ବେଗୁନିଆପଡ଼ା ପଞ୍ଚାୟତରେ ସ୍ବଚ୍ଛତା ଅଭିଯାନ କାର୍ଯ୍ୟକ୍ରମ

ଓଡ଼ିଶା ତାଜା ନ୍ୟୁଜ (୧ ଡିସେମ୍ବର ମଙ୍ଗଳବାର ) କୋଦଳା :-  ଗଂଜାମ ଜିଲ୍ଲା ଗ୍ରାମ୍ଯ ଉନ୍ନୟନ ସଂସ୍ଥା ନିର୍ଦ୍ଦେଶ କ୍ରମେ ଗତକାଲି ଠାରୁ ଜିଲ୍ଲାର ପ୍ରତି ପଞ୍ଚାୟତ ଗୁଡ଼ିକରେ ଆରମ୍ଭ ହୋଇଛି ସ୍ବଚ୍ଛତା ଅଭିଯାନ କାର୍ଯ୍ୟକ୍ରମ  । ମୋ ସ୍ବାଭିମାନ, ସ୍ବଚ୍ଛ ଗଂଜାମର ନାରା ଦେଇ ସ୍ବଚ୍ଛତା ନିମିତ୍ତ ଏହି ସଚେତନତା କାର୍ଯ୍ୟକ୍ରମ କରାଯାଉଛି । ବେଗୁନିଆପଡ଼ା ପଞ୍ଚାୟତରେ ମଂଗଳବାର ଜିଲ୍ଲା ଡେପୁଟି ଡାଇରେକ୍ଟରକଂ ସହ ଗୋଷ୍ଠୀ ଉନ୍ନୟନ ଅଧିକାରୀ ବେଦବର ପ୍ରଧାନ, ଗୋଷ୍ଠୀ ଶିକ୍ଷା ଅଧିକାରୀ କମଳାକାନ୍ତ ସାହୁ, ଆର୍ ଡବ୍ଲ୍ୟୁ ଏସ୍ ଏସ୍ ଯନ୍ତ୍ରୀ, ସମସ୍ତ

ଶିକ୍ଷକ ଶିକ୍ଷୟିତ୍ରୀ, ଆଶା ଓ ଅଂଗନବାଡ଼ି କର୍ମି ମାନେ ଉପସ୍ଥିତ ଥିଲେ । ପଞ୍ଚାୟତ କାର୍ଯ୍ୟାଳୟ ଠାରୁ ଏକ ଶୋଭାଯାତ୍ରା ବାହାରି ସହର ପରିକ୍ରମା ପରେ ପରିବା ବଜାର ଠାରେ ଏକ ସଭା ମାଧ୍ୟମରେ ସଚେତନତା କରାଯାଇଥିଲା । ସ୍ବଚ୍ଛତା ପ୍ରତି ସଜାଗ ରହି ଏଥିପ୍ରତି ସମୟ ଦେବା, ପରିବେଶକୁ ସଦାସର୍ବଦା ସଫା ରଖିବା, ସର୍ବ ପ୍ରଥମେ ନିଜ ଘରୁ ଏବଂ ପରେ ଗାଁ ରୁ ଏହି ଅଭିଯାନ ଆରମ୍ଭ କରିବାକୁ କୁହାଯାଇଥିଲା । ଆଗକୁ ମଧ୍ୟ ଏହି କାର୍ଯ୍ୟକ୍ରମ ଜାରି ରହିବ ବୋଲି ସୂଚନା ମିଳିଛି ।   (ରିପୋର୍ଟ ଶେଷଦେବ ସାହୁ )