ଭାଜପା ପକ୍ଷରୁ କେନ୍ଦ୍ରମନ୍ତ୍ରୀଙ୍କୁ ଦିଗପହଣ୍ଡିରେ ଭବ୍ୟ ସମ୍ବର୍ଦ୍ଧନା

ଓଡ଼ିଶା ତାଜା ନ୍ୟୁଜ (୧୯ ଡିସେମ୍ବର ,ଶନିବାର ) ଦିଗପହଣ୍ଡି :- ଗଞ୍ଜାମ ଜିଲ୍ଲା ଦିଗପହଣ୍ଡି ଭାରତୀୟ ଜନତା ପାର୍ଟି ପକ୍ଷରୁ ଶନିବାର ମଧ୍ୟାହ୍ନରେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କୁ ଦିଗପହଣ୍ଡି ବସଷ୍ଟାଣ୍ଡ ଠାରେ ଭବ୍ୟ ସମ୍ବର୍ଦ୍ଧନା ଦିଆଯାଇଥିବା ଜଣାପଡିଛି । ଖବରପ୍ରକାରେ , ଶନିବାର ଭାରତ ସରକାରଙ୍କ ମଧ୍ୟମ ଓ ଲଘୁ ଖଣି ଉଦ୍ୟୋଗ ଓ ପଶୁସମ୍ପଦ ବିଭାଗୀୟ ମନ୍ତ୍ରୀ ଶ୍ରୀ ଷଡ଼ଙ୍ଗୀ ଦିନିକିଆ ଗଞ୍ଜାମ ଓ ଗଜପତି ଗସ୍ତରେ ଆସି ବିଭିନ୍ନ କାର୍ଯ୍ୟକ୍ରମରେ ଯୋଗଦାନ ଦେଇଥିବା ଜଣାପଡିଛି । ତେବେ ମଧ୍ୟାହ୍ନ ସମୟରେ ଗଜପତି ଜିଲ୍ଲା ଆର . ଉଦୟଗିରି ଅଞ୍ଚଳରୁ ଫେରିବା ବାଟରେ ଦିଗପହଣ୍ଡି ବସଷ୍ଟାଣ୍ଡ ଠାରେ ଜିଲ୍ଲା ବିଜେପି ଉପସଭାପତି ପରେଶ ଚନ୍ଦ୍ର ରଥଙ୍କ ନେତୃତ୍ବରେ ବହୁ ଦଳୀୟ କର୍ମୀ ରାଜରାସ୍ତାରେ ମନ୍ତ୍ରୀଙ୍କ ଗାଡ଼ିକୁ ଅଟକାଇ ପୁଷ୍ପଗୁଚ୍ଛ ଦେବା ସହ ଭବ୍ୟ ସ୍ଵାଗତ ସମ୍ବର୍ଦ୍ଧନା ଜ୍ଞାପନ କରିଥିଲେ ।

ଏଥିସହ ଦିଗପହଣ୍ଡି ନିର୍ବାଚନ ମଣ୍ଡଳୀ ତଥା ଦିଗପହଣ୍ଡି ଅଞ୍ଚଳରେ ରହିଥିବା ଡାକ୍ତରଖାନା , ଧାନମଣ୍ଡିର ରହୁଥିବା ବିଭିନ୍ନ ମୈଳିକ ସମସ୍ୟାର ସ୍ଥାୟୀ ପ୍ରତିକାର ଏବଂ ଶିକ୍ଷିତ ବେକାର ଯୁବକଯୁବତୀଙ୍କୁ ନିଯୁକ୍ତି ଦେବା ସକାଶେ ରାଜ୍ୟ ସରକାରଙ୍କ ନିକଟରେ ସହାୟତା ପାଇଁ ଏକ ଦାବିପତ୍ର ପ୍ରଦାନ କରାଯାଇଥିଲା । ଏହି ସମୟରେ ଭାଜପା ନଗର ସଭାପତି ଭବାନୀ ଶଙ୍କର ପଣ୍ଡା , କର୍ମୀ ଶଙ୍କର କୁମାର ପାତ୍ର , ବିଶ୍ବନାଥ ପଣ୍ଡା , ଭାଗୀରଥି ଚୌଧୁରୀ , ପ୍ରଶାନ୍ତ ପୂଜାରୀ , ଟୁନା ଚୌଧୁରୀ ସମେତ ବହୁ କର୍ମୀ ଯୋଗ ଦେଇଥିଲେ ।
(ରିପୋର୍ଟ/ଶେଷଦେବ ସାହୁ, ଗଞ୍ଜାମ ଜିଲ୍ଲା ବ୍ୟୁରୋ)