ମନ୍ଦିର ବାହାରେ ନାଗାର୍ଜୁନ ବେଶ ଦର୍ଶନର ସୁଯୋଗ ସୃଷ୍ଟିକଲେ ଯୁବ ଗୋଷ୍ଠି – ଓଡ଼ଗାଁ

ଓଡ଼ିଶା ତାଜା ନ୍ୟୁଜ୍ ( ୨୫ ନଭେମ୍ବର ବୁଧବାର ) ଓଡ଼ଗାଁ  :- ପୂଣ୍ଯର ମାସ କାର୍ତ୍ତୀକ ମାସ । ଆଜି ଠାରୁ କାର୍ତ୍ତୀକ ମାସର ପଞ୍ଚୁକ ଆରମ୍ଭ ହୋଇଛି । କିନ୍ତୁ କରୋନା କଟକଣାରୁ ମୁକୁଳି ପାରିନି ମନ୍ଦିର। ଭକ୍ତ ଫେରିଯାଉଛି ଭଗବାନଙ୍କ ଦ୍ଵାର ରୁ । ଓଡଗାଁ ବ୍ଲକ ଅନ୍ତର୍ଗତ ରଙ୍ଗଣୀପାଟଣା ଗ୍ରାମ ପଞ୍ଚାୟତର କୋଠସାହି ଜଗନ୍ନାଥ ମନ୍ଦିର ବାହରେ ନାଗାର୍ଜୁନ ବେଶ ଦର୍ଶନ ବ୍ୟବସ୍ତା ହୋଇଛି। ମନ୍ଦିର ନିକଟ ମଣ୍ଡପରେ ଚତୁର୍ଧାମୂର୍ତ୍ତି ଙ୍କ ଦିବ୍ୟ ନାଗାର୍ଜୁନ ବେଶର ଅସ୍ଥାୟୀ ନିର୍ମାଣ କରାଯାଇଛି ।

ମନ୍ଦିର ରେ ଦର୍ଶନ ନପାଇ ଫେରିଯାଉଥିବା ଭକ୍ତମାନେ ଆସନ୍ତା ୫ଦିନ ପର୍ଯ୍ୟନ୍ତ ଦର୍ଶନ କରିପାରିବେ ।କରୋନା କଟକଣା କାରଣରୁ ସମଦୁରତା ରକ୍ଷା କରି ଦର୍ଶନ କରିପାରିବେ । ଏହି ନିର୍ମାଣ ରେ ଜୟ ଜଗନ୍ନାଥ ଯୁବକ ସଂଘ ର ବଳରାମ ସାହୁ,ବସନ୍ତ କୁମାର ସାହୁ,ପ୍ରକାଶ ଶୁକ୍ଳ,ନିବାସ ସାହୁ ,ନାରାୟଣ ସାହୁ,ସୌମେନ୍ଦ୍ର ସାହୁ ଙ୍କ ସମିତ ଅନ୍ୟ କର୍ମକର୍ତ୍ତା ମାନେ ସହଯୋଗ କରିଥିଲେ। ( ଓଡ଼ଗାଁ ରିପୋର୍ଟ – ଅଶ୍ଵିନୀ କୁମାର ସାହୁ )