ନବଜାତ କନ୍ୟା ସନ୍ତାନର ମୃତ ଶରୀର ଉଦ୍ଧାର

ଓଡ଼ିଶା ତାଜା ନ୍ୟୁଜ (୨୦ ଜାନୁଆରୀ ବୁଧବାର ) ବୁଗୁଡା :- ବୁଗୁଡା ଥାନା ଅନ୍ତର୍ଗତ ଖୋଳ ଖାଳି ଗ୍ରାମଦେଇ ଯାଇଥିବା ବାଘୁଆ କେନାଲର ସାଇଫନ ରେ ଏକ ନବଜାତ କନ୍ୟା ସନ୍ତାନର ମୃତ ଶରୀର ପଡିଥିବା ଦେଖିବାକୁ ମିଳିଛି । ଜାନୁଆରୀ ୨୦ ତାରିଖ ଦିନ ଏହି ଅଭାବନୀୟ ଘଟଣା ଦେଖିବାକୁ ପାଇ ଗ୍ରାମବାସୀ ବୁଗୁଡା ପୋଲିସ ଥାନାକୁ ଖବର ଦେଇଥିଲେ । ଖବର ପାଇ ବୁଗୁଡା ପୋଲିସ ଘଟଣା ସ୍ଥଳରେ ପହଞ୍ଚି ଅଗ୍ନିଶମ ବିଭାଗକୁ ଖବର ଦେଇଥିଲେ । ଘଟଣା ସ୍ଥଳରେ ଦମକଳ ବାହିନୀ ପହଞ୍ଚି ନବଜାତ ମୃତ

କନ୍ୟା ସନ୍ତାନକୁ ଉଦ୍ଧାର କରି ବୁଗୁଡା ମେଡ଼ିକାଲକୁ ନେଇଥିଲେ । ସେଠାରେ ଡାକ୍ତର ନବଜାତ ଶିଶୁକୁ ମୃତ ଘୋଷଣା କରିଥିଲେ । ଶିଶୁର ଶବ ବ୍ୟବଚ୍ଛେଦ ପାଇଁ ପଠାଯିବ ବୋଲି ଜଣାପଡିଛି । କେତେକ ଲୋକ କନ୍ୟା ସନ୍ତାନ ଯୋଗୁଁ ଫୋପାଡ଼ି ଦେଇଥିବା ଅନୁମାନ କହୁଥିବା ବେଳେ ଅନ୍ୟ କେତକ ଅବୈଧ ସନ୍ତାନ ଯୋଗୁ ଫୋପାଡ଼ି ଦେଇଥିବା ଅନୁମାନ କରୁଛନ୍ତି । ପୋଲିସ ଏକ ମାମଲା ରୁଜୁ କରିଥିବା ବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ପ୍ରକୃତ ଘଟଣା ଜଣାପଡିବା ଆଶା କରାଯାଉଛି ।  ( ରିପୋର୍ଟ ଶେଷଦେବ ସାହୁ ଗଞ୍ଜାମ ଜିଲ୍ଲା ବ୍ୟୁରୋ )