ଭାରତର ଶ୍ରେଷ୍ଠ ଦାତବ୍ୟ କାର୍ଯ୍ୟ କରୁଥିବା ବ୍ୟକ୍ତିଙ୍କ ତାଲିକାରେ ବେଦାନ୍ତର ଅଧ୍ୟକ୍ଷ

ଓଡ଼ିଶା ତାଜା ନ୍ୟୁଜ (୧୩ ନଭେମ୍ବର ,ଶୁକ୍ରବାର )ଭୁବନେଶ୍ୱର :- ଏଡେଲଗିଭହୁରୁନ ଇଣ୍ଡିଆ ଫିଲାନଥ୍ରୋପିଷ୍ଟ ତାଲିକା ୨୦୨୦ରେ ଶ୍ରେଷ୍ଠ ଦାତବ୍ୟ କାର୍ଯ୍ୟ କରୁଥିବା ବ୍ୟକ୍ତିଙ୍କ ତାଲିକାରେ ବେଦାନ୍ତର ଅଧ୍ୟକ୍ଷ ଅନିଲ ଅଗ୍ରୱାଲ ରହିଛନ୍ତି । ହୁରୁନର ଏହି ରିପୋର୍ଟରେ କୁହାଯାଇଛି ଯେ ଗତବର୍ଷ ତୁଳନାରେ ଶ୍ରୀଯୁକ୍ତ ଅଗ୍ରୱାଲଙ୍କ ଅବଦାନ ୯୦ ପ୍ରତିଶତ ବୃଦ୍ଧି ପାଇଛି ଏବଂ ସେ ଭାରତର ଶ୍ରେଷ୍ଠ ପାଂଚ ଦାତବ୍ୟ କାର୍ଯ୍ୟ କରୁଥିବା ବ୍ୟକ୍ତିଙ୍କ ମଧ୍ୟରେ ସ୍ଥାନ ପାