ବମ୍ଫକୁଦ ପ୍ରିମିୟର ଲିଗ୍ କ୍ରିକେଟ ଆରମ୍ଭ

ଓଡ଼ିଶା ତାଜା ନ୍ୟୁଜ (୨୧ ଜାନୁଆରୀ ଗୁରୁବାର)କଟକ :- ମହାନଗର ନିଗମ ୫୯ ନମ୍ବର ୱ।ର୍ଡ଼ ର ଫୁଲନଖରା ନିକଟସ୍ଥ ବମ୍ଫକୁଦ ଖଳପଡିଆରେ ବୁଧବାର ଠାରୁ ବିପିଏଲ ବମ୍ଫକୁଦ ପ୍ରିମିୟର ଲିଗ କ୍ରିକେଟ ଟୁର୍ଣାମେଣ୍ଟ ଟୁନା ଜେନାଙ୍କ ଉଦ୍ୟମରେ ଆରମ୍ଭ ହୋଇଛି । ଏହି ଟୁର୍ଣାମେଣ୍ଟ ରେ ଛ ଗୋଟିଏ ଟିମ ଅଂଶ ଗ୍ରହଣ କରିଛନ୍ତି । ଆୟୋଜିତ ମ୍ୟାଚକୁ କଟକ ସଦର ବ୍ଲକ ବିଜେଡ଼ି ସଭାପତି ପ୍ରମୋଦ କୁମାର ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଫିତା କାଟି ଖେଳ ଉଦଘାଟନ କରିଥିଲେ । ଅନ୍ୟ ମାନଙ୍କ ମଧ୍ୟରେ ଯୁବ ସମାଜ ସେବୀ ପ୍ରଶାନ୍ତ କୁମାର ଦଳାଇ,

ବିଜେଡି କଟକ ନଗର ସାଧାରଣ ସଂପାଦକ ପ୍ରକାଶ ନାୟକ, ସାମ୍ବାଦିକ ସୁରେନ୍ଦ୍ର ମହାପାତ୍ର, ଲଳିତ ଦାଶ, ସନାତନ ପରିଜା, ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଦିତୀୟ ଦିନ ଅନୁଷ୍ଠିତ ମ୍ୟାଚ ଡ଼ଲ ସୁପରଷ୍ଟାର ବନାମ ବୁଲ ଫାଇଟର ମଧ୍ୟରେ ହୋଇଥିବା ମ୍ୟାଚ ରେ ପ୍ରଥମେ ଡ଼ଲ ସୁପର ଷ୍ଟାର ଦଶ ଓଭରରେ ସମସ୍ତ ଉଇକେଟ ହରାଇ ୮୭ ରନ କରିଥିଲା ।

ଏହାର ଜବାବରେ ବୁଲ ଫାଇଟର ଛ ଓଭରରେ ୮୮ ରନ କରି ବିଜୟୀ ହୋଇ , ପରବର୍ତ୍ତୀ ମ୍ୟାଚ ଖେଳିବା ସୁଯୋଗ ପାଇଥିଲା । ପୁନାନନ୍ଦ ଜେନା, ବଲ୍ଲଭ ଜେନା, ସୁକଦେବ ଜେନା, ପ୍ରଦ୍ୟୁମ୍ନ ଜେନା , ଲୋଟଣି ଜେନା, ପ୍ରକାଶ ନାୟକ ପ୍ରମୁଖ ଙ୍କ ଟିମ ମ୍ୟାଚରେ ଅଂଶଗ୍ରହଣ କରିଥିଲେ । ଖେଳ ପରିଚାଳନା ରେ ଗ୍ରାମର ସମସ୍ତ ଯୁବକ ସହଯୋଗ କରିଥିଲେ । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ )