ବଜ୍ରକୀଳା ସମ୍ପାଦକଙ୍କ ଉପରେ – ମରଣାନ୍ତକ ଆକ୍ରମଣ

ଓଡ଼ିଶା ତାଜା ନ୍ୟୁଜ (୨୪ ନଭେମ୍ବର ମଙ୍ଗଳବାର)  ଭୁବନେଶ୍ୱର :-କାର୍ଯ୍ୟରତ ସାମ୍ବାଦିକଙ୍କ ଉପରେ ମରଣାନ୍ତକ ଆକ୍ରମଣ । ଏହି ଘଟଣାଟି ଘଟିଛି ରାଜଧାନୀ ଭୁବନେଶ୍ୱରରେ । ପୁଣି ଚତୁର୍ଥ ସ୍ତମ୍ଭ ଉପରେ ପ୍ରହାର । ଆଜି କିଛି ଦୁର୍ବୃତ୍ତଙ୍କ ଆକ୍ରମଣର ଶିକାରର ହୋଇଛନ୍ତି ରାଜଧାନୀ ଭୁବନେଶ୍ୱରରୁ ପ୍ରକାଶିତ ଓଡ଼ିଆ ସାପ୍ତାହିକ ଖବର ‘ବଜ୍ରକୀଳା’ର ସମ୍ପାଦକ ବରଦା ପ୍ରସନ୍ନ ଶତପଥୀ । ସବୁବେଳେ ସତ୍ୟ ଖବର ପ୍ରସାରଣରେ ବିଶ୍ୱାସ କରୁଥିବା ଏହି ସାମ୍ବାଦିକ ଜଣକ ଆଜି ଆକ୍ରମଣର ଶିକାର ହୋଇଛନ୍ତି । ସୂଚନା ଅନୁଯାୟୀ ଜନଗହଳିପୂର୍ଣ୍ଣ ପିଏମ୍‌ଜି ଛକରୁ ଏଜି ଛକ ଅଭିମୁଖେ ଶ୍ରୀ ଶତପଥୀ ଯାଉଥିବା ସମୟରେ ୨ଜଣ ଯୁବକ ତାଙ୍କୁ ଆକ୍ରମଣ କରିଥିଲେ । ଜନଗହଳିପୂର୍ଣ୍ଣ ରାଜରାସ୍ତାରେ କାଠ ଫାଳିଆରେ ମରଣାନ୍ତକ ଆକ୍ରମଣର ଶିକାର ହୋଇଥିଲେ ମଧ୍ୟ ଅନ୍ୟମାନେ ଦେଖିଥିଲେ ମଧ୍ୟ ଚୁପ୍ ରହିଥିଳେ ।

ଶ୍ରୀ ଶଥପଥୀ ପ୍ରଥମେ କ୍ୟାପିଟାଲ ହସ୍ପିଟାଲରେ ପ୍ରାଥମିକ ଚିକିତ୍ସା ପରେ ଥାନରେ ଏଫ୍‌.ଆଇ.ଆର ଦେଇଥିବା ସୂଚନା ମିଳିଛି । ଆଜି ଆମ ଦେଶର ସମ୍ବିଧାନକୁ ସମ୍ମାନ ଜଣାଇବା ବିଧି ଥିଲାବେଳେ ଏଠାରେ ଚତୁର୍ଥ ସ୍ତମ୍ଭ ଉପରେ ପ୍ରହାର । ସମ୍ବିଧାନର ଗୋଟିଏ ସ୍ତମ୍ଭ ଯଦି ଦୁର୍ବଳ ହୋଇଯାଏ ତେବେ ଅନ୍ୟ ତିନୋଟି ଅସୁରକ୍ଷିତ । ରାଜ୍ୟରେ କୋଣ ଅନୁକୋଣରେ ପ୍ରତିଦିନ ସାମ୍ବାଦିକଙ୍କ ଉପରେ ଅକ୍ରମଣ କରାଯାଉଥିବା ଗଣମାଧ୍ୟମରେ ପ୍ରକାଶ ପାଉଛି । ସତ୍ୟକୁ ସାମ୍ନାକୁ ଆଣୁଥିବା ଏହି ସାମ୍ବାଦିକମାନଙ୍କ ପାଇଁ ସରକାର ଯତ୍ନବାନ ହେବା ଦରକାର ବୋଲି ସାଧାରଣରେ ଚର୍ଚ୍ଚା ଜୋର ଧରିଛି । ତେବେ ଦେଖାଯାଉ ସାମ୍ବାଦିକ ଜଣକ ନ୍ୟାୟ ପାଇପାରିବେ ତ..? କମିଶନରେଟ ପୋଲିସ୍ ଆସାମୀଙ୍କୁ ଧରିବାରେ କେତେଦୂର ସଫଳ ହେଉଛନ୍ତି ତାହା ଦେଖିବାକୁ ବାକି ରହିଲା ।