।। ଆଠ ଚେନ ଲୁଟେରା ଗିରଫ, ୬ ଲକ୍ଷ୍ୟ ଟଙ୍କାର ସୁନା ଚେନ ଜବତ ।।

ଗିରଫ ହୋଇ ଥିବା ଲୁଟେରାମାନେ କଟକ-ଭୁବନେଶ୍ୱର ଜାତୀୟ ରାଜପଥ , ପୁରୀ ଵାଇପାସ ରାସ୍ତା , ରିଙ୍ଗରୋଡ଼ ରାସ୍ତ , କଟକ- ପାରାଦୀପ ରାସ୍ତା , ଭୁବନେଶ୍ୱର -ଖୋର୍ଦ୍ଧା ରାସ୍ତାରେ ବାଇକ୍ ପଛରେ ବସିଥିବା ମହିଳା ମାନଙ୍କୁ ଟାର୍ଗେଟ କରି ରୀତିମତ ସୁନା ଚେନ ଲୁଟ କରିଥାନ୍ତି ।

ଓଡ଼ିଶା ତାଜା ନ୍ୟୁଜ (୧୧ ଡିସେମ୍ବର ଶୁକ୍ରବାର ) କଟକ  :-  ସ୍ପିଡି ବାଇକ ଜରିଆରେ ରାସ୍ତାରେ ଯାଉଥିବା ମହିଳାଙ୍କ ବେକରୁ ସୁନା ଚେନ ଲୁଟି ଆଖି ପିଛୁଳାକେ ଚମ୍ପଟ ମାରୁଥିବା , ଆଠ ଜଣ ସୁନା ଚେନ ଲୁଟେରାଙ୍କୁ , କଟକ ସଦର ପୋଲିସ ଏବଂ ସ୍ପେଶାଲ ସ୍କାର୍ଡ଼ ଟିମ ମିଳିତ ଭାବେ ବିଭିନ୍ନ ସ୍ଥାନରେ,ଚଢ଼ାଉ କରି ଗିରଫ କରିବାରେ ସଫଳ ହୋଇଛି । ଗିରଫ ଲୁଟେରାଙ୍କ ଠାରୁ ପୋଲିସ ୬ ଲକ୍ଷ୍ଯ ଟଙ୍କାର ୧୩ଟା ୧୧୨ ଗ୍ରାମ ଓଜନର, ଲୁଟ ହୋଇଥିବା ସୁନା ଚେନ , ଗୋଟିଏ ଦେଶୀ ବନ୍ଧକ ଏବଂ ଲୁଟ କାର୍ଯ୍ୟରେ ବ୍ୟବହୃତ ହେଉଥିବା ତିନୋଟି ସ୍ପିଡି ବାଇକ୍ କୁ ପୋଲିସ ଜବତ କରିଛି । ଏନେଇ କଟକ ସଦର ଥାନାରେ ୬୩୮/୨୦୨୦ ରେ ମାମଲା ରୁଜ୍ଜୁ କରାଯାଇଛି । ଶନିବାର ଗିରଫ ଲୁଟେରାଙ୍କୁ କୋର୍ଟ ଚାଲାଣ କରାଯିବ । ଗିରଫ ହୋଇ ଥିବା ଲୁଟେରାମାନେ କଟକ-ଭୁବନେଶ୍ୱର ଜାତୀୟ ରାଜପଥ , ପୁରୀ ଵାଇପାସ ରାସ୍ତା , ରିଙ୍ଗରୋଡ଼ ରାସ୍ତ , କଟକ- ପାରାଦୀପ ରାସ୍ତା , ଭୁବନେଶ୍ୱର -ଖୋର୍ଦ୍ଧା ରାସ୍ତାରେ ବାଇକ୍ ପଛରେ ବସିଥିବା ମହିଳା ମାନଙ୍କୁ ଟାର୍ଗେଟ କରି ରୀତିମତ ସୁନା ଚେନ ଲୁଟ କରିଥାନ୍ତି ।

