜଳ ଯୋଗାଣ ଓ ପରିମଳ ବିଭାଜନର ବିଭିନ୍ନ କାର୍ଯ୍ୟ ଆଲୋଚନା କରାଯାଇ ନଳକୂଅଗୁଡ଼ିକର ତୁରନ୍ତ ମରାମତି ଏବଂ ପାଇପ୍ ଲାଇନ ଦ୍ୱାରା ପାନୀୟ ଜଳ ଯୋଗାଣକୁ ତ୍ୱରାନ୍ନିତ କରିବା ପାଇଁ ସଂପୃକ୍ତ ନିର୍ବାହୀ ଯନ୍ତ୍ରୀଙ୍କୁ ନିର୍ଦ୍ଦେଶ ଦିଆଯାଇଥିଲା ।

ଓରେଡା ଏବଂ ସୋଲାର ମାଧ୍ୟମରେ ଆବଶ୍ୟକ ସ୍ଥଳେ ଜଳ ଯୋଗାଣ ବ୍ୟବସ୍ଥାକୁ ତ୍ୱରାନ୍ୱିତ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା । କୃଷି ବିଭାଗ ଦ୍ୱାରା ବିଭିନ୍ନ ଫସଲର ଲକ୍ଷ ଧାର୍ଯ୍ୟ ଓ ହାସଲ ସଂପର୍କରେ ଆଲୋଚନା କରାଯାଇଥିଲା । ଖରିଫ୍ ଋତୁରେ କେତେ ଧାନ ଅମଳ କରାଯାଇଛି ସେ ସଂପର୍କରେ ଆଲୋଚନା କରାଯିବା ସହିତ ଆତ୍ମାର କାର୍ଯ୍ୟ ସଂପର୍କରେ ଅଅଲୋଚନା କରାଯାଇଥିଲା । ସେହିପରି ପରମ୍ପରାଗତ କୃଷି ବିକାଶ ଯୋଜନା ଓ ପୂର୍ବ ଭାରତରେ ଦ୍ୱିତୀୟ ସବୁଜ ବିପ୍ଲବ ଯୋଜନା ସଂପର୍କରେ ଆଲୋଚନା ହୋଇଥିଲା । ବ୍ଲକ ପିଛା ଜାତୀୟ ଖାଦ୍ୟ ନିରାପତ୍ତା ମିଶନର କାର୍ଯ୍ୟକ୍ରମ ସଂପର୍କରେ ଏବଂ ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା ସଂପର୍କରେ ଆଲୋଚନା କରାଯାଇଥିଲା ।

ଏଥିସହିତ ରିହାତି ଦରରେ ସୌରଚାଳିତ ପାଣି ପମ୍ପ ଯୋଗାଣ, ମୃତ୍ତିକା ସ୍ୱାସ୍ଥ୍ୟ କାର୍ଡ ଯୋଜନା ସଂପର୍କରେ ମଧ୍ୟ ଆଲୋଚନା କରାଯାଇଥିଲା । ଏହାପରେ ଜଳସେଚନ ବିଭାଜନ ଅଧିନସ୍ଥ ଜିଲ୍ଲା ସଂପର୍କିତ ଉନ୍ନୟନ ମୂଳକ କାର୍ଯ୍ୟ ୨ ସମ୍ବନ୍ଧରେ ବିବରଣୀ ଉପସ୍ଥାପନ କରାଯାଇଥିଲା । କ୍ଷୁଦ୍ର ଜଳ ସେଚନ ବିଭାଜନ, ଉଠାଜଳସେଚନ ବିଭାଜନ, ମୃତ୍ତିକା ସଂରକ୍ଷଣ ଓ ଜଳବିଭାଜିକା ଉନ୍ନୟନ କାର୍ଯ୍ୟକ୍ରମ, ଜିଲ୍ଲାରେ ଉଦ୍ୟାନ କୃଷି ବିଭାଗ ଅନ୍ତର୍ଗତ ବିଭିନ୍ନ କାର୍ଯ୍ୟକ୍ରମ ଏବଂ ଗଏଘଜଋଏଝ ଯୋଜନାରେ ହୋଇଥିବା କାର୍ଯ୍ୟକ୍ରମ ଉପରେ ଆଲୋଚନା କରାଯାଇଥିଲା । ପରେ ପରେ ପ୍ରକଳ୍ପ ନିର୍ଦ୍ଦେଶକ ଶ୍ରୀ ସୁବାସ ଚନ୍ଦ୍ର ରାୟ ସମସ୍ତଙ୍କୁ ଧନ୍ୟବାଦ ପ୍ରଦାନ ପରେ ପରେ ସଭା ସାଙ୍ଗ କରାଯାଇଥିଲା ।