ଗାୟତ୍ରୀ ପରିବାର ତରଫରୁ ସ୍ବଚ୍ଛତା କାର୍ଯ୍ୟକ୍ରମ

ଓଡ଼ିଶା ତାଜା ନ୍ୟୁଜ୍ ( ୨୫ ନଭେମ୍ବର ବୁଧବାର ) ହିଞ୍ଜିଳିକାଟୁ :-ସମାଜର ହିତ ସାଧନା ସକାଶେ ବିଭିନ୍ନ ସମୟରେ ଗାୟତ୍ରୀ ପରିବାର ତରଫରୁ ବହୁ ସାମାଜିକ କାର୍ଯ୍ୟକ୍ରମ ହାତକୁ ନିଆଯାଇଛି । ମଙ୍ଗଳବାର ଗାୟତ୍ରୀ ପରିବାର କଞ୍ଚୁରୁ ଶାଖା ତରଫରୁ ବରିଷ୍ଟ ସଦସ୍ୟ ଗୈାତମ କୁମାର ବାଡତ୍ୟାଙ୍କ ତତ୍ବାବଧାନରେ ଗାୟତ୍ରୀ ପରିବାରର ପରିଜନ ସ୍ଥାନୀୟ ବ୍ଳକ କଞ୍ଚୁରୁ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର ପରିସର ସଫା କରିଥିଲେ । ସ୍ବାସ୍ଥ୍ୟ କେନ୍ଦ୍ର ଭାରପ୍ରାପ୍ତ ଚିକିତ୍ସାଧିକାରୀ ଇ ଜଗନ୍ନାଥ ଏଭଳି କାର୍ଯ୍ୟକୁ ପ୍ରଶଂସା କରିଥିଲେ ।

ଆଗାମୀ ଦିନରେ ଗାୟତ୍ରୀ ପରିବାର ତରଫରୁ ବୃକ୍ଷରୋପଣ, ମଦ ମୁକ୍ତି, ଗୋ ସମ୍ପଦର ସୁରକ୍ଷା, ବାଲ୍ୟ ବିବାହ ନିଷେଧ ଭଳି ବହୁ ସାମାଜିକ କାର୍ଯ୍ୟକ୍ରମ ହାତକୁ ନିଆଯାଇଛି ବୋଲି ଗାୟତ୍ରୀ ପରିବାର ତରଫରୁ ସୂଚନା ଦିଆଯାଇଛି । କାର୍ଯ୍ୟକ୍ରମରେ ରାଜେନ୍ଦ୍ର ସାହୁ, ତୁମ୍ବନାଥ ସାହୁ, ସନ୍ତୋଷ ସାହୁ, ନବୀନ ଚନ୍ଦ୍ର ସାହୁ, ଶୋଭା ସାହୁ, ଶାନ୍ତିଲତା ସାହୁ,ଝୁନୁ ମହାନ୍ତି ପ୍ରମୁଖ ଅଂଶ ଗ୍ରହଣ କରିଥିଲେ ।  ( ରିପୋର୍ଟ:ଶୁସାନ୍ତ ପ୍ରଧାନ )