ଗତ ୫ ତାରିଖ ଦିନ ଅପରାହ୍ନରେ ଦୁଇ ଜଣ ଚେନ ଲୁଟେରା , କଟକ – ଭୁବନେଶ୍ୱର ୧୬ ନମ୍ବର ଜାତୀୟ ରାଜପଥର , ବମ୍ଫକୁଦ ନିକଟସ୍ଥ ଗ୍ରାଣ୍ଡବଜାର ନିକଟରୁ , ଭୁବନେଶ୍ୱର ରୁ କଟକର ବିଡାନାସି କୁଶିଆ ଲେନକୁ, ବାଇକରେ ଯାଉଥିବା ସତ୍ୟରଞ୍ଜନ ନାୟକଙ୍କ ମାଙ୍କ ବେକରୁ ସୁନା ଚେନ ଲୁଟ କରି ପଳାଉଥିବା ସମୟରେ , ସ୍ଥାନୀୟ ଲୋକେ ସଂପୃକ୍ତ ଦୁଇ ଲୁଟେରାଙ୍କୁ ପିଛା କରି ଜଣଙ୍କୁ ଧରି ସଦର ପୋଲିସର ଜିମା ଦେଇଥିଲେ । ଅନ୍ୟ ଜଣେ ପାଖରେ ଥିବା ପିସ୍ତଲରୁ ଫାଙ୍କା ଗୁଳି ଚଳାଇ ଫେରାର ହୋଇ ଯାଇଥିଲା । ଏନେଇ ସତ୍ୟରଞ୍ଜନ ସଦରଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ କ୍ରମେ ଧରାପଡିଥିବା ଲୁଟେରାକୁ ପୋଲିସ ଅଟକ ରଖି ଏହି ଲୁଟ ଘଟଣାରେ ଜଡ଼ିତ ଗ୍ୟାଙ୍ଗ କୁ ଧରିବାରେ ସଫଳ ହୋଇଥିଲା ।

ଧରାପଡିଥିବା ଲୁଟେରାମାନେ ହେଲେ ଭୁବନେଶ୍ୱର ଲକ୍ଷ୍ମୀସାଗର ଥାନା ମଝିସାହିର ମୁନା ଓରଫ ମାନସ ଲେଙ୍କା, କଟକ ସଦରଥାନା ତେନ୍ତୁଳିନାଳି ଗ୍ରାମର ଧୁନା ଓରଫ ଧନେଶ୍ୱର ପ୍ରଧାନ , ଭୁବନେଶ୍ୱର ନନ୍ଦନକାନନ ଥାନା ବାଲିପଡା ଗ୍ରାମର କଟାସ ଓରଫ ସଂଗ୍ରାମ ରାଉତ , ଭୁବନେଶ୍ୱର ବାଲିପାଟଣା ଥାନା ଗୋତଳଗାଁର ଜଗା ଓରଫ ଜଗନ୍ନାଥ ଭୋଇ ,ନୟାଗଡ ଜିଲ୍ଲା ଫତେଗଡ଼ ଥାନା ଅନ୍ତର୍ଗତ ରଗଡ଼ିପଡା ଗ୍ରାମର ପ୍ରଦୀପ ବେହେରା , ବାରଙ୍ଗ ଥାନା ଦାଢାପାଟଣା ଗ୍ରାମର ବଇନ ଓରଫ ବୈଦ୍ୟନାଥ ସାହୁ , ବାଲେଶ୍ବର ଜିଲ୍ଲା ସିମଳା ଥାନା ବେଲି ଗ୍ରାମର ଛୋଟୁ ଓରଫ କାମିନୀ କାନ୍ତ ରଣା ଏବଂ କଟକ ମଙ୍ଗଳାବାଗ ଥାନା ବଣିଆସାହି ଅଞ୍ଚଳର ଦିଲ୍ଲୀପ ମହାରଣା । ମୁନା ଓରଫ ମାନସ ଲେଙ୍କା ନାମରେ ଲକ୍ଷ୍ମୀସାଗର ଥାନାରେ ୯ ଟି କେସ ସମେତ ବାରଙ୍ଗ, ସଦର,ବାଲିଅନ୍ତା, ସହୀଦନଗର ସମେତ ୧୭ ଟି କେସ ରହିଛି । ସେହିପରି ସଂଗ୍ରାମ ନାଆଁରେ ୧୨ ଟି କେସ ,ଧନେଶ୍ବର ନାଁରେ ୯ଟି ,ଜଗନ୍ନାଥ ନାମରେ ୪ଟି କେସ ବିଭିନ୍ନ ଥାନାରେ ରହିଛି ବୋଲି କଟକ ଡିସିପି ପ୍ରତିକ ସିଂହ ସୂଚନା ଦେଇଛନ୍ତି । (କଟକରୁ ଅମୂଲ୍ୟ କୁମାର ବାରିକଙ୍କ ରିପୋର୍ଟ)