ଓଡ଼ିଶା ତାଜା ନ୍ୟୁଜ (୨୧ ଡିସେମ୍ବର ସୋମବାର ) ବ୍ରହ୍ମପୁର :- ବରିଷ୍ଠ ନାଟ୍ୟଶ୍ରୀ ସ୍ବର୍ଗତ ରଘୁନାଥ ମିଶ୍ରଙ୍କ ୯୩ତମ ଜୟନ୍ତୀ ସ୍ଥାନୀୟ ସ୍ପେକ୍ଟ୍ରମ୍ ହୋଟେଲ ପରିସରରେ ଅନୁଷ୍ଠିତ ହୋଇଯାଇଛି । ନାଟ୍ୟଶ୍ରୀ ଫାଉଣ୍ଡେସନ୍ ଆନୁକୂଲ୍ୟରେ ଆୟୋଜିତ ଏହି ଜୟନ୍ତୀ ଉତ୍ସବରେ ମୁଖ୍ୟ ଅତିଥି ଭାବେ ଚଳଚିତ୍ର ନିର୍ଦ୍ଦେଶ ତଥା ବରିଷ୍ଠ ନାଟ୍ୟକାର ମେଜର ରମା ରମଣ ପାଢ଼ୀ ଯୋଗ ଦେଇ ସ୍ବର୍ଗତ ମିଶ୍ରଙ୍କର ଗୁଣାବଳି ଉପରେ ଆଲୋକପାତ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ନାଟ୍ୟଶ୍ରୀ ଫାଉଣ୍ଡେସନ୍ ର ସଭାପତି ଶ୍ରୀ ଭବାନୀ ଶଙ୍କର ମିଶ୍ରଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ସଂମାନୀୟ ଅତିଥି ଭାବେ ବିପିନ ଚଦ୍ର ମହାପାତ୍ର ପ୍ରମୁଖ ଯୋଗଦେଇ ସ୍ୱର୍ଗତ ମିଶ୍ରଙ୍କ ସ୍ମୃତିଚାରଣ କରିଥିଲେ ।
ଉତ୍ସଵରେ ଅନ୍ୟତମ ଉଦ୍ୟାକ୍ତା ପୁର୍ବତନ ବିଧାୟକ ତଥା କମ୍ୟୁନିଷ୍ଟ ନେତା ନାରାୟଣ ରେଡ଼ି ପରିଚୟ ସହିତ ପ୍ରାରମ୍ବିକ ସୂଚନା ପ୍ରଦାନ କରିଥିଲେ । ଏହି ଜୟନ୍ତୀ ଉତ୍ସବରେ ବରିଷ୍ଠ ନାଟ୍ୟ ନିର୍ଦ୍ଦେଶକ ନିତ୍ୟାନନ୍ଦ ମହାପାତ୍ର ଏବଂ କେ .ବଳରାମ ଦାଶଙ୍କୁ ଜୀବନ ବ୍ୟାପି ସାଧନା ପାଇଁ ନାଟ୍ୟଶ୍ରୀ ସମ୍ମାନରେ ସମ୍ବର୍ଦ୍ଧିତ କରାଯାଇଥିଲା । ଜୟନ୍ତୀ ଉତ୍ସଵର ଶେଷ ରେ ନାଟ୍ୟଶ୍ରୀ ଫାଉଣ୍ଡେସନ୍ ସମ୍ପାଦକ ପ୍ରଦୀପ ଶତପଥୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଏହି ଜୟନ୍ତୀ ଉତ୍ସବ ରେ ବରିଷ୍ଠ ସାମ୍ବାଦିକ ତଥା ଗୀତକାର ସୁଦୀପ କୁମାର ସାହୁ ଶ୍ରୀ ମିଶ୍ର ଙ୍କ କାଯ୍ୟ କଳାପ ଉପରେ ମତ ଉପସ୍ଥାପନ କରିଥିଲେ । ଅନ୍ୟମାନଙ୍କ ମଧ୍ୟରେ ମଦନ ମିଶ୍ର ,ରମେଶ ମହାରଣା ,ଅନିଲ ପାତ୍ର ,ରାମଚଦ୍ର ସାସମଲ ,ଅନୁରାଧା ସାହୁ ,କୈଳାଶ ପାଣିଗ୍ରାହୀ ସୁଦୀପ ସାହୁ ,ମନୋଜ ସାମଲ ,ଗଣେଷ ସାହୁ ,ଡ଼ା. ତିରୁପତି ସାହୁ ,କପିଳ ମହାନ୍ତି ,ଯୁଧିଷ୍ଠିର ଭଞ୍ଜ ସାମନ୍ତ ,ରାଜୁ ପାଢ଼ୀ ପ୍ରମୁଖ ଉପସ୍ଥିତ ଥିଲେ ।
(ରିପୋର୍ଟ: ଶେଷଦେବ ସାହୁ, ଗଞ୍ଜାମ ଜିଲ୍ଲା ବ୍ୟୁରୋ)
