ଜଗତସିଂହପୁର ( ଓଡିଶା ତାଜା ନ୍ୟୁଜ ) ନି. ପ୍ର :- ବିରିଡି ବ୍ଲକ ସ୍ତରୀୟ ମସ୍ଚ୍ୟ ଓ ପଶୁ ସମ୍ପଦ ମେଳା ଶୁକ୍ରବାର ବ୍ଲକ ପରିସରରେ ଅନୁଷ୍ଠିତ ହୋଇଯାଇଛି l ଏହି ମେଳାରେ ସଭାପତିତ୍ୱ କରିଥିଲେ ବିଡ଼ିଓ ଦିବ୍ୟ ରଞ୍ଜନ ବିଶ୍ୱାଳ, ବ୍ଲକର ବିପିଏମ ରୁଦ୍ରପ୍ରତାପ ନନ୍ଦ ଙ୍କ ସଂଯୋଜନାରେ ଅନୁଷ୍ଠିତ ମେଳାରେ ବରେଣ୍ୟ ଅତିଥି ଭାବେ ଏମପି ଡ଼ଃ ବିଭୁ ପ୍ରାସାଦ ତରାଇ, ଏମଏଲଏ ଡ଼ଃ ରମାକାନ୍ତ ଭୋଇ, ବ୍ଲକ ଅଧ୍ୟକ୍ଷା ମମତା ପାତ୍ର, ଜିଲ୍ଲାପରିଷଦ ସଭ୍ୟ ଚନ୍ଦ୍ର ଶେଖର ଦାଶ, ଚିଡିଏଫଓ ଅଜୟ କୁମାର ବସ୍ତିଆ, ସିଡ଼ିଭିଏ ଡ଼. ଜଳଧର ପ୍ରଧାନ, ଏଡିଭିଓ ଡ଼. ଯଦୁନାଥ ପରିଡା, ବିଭିଓ ଡ଼. ଫାଜାଇ ବାରିନ, ଏ ଭିଏଏସ ଡ଼. ସୁବାଷ ଜେନା, ଭିଏଏସ ଡ଼. ପାୟଲ ପ୍ରିୟା ଓ ସମସ୍ତ ଏଲଆଇ, ଗୋମିତ୍ର, ମୈତ୍ରୀ, ମସ୍ଚ୍ୟ ବିଭାଗର ସୌଭାଗ୍ୟ ଦାଶ ଉପସ୍ଥିତ ଥିଲେ l
ବିଶେଷ କରି ଗ୍ରାମାଞ୍ଚଳରେ ରହୁଥିବା ଗରିବ ଚାଷୀ ମାନେ ମସ୍ଚ୍ୟ ଚାଷ, ଗୋପାଳନ, ଛେଳି, ମଇଁଷି ଓ ଘୁଷୁରୀ ଚାଷକରୀ ସେମାନଙ୍କ ଆର୍ଥିକ ମାନଦଣ୍ଡକୁ ସୁଧାରିବା ପାଇଁ ସରକାର ପ୍ରୋତ୍ସାହନ ଦେଉଛନ୍ତି ମସ୍ଚ୍ୟ ପାଇଁ ମୁଖ୍ୟମନ୍ତ୍ରୀ ମସ୍ଚ୍ୟ କଲ୍ୟାଣ ଯୋଜନା ରେ ମହିଳା ଏସଏଚଜି ମାନେ ସରକାରୀ ପୋଖରୀକୁ ନିଲାମ ନେଇ ମସ୍ଚ୍ୟ ଚାଷ କଲେ ସରକାରଙ୍କ ପକ୍ଷରୁ ଆର୍ଥିକ ପ୍ରୋତ୍ସାହନ ସହ ମାଛ ଯାଆଁଳ, ଦାନା ଯୋଗାଇ ଦେଉଛନ୍ତି ଏ ସବୁକରୀ ଚାଷୀମାନେ ଲାଭବାନ ହେଉଛନ୍ତି ବ୍ୟକ୍ତିଗତ ପୋଖରୀରେ ଭି ବିଜି ରାମଜୀ ମାଧ୍ୟମରେ ସରକାର ପୋଖରୀ ଖୋଲିବା ପାଇଁ ସହାୟତା ଦେଉଛନ୍ତି l
ସେହିପରି ଗୋପାଳନ ପାଇଁ ମୁଖ୍ୟମନ୍ତ୍ରୀ କାମଧେନୁ ଯୋଜନାରେ ସରକାର ଆର୍ଥିକ ସହାୟତା ଯୋଗାଇଦେଉଛନ୍ତି l ଏସବୁର ସୁଯୋଗ ନେବାପାଇଁ ଉପସ୍ଥିତ ଚାଷୀ ମାନଂକୁ ବିଭାଗୀୟ ଅଧିକାରୀମାନେ ପରାମର୍ଶ ଦେଇଥିଲେ l ଏଠାରେ କୃଷକ ପଞ୍ଜିକରଣ ସହ ବିଭାଗ ପକ୍ଷରୁ ବିଭିନ୍ନ ଷ୍ଟଲ ମାନ ଖୋଲାଯାଇ ଚାଷୀ ମାନଙ୍କୁ ପରାମର୍ଶ ଦିଆ ଯାଇ ଥିଲା l ଉପକୃତ ହୋଇଥିବା ଚାଷୀ ମାନଂକୁ ଚେକ ପ୍ରଦାନ କରାଯାଇଥିଲା l ଶେଷରେ ସହକାରୀ ମସ୍ଚ୍ୟ ଅଧିକାରୀ ଚଗୁ ରାଉଳ ଧନ୍ୟବାଦ ଦେଇଥିଲେ l
