କଟକରେ ଆଇଏମ ପକ୍ଷରୁ ଭିକ୍ଷୋଭ ପ୍ରଦର୍ଶନ ।

ଓଡ଼ିଶା ତାଜା ନ୍ୟୁଜ (୦୮ ଡିସେମ୍ବର ମଙ୍ଗଳବାର ) କଟକ :- ସେଣ୍ଟ୍ରାଲ କାଉନସିଲ ଅଫ ଇଣ୍ଡିଆନ ମେଡିସିନ୍ ଓ ନୀତି ଆୟୋଗର ବିଜ୍ଞପ୍ତିକୁ ଦୃଢ଼ ବିରୋଧ। ଏହାକୁ ପ୍ରତ୍ୟାହାର ଦାବିର ମଙ୍ଗଳବାର ଦିନ ଭାରତୀୟ ଚିକିତ୍ସକ ସଂଘର ଡାକ୍ତରମାନେ ଆଇଏମଏ କାର୍ଯ୍ୟାଳୟରୁ , ବାହାରି ଏସସିବି ମେଡିକାଲ ପର୍ଯ୍ୟନ୍ତ ଶୋଭାଯାତ୍ରା କରି, କେନ୍ଦ୍ର ସରକାର ଓ ନୀତି ଆୟୋଗ ଙ୍କ ବିରୁଦ୍ଧରେ ନାରାବାଜି ଦେଇ ବିକ୍ଷୋଭ ପ୍ରଦର୍ଶନ କରିଥିଲେ। ଆୟୁର୍ବେଦିକ ଡ଼ାକ୍ତର ସମେତ ହୋମିଓପ୍ୟାଥିକ ଡାକ୍ତର ମାନେ ଅସ୍ତ୍ରୋପ୍ରଚାର କଲେ ରୋଗୀଙ୍କ ସ୍ଵାସ୍ଥ୍ୟର ଅବନତି ହେବା ସହ ଏହା ଏକ ଅସୁସ୍ଥ ପରମ୍ପରା ସୃଷ୍ଟି କରିବ।

ତେଣୁ ସରକାର ତୁରନ୍ତ ଏହି ଆଇନ୍ କୁ ପ୍ରତ୍ୟାହାର କରିବାକୁ ସେମାନେ ଦାବି କରିଛନ୍ତି। ଆନ୍ଦୋଳନରେ ଜୁନିୟର ଡାକ୍ତର, ବିଭିନ୍ନ ବିଭାଗର ସଂଘ ଏହାକୁ ସମର୍ଥନ ଜଣାଇ ସାମିଲ୍ ହୋଇଥିଲେ। ଏହାକୁ ନେଇ ଆସନ୍ତା ୧୧ ତାରିଖରେ ସବୁ ଘରୋଇ ମେଡିକାଲରେ ସକାଳ ୬ଟାରୁ ସଂଧ୍ୟା ୬ ଟା ପର୍ଯ୍ୟନ୍ତ ୧୨ ଘଣ୍ଟିଆ କାର୍ଯ୍ୟ ବନ୍ଦ କରି ପ୍ରତିବାଦ କରିବେ ବୋଲି କହିଛନ୍ତି ଚିକିତ୍ସକ ସଂଘ। ତେବେ କୋଭିଡ ହସ୍ପିଟାଲ ଏବଂ ସବୁ ଜରୁରୀ ସେବା ଚାଲୁରହିବ ବୋଲି କହିଛି ଭାରତୀୟ ଚିକିତ୍ସକ ସଂଘ ।(କଟକ ରୁ ଅମୂଲ୍ୟ କୁମାର ବାରିକଙ୍କ ରୀପୋର୍ଟ)