ଭିନ୍ନକ୍ଷମ ମାନଙ୍କ ପାଇଁ କାର୍ଯ୍ୟରତ ପିଏଜି ଛୋଟେଇ ଓ ବକେୟା ଦରମା ନ ଦେବା ପ୍ରତିବାଦରେ – ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ 

 ଓଡ଼ିଶା ତାଜା ନ୍ୟୁଜ୍ (୧୨ ଜାନୁଆରୀ ମଙ୍ଗଳବାର ) ପାରଳାଖେମୁଣ୍ଡି  :- ଗଜପତି ଜିଲ୍ଲା’ର ୧୩୯ ଟି ପଞ୍ଚାୟତ’ରେ ଭିନ୍ନକ୍ଷମ ମାନଙ୍କ ନିମନ୍ତେ ସରକାରଙ୍କ ପକ୍ଷରୁ ନିଯୁକ୍ତି ପାଇଥିବା କାର୍ଯ୍ୟରତ ପିଏଜି ମାନଙ୍କୁ ଦୀର୍ଘ ୧୭ ମାସର ଦରମା ନ ଦେଇ ହଠାତ ବିନା ନୋଟିସ’ରେ ଛଟେଇ କରି ଦେଇଥିବା ପ୍ରତିବାଦ’ରେ ଆଜି ପିଏଜି ସଙ୍ଘ ପକ୍ଷରୁ ପାରଳାଖେମୁଣ୍ଡି ଠାରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ପରେ ଦାବି ପୂରଣ ପାଇଁ ଏକ ସ୍ମାରକପତ୍ର ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଡେପୁଟି କଲେକ୍ଟର ଭାସ୍କର ଚନ୍ଦ୍ର ସାହୁ’ଙ୍କୁ ପ୍ରଦାନ କରା ଯାଇଥିଲା ।

ଏହି ଅବସରରେ ପିଏଜି ସଙ୍ଘ ପକ୍ଷରୁ ସ୍ଥାନୀୟ କଲେଜ ଛକରୁ ସଂଘର ସଭାପତି ଶ୍ରୀ କେ: ଶିବାଜୀ ଓ ସମ୍ପାଦକ ଶ୍ରୀ ରବିନ କୁମାର ମିଶାଲ’ଙ୍କ ନେତୃତ୍ୱରେ ଏକ ବିରାଟ ପ୍ରତିବାଦ ଶୋଭାଯାତ୍ରା’ରେ ବାହାରି ବିଭିନ୍ନ ସ୍ଲୋଗାନ ଦେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ ।

ସାମ୍ବାଦିକ ମାନଙ୍କୁ ସୂଚନା ଦେଇ ସଂଘର ସମ୍ପlଦକ ଶ୍ରୀ ରବିନ କୁମାର ମିଶାଲ କହିଥିଲେ ଯେ , ଆମେ ଗତ ୨୦୧୮ ଡିସେମ୍ବର ମାସରେ ରାଜ୍ୟସ ସରକାରଙ୍କ ସାମାଜିକ ସୁରକ୍ଷା ଓ ଭିନ୍ନକ୍ଷମ ଶସକ୍ତିକରଣ ବିଭାଗ ପକ୍ଷରୁ ବିଭିନ୍ନ ପଞ୍ଚାୟତ ସ୍ତରରେ ଥିବା ଭିନ୍ନକ୍ଷମ ଭାଇ ଭଉଣୀ ମାନଙ୍କ ବିଭିନ୍ନ ସେବା ମୂଳକ କାର୍ଯ୍ୟ କରିବା ପାଇଁ ନିଯୁକ୍ତି ପାଇଥିଲୁ । କାଏମ ଗୁଡିକ ମଧ୍ୟରେ ମୁଖ୍ୟତଃ ଭିନ୍ନକ୍ଷମ ମାନଙ୍କ ଆଧାର କାର୍ଡ , ପେନସନ , ପ୍ରମାଣପତ୍ର , ଭୀମଭୋଇ ସାମର୍ଥ୍ୟ ଶିବିରକୁ ନେବା ଆଣିବା , ମୋବାଇଲ ନମ୍ବର , ପାସବୁକ , ଆଇଡି କାର୍ଡ ଏଭଳି ୧୪ ସୁତ୍ରୀ ଉପରେ କାର୍ଯ୍ୟ କରି ଆସୁଥିଲୁ ।

ଆମକୁ ଦୀର୍ଘ ମାସ ଧରି ଖଟାଇ ଏବଂ ତାଙ୍କର ବିଭିନ୍ନ କାମ ହାସଲ ହେବା ପରେ ଆମକୁ ଦରମା ନ ଦେଇ ହଠାତ ବିନା ନୋଟିସ’ରେ ଛଟେଇ କରିଦେଲେ ।ଏଥିରେ ଆମ ପରିବାର ପେଟରେ ଲାତ ମାରିବା ଭଳି କରିଛନ୍ତି । ଆମକୁ ଛଟେଇ କରିଦେଲେ ଆମେ କୁଆଡେ ଯିବୁ । ଏଥିରେ ଅନେକ ଭିନ୍ନକ୍ଷମ ଭାଇଭଉଣୀ ମଧ୍ୟ ରହିଛନ୍ତି । ତେଣୁ ଆମର ଦାବି ହେଉଛି ଯେ ଆମକୁ ପୁନଃ ନିଯୁକ୍ତି ଦେବା ସହ ସରକାରୀ କର୍ମଚାରୀ’ର ମାନ୍ୟତା। ଦିଆଯାଉ ଏବଂ ଆମର ୧୭ ମାସସର ବକେୟା ଦରମା ତୁରନ୍ତ ଦିଆଯାଉ ।ଆମର ଏସବୁ ଦାବବି ତୁରନ୍ତ ପୁରାଣ କରା ନ ଗଲେ ଆଗାମୀ ଦିନରେ ଏହାର ପ୍ରତିବାଦ’ରେ ଆମର ଆନ୍ଦୋଳନ’କୁ ତୀବ୍ର କରିବାକୁ ବାଧ୍ୟ ହେବୁ ବୋଲି କହିଥିଲେ ।