ମହାନ ସ୍ୱାଧୀନତା ସଂଗ୍ରାମୀ ଶହୀଦ ଦିବାକର ପରିଡାଙ୍କ ୧୧0 ତମ ଜୟନ୍ତୀ ପାଳିତ

ରଣପୁର ପ୍ରଜାମଣ୍ଡଳ ଆନ୍ଦୋଳନ ପାଇଁ ନିଜର ମହନୀୟ ଆତ୍ମ ବଳିଦାନ ଶହୀଦ ଦିବାକର ପରିଡ଼ାଙ୍କୁ ଯୁଗେ ଯୁଗେ ଅମର ରଖିବ ,

ଓଡ଼ିଶା ତାଜା ନ୍ୟୁଜ୍ (୧ଡିସେମ୍ବର ମଙ୍ଗଳବାର ) ନୟାଗଡ /ଅଭିମନ୍ୟୁ :- ନୟାଗଡ କେ.ସି କ୍ଲବ ସମ୍ମିଳନୀ କକ୍ଷରେ ରଣପୁର ପ୍ରଜାମଣ୍ଡଳ ଆନ୍ଦୋଳନର ମୁଖ୍ୟ ପୁରୋଧା ତଥା ଭାରତୀୟ ସ୍ୱାଧୀନତା ସଂଗ୍ରାମକୁ ବ୍ୟାପକ କରିବାପାଇଁ ସେତେବେଳର ଯୁବ ପ୍ରେରଣା ଶହୀଦ ଦିବାକର ପରିଡାଙ୍କ ୧୧0 ତମ ଜନ୍ମ ଜୟନ୍ତୀ ମହା ସମାରୋହରେ ପାଳିତ ହୋଇ ଯାଇଛି | ରାଜ୍ୟ ସ୍ତରୀୟ ରଘୁ-ଦିବାକର ସ୍ମୃତି ପରିଷଦ, ଭୁବନେଶ୍ୱର  ଦ୍ୱାର ଆୟୋଜିତ ଏହି ସଭାରେ ପୌରୋହିତ୍ୟ କରିଥିଲେ ଏହାର ସ୍ଥାୟୀ ସଭାପତି ଅଧ୍ୟାପିକା ସୌଦାମିନୀ ପାଇକରାୟ |

ଏଥିରେ ମୁଖ୍ୟ ଅତିଥି ଭାବେ ରଣପୁରର ବିଧାୟକ ତଥା ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ ସତ୍ୟ ନାରାୟଣ ପ୍ରଧାନ ଯୋଗଦେଇ ସ୍ବର୍ଗତ ପରିଡାଙ୍କ ନୟାଗଡ ପ୍ରଜାମଣ୍ଡଳ ଆନ୍ଦୋଳନକୁ ତ୍ୟାଗପୁତ ଅବଦାନର ଅବତାରଣା କରଥିଲେ | ଏଥିରେ ମୁଖ୍ୟ ବକ୍ତା ଭାବେ ନୟାଗଡ ପ୍ରଜାମଣ୍ଡଳ ଆନ୍ଦୋଳନର ଅନ୍ୟତମ ଦୁର୍ଦ୍ଧଷ ଯୋଦ୍ଧା ତଥା ମହାନ ସ୍ୱାଧୀନତା ସଂଗ୍ରାମୀ, ପୂର୍ବତନ ମନ୍ତ୍ରୀ ସ୍ବର୍ଗତ ଶ୍ରୀଧର ଦାଶଙ୍କ ନାତି ତଥା ବରିଷ୍ଠ ସାମ୍ବାଦିକ ରାମକୃଷ୍ଣ ରଥ ଯୋଗଦେଇ ସେହି ମହାନ ସଂଗ୍ରାମୀଙ୍କ ମାତୃଭୂମି ପ୍ରତି ବଳିଦାନର ଭୁୟସୀ ପ୍ରଂଶସା କରିବା ସହ ବର୍ତମାନର ଯୁବପିଢ଼ି ତାଙ୍କ ଆଦର୍ଶରେ ଅନୁପ୍ରାଣିତ ହୋଇ ମାଟି,ମା ର ସେବାରେ ନିଜକୁ ନିୟୋଜିତ କରିବା ପାଇଁ ଶପଥ ନେବାକୁ ଆହ୍ୱାନ ଦେଇଥିଲେ |

ଅନ୍ୟତମ ସମ୍ମାନିତ ଅତିଥି ଭାବେ ବର୍ଷିଆନ ସାମ୍ବାଦିକ ତଥା ସଂଗୀତଜ୍ଞ ପ୍ରଦୀପ୍ତ ପଟ୍ଟନାୟକ ସ୍ବର୍ଗତ ପରିଡାଙ୍କ ଜୀବନାଦର୍ଶନ କିଭଳି ମହନୀୟ ଥିଲା ତାର ପରିଚୟ ପ୍ରଦାନ କରିଥିବାବେଳେ ନୟାଗଡ ସ୍ୱୟଂ ଶାସିତ ମହାବିଦ୍ୟାଳୟର ରାଜନୀତି ବିଜ୍ଞାନର ଅଧ୍ୟାପକ ଆଦିତ୍ୟକୁମାର ମହାପାତ୍ର ନୟାଗଡ ପ୍ରଜାମଣ୍ଡଳ ଆନ୍ଦୋଳକୁ ଦିବାକର ପରିଡାଙ୍କ ମହନୀୟ ଅବଦାନ ସମ୍ପର୍କରେ ବ୍ୟାପକ ଆଲୋଚନା କରିଥିଲେ | ଯୁବ ସମାଜସେବୀ ରଜତ କୁମାର ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ |