ଟାଟା ଟି ପ୍ରିମିୟମ୍ ପକ୍ଷରୁ ନୂଆ ସ୍ୱତନ୍ତ୍ର ରାଜ୍ୟ କୈନ୍ଦ୍ରୀକ ଯୋଗାଯୋଗ ସହିତ ଓଡ଼ିଶାର “କଡ଼ା ଭାବ’କୁ ପାଳନ କରାଯାଉଛି – ଭୁବନେଶ୍ୱର

ଓଡ଼ିଶା ତାଜା ନ୍ୟୁଜ୍ (୧ଡିସେମ୍ବର ମଙ୍ଗଳବାର )ଭୁବନେଶ୍ୱର :-  ଭାରତର ଅଗ୍ରଣୀ ଚା’ ବ୍ରାଣ୍ଡ୍ ଓ ଟାଟା କଂଜ୍ୟୁମର୍‌ ପ୍ରଡକ୍ଟସ୍‌ର ପ୍ରମୁଖ ବ୍ରାଣ୍ଡ୍ ଟାଟା ଟି ପ୍ରିମିୟମ୍ ପକ୍ଷରୁ ସ୍ୱତନ୍ତ୍ର ଭାବେ ଏକ ଓଡ଼ିଶା କୈନ୍ଦ୍ରୀକ ନୂଆ ଯୋଗାଯୋଗ ଅଭିଯାନକୁ ଉନ୍ମୋଚନ କରାଯାଇଛି । ଟାଟା ଟି ପ୍ରିମିୟମ୍‌କୁ ଚଳିତ ବର୍ଷ ଏକ ସତେଜ ଲୁକ୍‌- ଏକ ଓଡ଼ିଶା ସ୍ୱତନ୍ତ୍ର ପ୍ୟାକେଜିଂରେ ଉନ୍ମୋଚନ କରାଯାଇଥିଲା ଯାହା ରାଜ୍ୟର ଗୌରବ ଏବଂ ସଂସ୍କୃତିକୁ ପାଳନ କରୁଛି । ଏହା ପରେ ଏକ ଅଭିଯାନର ଶୁଭାରମ୍ଭ କରାଯାଇଛି ଯାହା “କଡ଼କ ଇରାଦୋ ୱାଲେ ଓଡ଼ିଶାକେ ଲିୟେ କଡକ ଆସାମ ଚାଏ’ର ଗୁରୁତ୍ୱକୁ ଉପସ୍ଥାପିତ କରିଛି । ଟାଟା ଟି ପ୍ରିମିୟମ୍ ସ୍ଥାନୀୟ ସ୍ୱାଦ ଅଗ୍ରାଧିକାର ଏବଂ ରାଜ୍ୟ ଭିତିକ ଭାବେ ସ୍ଥାନୀୟ ଲୋକଂକୁ ସୁହାଉଥିବା ସ୍ୱତନ୍ତ୍ର ଚା’ ବିକଶିତ କରିବା ପାଇଁ ପରିଚିତ ।

ଓଡ଼ିଶାରେ ଏହି ବ୍ରାଣ୍ଡ୍ ସ୍ୱତନ୍ତ୍ର ଭାବେ ପ୍ରସ୍ତୁତ ହୋଇଥିବା ମିଶ୍ରଣ ପ୍ରଦାନ କରୁଛି ଯାହା ଓଡ଼ିଶାର ସ୍ଥାନୀୟ ଲୋକଙ୍କ ସ୍ୱାଦ ଅଗ୍ରାଧିକାରକୁ ସୁହାଉଛି ଯାହା ଏହାକୁ ରାଜ୍ୟର ଏକ ନମ୍ବର ଚା’ ବ୍ରାଣ୍ଡ୍‌ରେ ପରିଣତ କରିଛି । ଓଡ଼ିଶା ଲୋକମାନେ ଶାନ୍ତ ଓ ଭଦ୍ର ସ୍ୱଭାବର ବୋଲି ବିଚାର କରାଯାଏ । “କଡ଼କ ଇରାଦୋ ୱାଲେ ଓଡ଼ିଶା କେ ଲିୟେ କଡକ ଆସାମ ଚାଏ’ ନାମକ ନୂଆ ଯୋଗଯୋଗ ଅଭିଯାନ’ ଓଡ଼ିଶା ଲୋକମାନେ ନମ୍ର ସ୍ୱଭାବର ବୋଲି ରହିଥିବା ବାହାର ଲୋକମାନଙ୍କ ଭାବନାକୁ ଦୂର କରୁଛି; ଏବଂ ଯେତେବେଳେ ଦୃଢ଼ ଇଚ୍ଛାଶକ୍ତି ଓ ସଂକଳ୍ପ ଦରକାର ସେତେବେଳେ ସେମାନେ ଅତୁଳନୀୟ ଏବଂ ସେମାନଙ୍କ ସାମ୍ନାରେ ଯାହାବି ସ୍ଥିତି ରହିଛି ତା’ଠାରୁ ଆଗକୁ ବଢ଼ିବାର ସକାରାତ୍ମକ ଆଭ୍ୟନ୍ତରୀଣ ସତ୍ୟକୁ ଜୀବନ୍ତ କରୁଛି ।

ଓଡ଼ିଶା ଲୋକମାନଙ୍କର ସେହି କଡକ୍ ବା କଡ଼ା ଭାବକୁ ଟାଟା ଟି’ ପ୍ରିମିୟମ୍‌ର କଡକ୍ ଚା’ ଅଗ୍ରାଧିକାରକୁ ପ୍ରଶଂସା ଜଣାଉଛି । କଂପାନି ପକ୍ଷରୁ ଏକ ଲାଲ ରଙ୍ଗର ଜୀବନ୍ତ ପ୍ୟାକ୍‌କୁ ଉନ୍ମୋଚନ କରାଯାଇଛି ଯାହାକୁ ସ୍ୱତନ୍ତ୍ର ଭାବେ ଓଡ଼ିଶା ବଜାର ଳାଗି ବିକଶିତ କରାଯାଇଛି ଯେଉଁଥିରେ ଓଡ଼ିଶାର ଭାବ ଏବଂ ଗୌରବକୁ ଧରି ରଖିବା ଲାଗି ଉଦ୍ୟମ କରାଯାଇଛି । ଟାଟା ଟି ପ୍ରିମିୟମ୍‌ର ପ୍ୟାକେଜିଂ ରାଜ୍ୟର ସାଂସ୍କୃତିକ ବିଭବ-ଶାସ୍ତ୍ରୀୟ ଓଡ଼ିଶୀ ନୃତ୍ୟ, ପ୍ରସିଦ୍ଧ ଧଉଳି ଏବଂ କୋଣାର୍କ ସୂର୍ଯ୍ୟ ମନ୍ଦିରକୁ ପ୍ରଦର୍ଶିତ କରୁଛି । ଏହି ନୂତନ ପ୍ୟାକ୍ ସହିତ ଟାଟା ଟି ପ୍ରିମିୟମ୍‌ ଓଡ଼ିଶାର ସମୃଦ୍ଧ ସଂସ୍କୃତି ଓ ଐତିହ୍ୟ ବିଷୟରେ ଗୁରୁତ୍ୱରୋପ କରୁଛି ଯାହା ଓଡ଼ିଶା ଲୋକମାନଙ୍କ ଆଂଚଳିକ ଗୌରବକୁ ଉଦ୍ରେକ କରାଯାଉଛି ।

ଏହି ଉନ୍ମୋଚନ ସମ୍ପର୍କରେ ପୁନୀତ ଦାସ, ବରିଷ୍ଠ ଉପସଭାପତି-ମାର୍କେଟିଂ, ପ୍ୟାକେଜଡ୍ ବେଭରେଜେସ୍‌, ଇଣ୍ଡିଆ, ଟାଟା କଂଜ୍ୟୁମର୍ ପ୍ରଡକ୍ଟସ୍‌ କହିଛନ୍ତି ଯେ, “ଟାଟା ଟି ପ୍ରିମିୟମ୍ ଓଡ଼ିଶାର ଏକ ନମ୍ବର ଚା’ ବ୍ରାଣ୍ଡ୍‌ ହୋଇ ରହିଛି ଏବଂ ଆବେଗ ସ୍ତରରେ ଏହା ଓଡ଼ିଆମାନଙ୍କ ସହ ସର୍ବଦା ଯୋଡ଼ିହୋଇରହିଛି । ସ୍ଥାନୀୟ ଲୋକମାନଙ୍କ ଅଗ୍ରାଧିକାର ଆବଶ୍ୟକତାକୁ ଆମ ଚା’ ବିଶେଷତା ପୂରଣ କରୁଛି ଓ ଭାରତର ବିଭିନ୍ନ ଭୌଗୋଳିକ ଅଂଚଳରେ ଗ୍ରାହକଙ୍କ ସ୍ୱାଦ ପ୍ରାଥମିକତା ଅନୁସାରେ ମିଶ୍ରଣ ପ୍ରଦାନ କରିବା ଲାଗି ଆମେ ଜଣାଶୁଣା । ବିଗତ ବର୍ଷଗୁଡ଼ିକରେ ଏହା ଟାଟା ଟି ପ୍ରିମିୟମ୍‌କୁ ସାରା ଭାରତରେ ବିଶେଷ କରି ଓଡ଼ିଶାରେ ଏକ ଅଗ୍ରଣୀ ପ୍ୟାକେଜଡ୍ ଚା’ ବ୍ରାଣ୍ଡ୍‌ରେ ପରିଣତ କରିଛି । ଦେଶର ଚା’ ଭାବେ ଆଜି ଟାଟା ଟି ପ୍ରିମିୟମ୍ ଓଡ଼ିଶାର କଡା ଭାବକୁ ପାଳନ କରୁଛି ଏବଂ ନୂଆ ପ୍ୟାକେଜିଂ ଏବଂ ଯୋଗାଯୋଗରେ ଏହା ଓଡ଼ିଶାର ଗୌରବକୁ ପ୍ରଦର୍ଶିତ କରୁଛି ଯାହାକୁ ସ୍ୱତନ୍ତ୍ର ଭାବେ ଏହି ଅଂଚଳ ପାଇଁ ତିଆରି କରାଯାଇଛି ।’’