ଓଡ଼ିଶା ତାଜାନ୍ୟୁଜ୍ (୨୪ ନଭେମ୍ବର ମଙ୍ଗଳବାର ) ଓଡ଼ଗାଁ :- ଆଜି ଅପରାହ୍ନ ୪ଟାରେ ଶରଣକୁଳରେ ଘଟିଛି ଏକ ଅଭାବନୀୟ ଘଟଣା । ନୟାଗଡ଼ ପଟୁ ଆସୁଥିବା ଏକ ହାଇୱା ଶରଣକୁଳ ଠାରେ ଦୁର୍ଘଟଣା ଘଟାଇଛି । ହାଇୱା ଘଟାଇଲା ଶରଣକୁଳ ରେ ସିରିଜ ଦୁର୍ଘଟଣା । ପ୍ରଥମେ ହାଇୱା ନରେନ୍ଦ୍ରପୁର ରେ ୨ ଧକ୍କା ଦେଲା । ପରେ ସୁଆର ସାହିର ଲୋକଙ୍କ ଉପରେ ମାଡ଼ି ଯାଇଥିଲା । ଦୁର୍ଘଟଣା ଘଟାଇଥିବା ହାଇୱା ଡ଼୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି ବୋଲି ଜଣାପଡିଛି ।
ଶରଣକୁଳ ସଡ଼କ ଦୁର୍ଘଟଣାରେ ବଢିଲା ମୃତ୍ୟୁଙ୍କ ସଂଖ୍ୟା । ଦୁର୍ଘଟଣାରେ ଗୁରୁତର ହୋଇଥିବା ଶିଶୁର ମଧ୍ୟ ମୃତ୍ୟୁ । ଶିଶୁ ର ଅବସ୍ଥା ସଙ୍କଟାପନ୍ନ ଥିଲା ପରେ ସବୁଦିନ ପାଇଁ ଆଖି ବୁଜିଲା ଶିଶୁ । ଦୁର୍ଘଟଣାରେ ୨ ମହିଳା , ୩ ପୁରୁଷ ଓ ୧ ଶିଶୁ ସହ ମୋଟ ୬ ଜଣଙ୍କ ର ମୃତ୍ୟୁ ଘଟିଛି । ଘଟଣାସ୍ଥଳରେ ଶରଣକୁଳ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ବୋଲି ବିଶେଷ ସୂତ୍ରରୁ ସୂଚନା ମିଳିଛି । ( ଓଡ଼ଗାଁ ରିପୋର୍ଟ – ଅଶ୍ଵିନୀ କୁମାର ସାହୁ )
