ଅଧ୍ୟାପକ ସରୋଜ କୁମାର ସାହୁଙ୍କ ପରଲୋକ – ପଦ୍ମପୁର 

ଓଡ଼ିଶା ତାଜା ନ୍ୟୁଜ (୪ ଡିସେମ୍ବର,ଶୁକ୍ରବାର ) ପଦ୍ମପୁର ;- ଆଜି ସକାଳେ ପଦ୍ମପୁର ଟାଉନ ହାଇସ୍କୁଲର ସଂସ୍କୃତ ଶିକ୍ଷକ ସରୋଜ କୁମାର ସାହୁଙ୍କ ହୃଦଘାତରେ ଆକସ୍ମିକ ମୃତ୍ୟୁ ଘଟିଛି । ସ୍ବର୍ଗତ ସାହୁ ଜଣେ ଖୁସି ମିଜାଦ୍ ର ବ୍ଯକ୍ତି ଥିଲେ । ଶିକ୍ଷକତା ସହିତ ବିଭିନ୍ନ ପ୍ରକାର ଲୋକ ତଥା ଶାସ୍ତ୍ରୀୟ ବାଦ୍ଯ ବାଦନରେ ତାଙ୍କର ପାର ଦର୍ଶିତା ଥିଲା । ଜଣେ ମୃଦଙ୍ଗ ବାଦକ ଭାବେ ସେ ଗ୍ରାମାଞ୍ଚଳରେ ବେଶ ଚର୍ଚ୍ଚିତ ଥିଲେ ।

ପଦ୍ମପୁର ସହର ଉପକଣ୍ଠ ସ୍ଥିତ ବରିକେଲ ଗ୍ରାମର ସ୍ବର୍ଗତ ସାହୁ ସ୍ଥାନୀୟ ଅଗ୍ରଣୀ ନୃତ୍ଯ ସଂସ୍ଥା ” ସାଂସ୍କୃତିକା ” ର ଢୋଲ ବାଦକ ଭାବେ ରାଜ୍ୟ ଓ ତଥା ଜାତୀୟ ସ୍ତରରେ ବିଭିନ୍ନ ରଙ୍ଗ ମଞ୍ଚରେ ସ୍ବକୀୟ ପ୍ରତିଭା ଦେଖାଇ ଚର୍ଚ୍ଚିତ ଥିଲେ । କିଛି ବର୍ଷ ହେଲା ନିଜସ୍ୱ ଉଦ୍ୟମରେ ନିଜ ଗାଁରେ ଏକ ନୃତ୍ଯ ଆନୁଷ୍ଠାନ ଗଢି ଥିଲେ । ତାଙ୍କର ମୃତ୍ୟୁରେ ପଦ୍ମପୁର ଅଞ୍ଚଳର ଶିକ୍ଷା ଓ ସଂସ୍କୃତି କ୍ଷେତ୍ରରେ ଏକ ବିଶେଷ କ୍ଷତି ଘଟିଛି । (ରିପୋର୍ଟ – ନିରୋଜ କୁମାର ପାଣୀ)