କରୋନା ଗାଇଡ ଲାଇନ୍ ଆଧାରରେ ଚାଲିଛି କାଳୀ ପୂଜା – ପଦ୍ମପୁର

ଓଡ଼ିଶା ତାଜା ନ୍ୟୁଜ୍ ( ୧୫ ନଭେମ୍ବର ରବିବାର ) ପଦ୍ମପୁର :- ପଦ୍ମପୁର ହନୁମାନ ପଡା ସ୍ଥିତ କାଳୀ ମଣ୍ତ ପରେ, ସାର୍ବଜନିକ କାଳୀ ପୂଜା କମିଟି ତରଫରୁ କରୋନା ଗାଇଡ ଲାଇନ୍ ଆଧାରରେ ଏକ ନିଡାରମ୍ବର ପରିବେଶ ଭିତରେ ମାଁ ଶ୍ଯାମ କାଳୀଙ୍କ ପୂଜନୋତ୍ସବ ଚାଲିଛି ।

ଗତ କାଲି ସନ୍ଧ୍ୟାରେ ସୀମିତ ସଂଖ୍ଯକ ବ୍ଯକ୍ତି ବିଶେଷଙ୍କୁ ନେଇ ଖଣ୍ତାଧୂଆ ତଥା କଳସ ଯାତ୍ରା ଶୋଭାଯାତ୍ରା ବାହାରି ଥିଲା । ଆଗାମୀ ୧୮ ତାରିଖ ଯାଏ ଏଇ ପୂଜନୋତ୍ସବ ଅନୁଷ୍ଠିତ ହୋଇ ଘଟ ବିସର୍ଜନ କରାଯିବାର କାର୍ଯ୍ୟକ୍ରମ ରହିଛି । ପୂଜା ମଣ୍ତପକୁ ମାକ୍ସ ପିନ୍ଧି, ସାମାଜିକ ଦୂରତା ରକ୍ଷା କରି ଭକ୍ତ ମାନେ ଦେବୀଙ୍କ ଦର୍ଶନ କରିବାକୁ ଯାଉଛନ୍ତି ।

ଭକ୍ତ ମାନଙ୍କର ପ୍ରଦତ୍ତ ଭୋଗ ତଥା ପୂଜା ଥାଳିରେ ଟଙ୍କା ପଇସା ହେବା ଇତ୍ୟାଦି କୁ ପୂଜା କମିଟି ତରଫରୁ ନିଷିଦ୍ଧ କରି ଦିଆ ଯାଇଛି । କରୋନା କଟକଣା ଯୋଗୁଁ ବହୁ ଚର୍ଚ୍ଚିତ ” କାକରା ଭୋଗ ” କାର୍ଯ୍ୟକ୍ରମକୁ ଏ ଥରକ ପାଇଁ ସ୍ଥଗିତ ରଖାଯାଇଛି । ସେ ଯାହାବି ହେଉ ଖାଁ ଖାଁ ପରିବେଶ ଭିତରେ ରୀତିନୀତି ଅନୁସାରେ କେବଳ ପୂଜାର୍ଚ୍ଚନା ଚାଲିଛି (ରିପୋର୍ଟ – ନିରୋଜ କୁମାର ପାଣୀ)