।। ରମାଦେବୀ ମହିଳା ବିଶ୍ଵ ବିଦ୍ୟାଳୟ ର ଷଷ୍ଠ ପ୍ରତିଷ୍ଠା ଦିବସ ପାଳିତ ।।

ଓଡ଼ିଶା ତାଜା ନ୍ୟୁଜ (୪ ଡିସେମ୍ବର,ଶୁକ୍ରବାର ) ଭୁବନେଶ୍ୱର :- ରମାଦେବୀ ମହିଳା ବିଶ୍ୱବିଦ୍ୟାଳୟ ର ଷଷ୍ଠ ପ୍ରତିଷ୍ଠା ଦିବସ ବିଶ୍ୱ ବିଦ୍ୟାଳୟ ପ୍ରେକ୍ଷାଳୟ ରେ ପାଳିତ ହୋଇଯାଇଛି । ଏହି ଉପଲକ୍ଷେ ଅନୁଷ୍ଠିତ ଏକ ସଭା ରେ ମୁଖ୍ୟ ଅତିଥି ଭାବେ ଯୋଗ ଦେଇ ଫକୀର ମୋହନ ବିଶ୍ଵ ବିଦ୍ୟାଳୟ ର ପୂର୍ବତନ କୁଳପତି ପ୍ରଫେସର ମଧୁମିତା ଦାସ୍ ଶିକ୍ଷା ଓ ଜ୍ଞାନ ଆହରଣ ଜୀବନ ବ୍ୟାପୀ ଏକ ନିରନ୍ତର ପ୍ରକିୟା ବୋଲି ପ୍ରକାଶ କରିବା ସହ ବିଦ୍ୟାର୍ଥୀ ମାନେ ଶିକ୍ଷା ଲାଭ କରି ସମାଜସେବା ରେ ନିଜକୁ ସମର୍ପିତ କରିବା ଆବଶ୍ୟକ ବୋଲି ମତ ପ୍ରକାଶ କରିଥିଲେ । ଆଗାମୀ ଦିନରେ ରମାଦେବୀ ମହିଳା ବିଶ୍ଵ ବିଦ୍ୟାଳୟ ଜାତୀୟ ସ୍ତରରେ ନିଜକୁ ପ୍ରତିଷ୍ଠା କରିପାରିବ ବୋଲି ଆଶା ପ୍ରକଟ କରିଛନ୍ତି ।

ସଭାରେ ଅଧକ୍ଷତା କରି ରମାଦେବୀ ମହିଳା ବିଶ୍ଵ ବିଦ୍ୟାଳୟ ର କୁଳପତି ପ୍ର.ଅପରଜିତା ଚୌଧୁରୀ ସ୍ୱଳ୍ପ ଦିନରେ ଏହି ଅନୁଷ୍ଠାନ କୁ ଆଗକୁ ନେବାକୁ ବଦ୍ଧ ପରିକର ବୋଲି କହିଥିଲେ । ସୀମିତ ସମ୍ବଳ ଯତ୍ନ ସମସ୍ତଙ୍କ ସହଯୋଗ ରେ ଏହା ସମ୍ଭବ ବୋଲି ସେ ମତ ବ୍ୟକ୍ତ କରିଥିଲେ । ଭାରପ୍ରାପ୍ତ କୂଳସଚିବ ଶ୍ରୀଯୁକ୍ତ ନାରାୟଣ ସେଠୀ ସ୍ୱାଗତ ଭାଷଣ ଦେଇଥିଲେ । ସ୍ନାତକତ୍ତର ପରିଷଦ ଅଧକ୍ଷା ପ୍ରଫେସର ସସ୍ମିତା ମହାନ୍ତି ବାର୍ଷିକ ବିବରଣୀ ପାଠ କରିଥିଲେ । ଈତ୍ୟବସର ରେ ଅତିଥି ମାନେ ବିଶ୍ଵ ବିଦ୍ୟାଳୟ ର ବାର୍ଷିକ ବିବରଣୀ ବିଜ୍ଞାନ ଗବେଷଣା ପତ୍ରିକା ଓ ବୁଲେଟିନ୍ ଉନ୍ମୋଚିତ କରାଯାଇଥିଲା ।  ଏତଦ୍ ବ୍ୟତୀତ ବିଭିନ୍ନ ପ୍ରତିଯୋଗିତା ରେ ଉତ୍ତୀର୍ଣ୍ଣ ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା ।

ଡ଼ଃ. ମନୀଷା ମିଶ୍ର ସଭା ସଂଯୋଜନା କରିଥିଲେ ଓ ଡ଼ଃ ଶିଖା ସିଂ ଧନ୍ୟବାଦ ଅର୍ପଣ କରିଥିଲେ । ସଂଙ୍ଗୀତ ବିଭାଗ ପକ୍ଷରୁ ବିଶ୍ଵ ବିଦ୍ୟାଳୟ ର ନିଜସ୍ୱ ସଂଗୀତ ଗାନ କରିଥିଲେ । ଏଥିରେ ଡ଼ଃ. ଚଣ୍ଡୀ ଚରଣ ରଥ ,ଡ଼ଃ. ମଧୁସ୍ମିତା ପତି ,ଡ଼ଃ. ସରିତା ସୁପକାର ,ଡ଼ଃ.ବିଭୁଦେନ୍ଦୁ ପତି ,ଡ଼ଃ. ମାନସ ବେହେରା ,ଡ଼ଃ. ଶକ୍ତି କାନ୍ତ ରଥ , ଶ୍ରୀ .ସୁପ୍ରିତି ପାଣିଗ୍ରାହୀ ,ଡ଼ଃ. ଜ୍ୟୋତିର୍ମୟୀ ଆଚାର୍ଯ୍ୟ ,ଡ଼ଃ. ସୁଜାତା ମହାନ୍ତି ,ଡ଼ଃ.ଗୋୖରୀ ପ୍ରଭା ସାମଲ  ,ଡ଼ଃ. ନବଜିତ୍ କୌର ,ଡ଼ଃ. ଦିଲ୍ଲୀପ କୁମାର ବିସି ,ଡ଼ଃ. ସୁଶୀଲ ପଟ୍ଟନାୟକ , ଶ୍ରୀ .ରେବତୀ କାନ୍ତ ମହାରଣା ପ୍ରମୁଖ ପ୍ରଫେସର ବୃନ୍ଦ ସକ୍ରିୟ ସହଯୋଗ କରିଥିଲେ ।