ରଣପୁର (ଓଡିଶା ତାଜା ନିଉଜ) ରିପୋର୍ଟ – ସୋନାଲି 28.1.2020 – ରଣପୁର ଅଧିଷ୍ଠାତ୍ରୀ ଦେବୀ ତଳମଣିନାଗ ପୀଠକୁ ପୃର୍ତ ବିଭାଗ ତରଫରୁ ହେଉଥିବା ରାସ୍ତା ନିର୍ମାଣକୁ ଜୈନିକ ବ୍ୟକ୍ତି ନିଜର ଜମି କହିବାରୁ ଏବେ କାର୍ଯ୍ୟ ଅଧାରେ ଅଟକିଛି । ଇତିମଧ୍ୟରେ ପୂର୍ତ ବିଭାଗର ବରିଷ୍ଠ ଅଧିକାରି ମାନେ ଘଟଣା ସ୍ଥଳ ବୁଲି ଯାଇଥିବାବେଳେ କୌଣସି ସୁଫଳ ମିଳିନାହିଁ । ଯାହାଫଳରେ ଦୀର୍ଘ ଦିନ ଧରି କାମ ବନ୍ଦ ରହିଛି । ଇତି ମଧ୍ୟରେ ସଂପୃକ୍ତ ବ୍ୟକ୍ତି ରାସ୍ତା ଉପରେ ପଥର ରଖି ରାସ୍ତା ଅବରୋଧ କରିଥିବାରୁ ରଣପୁର ରେ ଅସନ୍ତୋଷ ବଢିବାରେ ଲାଗିଛି । ଯାହାଫଳରେ ଏହି ରାସ୍ତାଦେଇ କୌଣସି ଯାତ୍ରୀ ଉପର ମଣିନାଗ ଓ ତଳମଣିନାଗ ଦର୍ଶନ କରିବାକୁ ଯାଇପାରୁନଥିବା ଜଣାଯାଇଛି । ଯାହାଫଳରେ ଆସନ୍ତା ୪ ତାରିଖରେ ମଣିନାଗ କମିଟି ତରଫରୁ ରଣପୁର ବନ୍ଦ ଡାକରା ଦିଆଯାଇଛି । ଖବର ନେବାରେ ଜଣାଯାଏ ରଣପୁର ସ୍କୃଲ ଛକ ଠାରୁ ମଣିନାଗ ପର୍ଯ୍ୟନ୍ତ ଏକ କଂକ୍ରିଟ ରାସ୍ତା ଯାଇଥିଲା । ଯେଉଁ ରାସ୍ତାରେ ୨ଟି ଗାଡି ଯିବା ଆସିବା କରିବା କଷ୍ଟକର ହୋଇପଡେ । ରାଜ୍ୟସରକାର ଏହିପୀଠକୁ ପର୍ଯ୍ୟଟନର ମାନ୍ୟତା ଦେଇଥିବାରୁ ପ୍ରତିଦିନ ଏହି ପୀଠକୁ ଓଡିଶାର କୋଣ ଅନୁକୋଣରୁ ଭକ୍ତଙ୍କ ସୁଅ ଛୁଟେ । ବିଶେଷ କରି ଶୀତ ଋତୁ ଆଗମାନରେ ଶହ ଶହ ବ୍ୟକ୍ତି ଏଠାରେ ଆସି ପିକନିକ କରିଥାନ୍ତି । ସେହିଭଳି ଅନେକ ବ୍ୟକ୍ତି ପାହାଡ ଶୀଖରକୁ ଯାଇ ଉପର ମଣିନାଗ ଦର୍ଶନ କରିବାସହ ପ୍ରକୃତିକ ସୌନ୍ଦର୍ଯ୍ୟକୁ ଉପଭୋଗ କରିଥାନ୍ତି ।
