ନୟାଗଡ଼ ଜିଲ୍ଲାରୁ କେନ୍ଦ୍ରାପଡା ଜିଲ୍ଲା ଯାଏଁ କାହ୍ନୁ ର ଲିଙ୍କ – ପର୍ଶୁରାମ ଗିରଫ

ଓଡ଼ିଶା ତାଜା ନ୍ୟୁଜ୍ (୧୮ ନଭେମ୍ବର ବୁଧବାର ) ଚାନ୍ଦପୁର :- ନୟାଗଡ଼ ଠାରୁ କେନ୍ଦ୍ରାପଡା ତଥା ଅନ୍ୟ ଜିଲ୍ଲା ଗୁଡ଼ିକରେ କାହ୍ନୁ ଆତଙ୍କ ର ଜଡ ଉପାଡୁଛି ଚାନ୍ଦପୁର ପୋଲିସ । କାହ୍ନୁ ର ଆଉ ଏକ ସାଥି କୁ ଧରିଛନ୍ତି ଚାନ୍ଦପୁର ପୋଲିସ । କାହ୍ନୁ ଲୁଟ ପାଟ ଆତଙ୍କ ର ବୃକ୍ଷ କେନ୍ଦ୍ରାପଡା ଜିଲ୍ଲା ଓ ଅନ୍ୟ ଅଞ୍ଚଳ ଗୁଡ଼ିକ ରେ ବିସ୍ତାର କରିଥିଲା । ଏବେ ଚାନ୍ଦପୁର ପୋଲିସ ହାତରେ ଲାଗୁଛି ଗୋଟିଏ ଗୋଟିଏ କଳା କାରନାମା କରି ଆସୁଥିବା ଅଭିଯୁକ୍ତ ର ଲିଙ୍କ । ପ୍ରଥମେ କାହ୍ନୁର ଅତି ବିସ୍ଵସ୍ଥ ସାଥୀ ପୋଲିସ ଗିରଫ କଲା ପରେ ଦ୍ବିତୀୟ ରେ କାହ୍ନୁ କୁ ଗିରଫ କରି କୋର୍ଟ ଚାଲାଣ କରି ଜେଲ ପଠାଇଛନ୍ତି ଚାନ୍ଦପୁର ପୋଲିସ ।

ଗତକାଲି କାହ୍ନୁ ର ଅନ୍ୟ ଏକ ସହଯୋଗୀ ପର୍ଶୁ କୁ କୋର୍ଟ ଚାଲାଣ କରିଛି ଚାନ୍ଦପୁର ପୋଲିସ । କାହ୍ନୁ ର ସହଯୋଗୀ ଖଣ୍ଡଗିରି ଅଞ୍ଚଳ ଶ୍ୟାମପୁର ସାଇ କଲୋନୀ ର ପର୍ଶୁରାମ ଜେନା (୩୫ ବର୍ଷ)କୁ ଆରେଷ୍ଟ କରିଛି ପୋଲିସ । ସୁଚନାନୁସାରେ ଲୁଟପାଟରେ କାହ୍ନୁ ସହଯୋଗୀ ଥିଲେ ବୋଲି ଜଣାପଡ଼ିଛି । କାହ୍ନୁ ଓ ତାର ସାଥୀ ୧୪ ଲକ୍ଷ ଟଙ୍କା ଲୁଟି ଆଣିଥିଲେ ସେହି ଟଙ୍କା ରେ ନିଜ ନାମରେ ଜମି କିଣିଥିଲେ କାହ୍ନୁ ।

ପର୍ଶୁ ଠାରୁ ଚାନ୍ଦପୁର ପୋଲିସ ନକଲି ଆଇ କାର୍ଡ଼ , ବୁଲୁଥିବା ଗାଡ଼ି ରେ ନକଲି ନାଲି ବତୀ ତଥା , ପୋଲିସ ଡ୍ରେସ ଜବତ କରିଛନ୍ତି । ଗୋଟିଏ ପରେ ଗୋଟିଏ କାହ୍ନୁ କେସ୍ ର ଅଭିଯୁକ୍ତ ଙ୍କୁ ଗିରଫ କରୁଛି ଚାନ୍ଦପୁର ପୋଲିସ ।  କାହ୍ନୁ ନିଜେ ହିଁ ଏସବୁ ଅସାମାଜିକ କାର୍ଯ୍ୟ ଲିଡ୍ କରି ଆସୁଥିଲା । ଯାହାକୁ ପୋଲିସ ଏବେ ରଖିଛି ଟାର୍ଗେଟ୍ ରେ ।