ଶାସକ ଦଳର ଭିତରି ବୁଝାମଣା, ପ୍ରଶାସନିକ କଟକଣା ( ଟୋକନ ପାଇଁ ଚାଷୀ ହଇରାଣ ) ପଦ୍ମପୁର  

ଓଡ଼ିଶା ତାଜା ନ୍ୟୁଜ୍ (୧ଡିସେମ୍ବର ମଙ୍ଗଳବାର ) ପଦ୍ମପୁର :- ଆଜକୁ ୧୫ ଦିନ ହେବ ପାଇକମାଲ ଅଧିନସ୍ଥ ଭେଙ୍ଗରାଜପୁର ପଞ୍ଚାୟତ ଧାନମଣ୍ତି କେନ୍ଦ୍ରରେ ଆସୁଥିବା ୧୫ଟି ଗ୍ରାମର ଚାଷୀ ଟୋକନ ପାଇବାରୁ ବଞ୍ଚିତ । ଚାଷୀ ବ୍ଯାଙ୍କ,ମହାଜନୀ ୠଣ,ଅଳଙ୍କାର ବିକ୍ରି କରି ଏବର୍ଷ ଉତ୍ତମ ଚାଷ କରି ସୁ ଫସଲ ଆଦାୟ କରିଛି । ଏବେ ଧାନ ବିକ୍ରି କରି ୠଣ ପୈଠ କରିବା ପାଇଁ ଆଶା କରିଛି । ସରକାରୀ ଦଳ ଓ ପ୍ରଶାସନିକ ଅଧିକାରୀଙ୍କ ଭିତିରି ବୁଝାମଣା ବା ସ୍ଥାନୀୟ ଉଚ୍ଚ ପଦବୀ ର ଅଧିକାରୀ ହୋଇଥିବା ରାଜନୈତିକ ବ୍ଯକ୍ତିଙ୍କ ଚାପରେ ଛନ୍ଦି ହୋଇ ପ୍ରଶାସନ ଟୋକନ ଯୋଗାଇ ବାରେ ଭୂଆଁ ବୁଲାଉଛି । ଚାଷୀ ବାରମ୍ବାର ବରଗଡ଼ ଜିଲ୍ଲାପାଳଙ୍କ ଦ୍ବାରସ୍ଥ ହେଉଥିଲେ ସୁଦ୍ଧା ଫଳ ଶୂନ ! ଘଟଣାର ଅନୁସନ୍ଧାନ ରୁ ଜଣାଯାଏ ଯେ ,ଓଡିଶା ରାଜ୍ୟ ସରକାର ବା ବିଜୁ ଜନତା ଦଳର ସୁପ୍ରିମୋ ନବୀନ ପଟ୍ଟନାୟକ କୃଷକ ଓ ସ୍ବୟଂ ସହାୟକ ଗୋଷ୍ଠୀକୁ ଅଗ୍ରାଧିକାର ଦେଇଥିବା ବେଳେ ତାଙ୍କର ନିକଟ ବର୍ତ୍ତିଥିବା ଏଠିକାର ରାଜନେତାଙ୍କ ଚାପରେ ପ୍ରଶାସନ ସବୁ ଜାଣି ଅଜଣା ପରି ରହିବା ସହ ଚାଷୀକୁ କ୍ଷତି ପହଞ୍ଚିଉଛି ।

ଏହି ମଣ୍ତିର ଧାନ କିଣିବା ପାଇଁ ଉତ୍କଳ ସ୍ବୟଂ ସହାୟକ ଗୋଷ୍ଠୀକୁ କାର୍ଯ୍ୟଦେଶ ମିଳିଛି । ଗତ ତା ୧୦ ୵ ୯ ୵ ୨୦ ଦିନ ରେ ପାଇକମାଲ ତହସିଲଦାର ମନୋଜ କୁମାର ମେହେର,ଯୋଗାଣ ନିରୀକ୍ଷକ ଏବଂ ACCO ପଦ୍ମପୁର ଚାଷୀଙ୍କ ନିକଟ ବର୍ତ୍ତି ହୋଇ ଉତ୍କଳ ସ୍ବୟଂ ସହାୟକ ଗୋଷ୍ଠୀକୁ ସୁଚାରୁରୂପେ କାର୍ଯ୍ୟ ତୁଲାଉଥିବା ବିଷୟରେ ସ୍ପଷ୍ଟ ହୋଇ ଥିଲେ । ଗତ ତା ୨୮ ୵ ୧୦ ୵ ୨୦ ରେ ଧାନ କିଣିବା ପାଇଁ ତାଲିମ ଦେଇଥିଲେ । ତା ୭ ୵ ୯ ୵ ୨୦ ରେ କଲାପଟା,ଡଷ୍ଟର, ବେନର କିଣିବା ପାଇଁ ନିର୍ଦ୍ଦେଶ ଦେବା ସହ ଭୂମିପୂଜା କରିଥିଲେ । କିନ୍ତୁ ସମସ୍ତ ପ୍ରସ୍ତୁତି ଶେଷ ହୋଇ ଯାଇଥିଲେ ସୁଦ୍ଧା ପ୍ରଭାବଶାଳୀ ରାଜନେତା,ଦଲାଲଙ୍କ ଚାପରେ ଚୁପ ଅଛନ୍ତି ବିଭାଗୀୟ ପଦାଧିକାରୀ ଏଥିରୁ ସ୍ପଷ୍ଟ ଜଣାଯାଏ ଯେ ଅର୍ଥ ଲୋଭରେ ସ୍ବୟଂ ସହାୟକ ଓ ଚାଷୀଙ୍କ କାନ୍ଧରେ ବନ୍ଧୁକ ରଖି ଚାଷୀ ଓ ସ୍ବୟଂ ସହାୟକ ଗୋଷ୍ଠୀକୁ କ୍ଷତି ଓ ଅପମାନ ପହଞ୍ଚିଉଥିବା ବିଷୟ,ଏହି ବାର୍ତ୍ତା ସମସ୍ତ ସ୍ବୟଂ ସହାୟକ ଗୋଷ୍ଠୀ ଓ ଚାଷୀ ପାଖରେ ପହଞ୍ଚିଲେ ସରକାର ଓ ପ୍ରଶାସନ ସମ୍ଭାଳି ପାରିବେତ ? ଏମିତି ଅନେକ ପ୍ରଶ୍ନ ହେଉଛି । ଆଜି ପୁଣି ଟୋକନ ଆଶାରେ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛି ଜୟ କିଶାନ କୃଷକ ସଂଘ,ଭେଙ୍ଗରାଜପୁର ଏବେ ଅପେକ୍ଷା ରହିଲା ଜିଲ୍ଲାପାଳ କାହାକୁ ନିର୍ଭୟ ସହ ନ୍ଯାୟ ଯୋଗାଇବା ସହ ଟୋକନ ଯୋଗାଇବେ । ଏହା ଏକ ପ୍ରଶ୍ନବାଚୀ ହେଉଛି ।    (ରିପୋର୍ଟ – ନିରୋଜ କୁମାର ପାଣୀ)