ସ୍ୱର୍ଗତ କାର୍ତ୍ତିକ ସାହୁଙ୍କ ସ୍ମୃତି ଉଦ୍ଦେଶ୍ୟରେ ବରିଷ୍ଠ ନାଗରିକଙ୍କୁ ସମ୍ବର୍ଦ୍ଧନ

ଓଡ଼ିଶା ତାଜା ନ୍ୟୁଜ (୨୫ ଡିସେମ୍ବର ଶୁକ୍ରବାର )କଟକ :-  କଟକ ମାଛୁଆ ବଜାର ସ୍ଥିତ ଶଶିକଳା ମଣ୍ଡପ ଠାରେ ଶୁକ୍ରବାର ଦିନ, ସ୍ୱର୍ଗତ ସମାଜସେବୀ କାର୍ତ୍ତିକ ସାହୁଙ୍କ ସ୍ମୃତି ଉଦ୍ଦେଶ୍ୟରେ , ଏକ ସମ୍ବର୍ଦ୍ଧନା ସଭା ଆଡ଼ଭୋକେଟ ପ୍ରଶାନ୍ତ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା । ଏହି ସଭାରେ ବାରବାଟୀ – କଟକ ବିଧାୟକ ମହମ୍ମଦ ମୋକିମ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ , କଟକ ଜିଲ୍ଲା ମହିଳା କଂଗ୍ରେସର ସଭାପତି ପୂର୍ବତନ କର୍ପୋରେଟର ଗିରିବାଳା ବେହେରା, କଟକ ନଗର ମହିଳା କଂଗ୍ରେସ ସଭାପତି ଶୈଳବାଳା ଜେନା , ସିଏମସି ୩୪ନମ୍ବର ୱ।ର୍ଡ଼ର କର୍ପୋରେଟର ନମିତା ମଞ୍ଜୁରୀ ସାହୁ,ଶିବେନ୍ଦ୍ର ହାତୀ, ସମ୍ମାନିତ ଅତିଥି ଭାବେ ଯୋଗ ଦେଇ କହିଲେ ଯେ, ସ୍ୱର୍ଗତ କାର୍ତ୍ତିକ ସାହୁ କଂଗ୍ରେସର ଜଣେ ଆଗଧାଡିର ସଦସ୍ୟ ଥିଲେ ।

ସେ କଟକ ସହର ସମେତ ମାଛୁଆ ବଜାର ର ଗରିବ ,ଅସହାୟ ଲୋକଙ୍କ ପାଇଁ ସବୁବେଳେ କାର୍ଯ୍ୟ କରୁଥିଲେ । କଟକ ଶାନ୍ତି କମିଟିର ସଭାପତି ଥିବା ସମୟରେ ଗଣେଶ ପୂଜା, ଦୂର୍ଗାପୂଜା, କାଳୀପୂଜା, କାର୍ତ୍ତିକେଶ୍ୱର ପୂଜା ଶାନ୍ତି ଶୃଙ୍ଖଳାର ସହିତ ,ଦୀର୍ଘ ବର୍ଷ କାର୍ଯ୍ୟ କରି ରାଷ୍ଟପତି ପୁରସ୍କାର ପାଇଥିଲେ ଵୋଲି ବକ୍ତାମାନେ କହିଥିଲେ । ଏହି ଉସ୍ଚବରେ ବରିଷ୍ଠ ନାଗରିକ ମାନଙ୍କୁ ମାନପତ୍ର ଦିଆଯାଇ ସମ୍ବର୍ଦ୍ଧିତ କରାଯାଇଥିଲା । ସେହିପରି ବହୁ ଗରିବ, ବିଧବା, ନିରାଶୟ ଲୋକମାନଙ୍କୁ କମଳ ପ୍ରାଦାନ କରାଯାଇଥିଲା । କାର୍ଯ୍ୟକ୍ରମକୁ ସ୍ୱର୍ଗତ କାର୍ତ୍ତିକ ସାହୁଙ୍କ ପୁତ୍ର କ୍ଷିରୋଦ କୁମାର ସାହୁ ପରିଚାଳନା କରିଥିଲେ । (ରିପୋର୍ଟ – ଅମୂଲ୍ୟ କୁମାର ବାରିକ )