ମଣିନାଗ ପୀଠରେ ପର୍ଯ୍ୟଟକଙ୍କ ସଂଖ୍ୟା ବଢୁଥିବାରୁ ପର୍ଯ୍ୟଟକ ଙ୍କ ସୁବିଧା ପାଇଁ ମଣିନାଗକୁ ଯାଇଥିବା ରାସ୍ତାକୁ ପୃର୍ତ ବିଭାଗକୁ ହସ୍ତାନ୍ତର କରାଯାଇଥିଲା । ପୃର୍ତ ବିଭାଗ ଏହି ରାସ୍ତାକୁ ୧୮ ଫୁଟ ଓସାର ର ପ୍ରସୋସ୍ତି କରଣ ସହ ଗାର୍ଡୱଲ କାର୍ଯ୍ୟ ନିର୍ମାଣ ଚାଲିଥିଲା । ଯାହାଫଳରେ ରାସ୍ତାଟି ଚଉଡା ହେବା ସହ ଏକ ମଜୁବୁତ କଂକ୍ରିଟ ନିର୍ମାଣ କାର୍ଯ୍ୟ ଚାଲୁରହିଥିଲା । ରାସ୍ତା ଟି ନିର୍ମାଣ ହୋଇ ସଂସ୍କୃତ ମହାବିଦ୍ୟାଳୟ ମୋଡ ନିକଟରେ ପହଚିଂବା ପରେ ଜୈନିକ ବ୍ୟକ୍ତି ତାଙ୍କ ଜମିରେ ରାସ୍ତା ନିର୍ମାଣକୁ ବନ୍ଧ କରିଥିବା ଜଣାଯାଇଛି । ଯାହାଫଳରେ ରାସ୍ତା ନିର୍ମାଣ କାମ ଅଧାରେ ଅଟକିଛି । ଏହି ସ୍ଥାନଟି ଦେବୋତର ବିଭାଗ ଅଧିନସ୍ଥ ଗୁରୁଣ୍ଡି ଗୋପାଳ ଜିଉ ମାର୍ଫତ ଅରଖିତ ସେଠୀଙ୍କ ନାମର ରହିଛି । କିନ୍ତୁ ଏହି ଜାଗାଟିରେ ଆବାହନ କାଳରୁ ସେ ଦଖଲରେ ନଥିବାବେଳେ ସେହି ଯାଗାଟି ସର୍ବସାଧାରଣ ବ୍ୟବହାର ପାଇଁ ରାସ୍ତା ପାଇଁ ବ୍ୟବହାର ହେଉଥିଲା । ଅପର ପକ୍ଷରେ ଆଜି ସୁଦ୍ଧା ଏହି ସ୍ଥାନରେ ଗୁରୁଣ୍ଡି ଗୋପାଳଜିଉଙ୍କର କୌଣସି ପୀଠ ସ୍ଥଳି ନାହିଁ । ସେ ମଣିନାଗ ପୀଠରେ ପୂଜା ପାଆନ୍ତେ । ତୁରନ୍ତ ଏହି ରାସ୍ତାର ରେକଡ ସଂଶୋଧନ କରାଯାଇ ରାସ୍ତା ନିର୍ମାଣ କରିବାକୁ ମଣିନାଗ କମିଟି ତରଫରୁ ସରକକାରଙ୍କ ଦୃଷ୍ଟି ଆର୍କଷଣ କରାଯାଇଛି । ନଚେତ ଆସନ୍ତା ଫେବୃଆରି ୪ ତାରିଖରେ ରଣପୁର ବନ୍ଦ କରାଜିବ ବୋଲି ଓଡିଶାର ମାନ୍ୟବର ମୁଖ୍ୟମନ୍ତ୍ରୀ , ପର୍ଯ୍ୟଟନ ମନ୍ତ୍ରୀ , ଦେବୋତର କମିଶନର , ବିଧାୟକ , ସାଂସଦ , ନୟାଗଡ ଜିଲ୍ଲାପଳ , ଏସପି ଙ୍କଠାରେ ଲିଖିତ ଅଭିଯୋଗ କରିଥିବାଜଣାଯାଇଛି । ଅପର ପକ୍ଷରେ ଓଡିଶାର ଅନ୍ୟତମ ପର୍ଯ୍ୟଟନ କ୍ଷେତ୍ରଭାବେ ପରିଚିତ ମଣିନାଗ ପୀଠର ସୌନ୍ଦର୍ଯ୍ୟ କରଣ ଓ ମାନବୃଦ୍ଧି ଚାଲିଥିବାବେଳେ ରାସ୍ତା ନିର୍ମାଣ ବନ୍ଦ ନେଇ ସର୍ବସାଧାରଣରେ ଅସନ୍ତୋଷ ପ୍ରକାଶ ପାଇଛି ।
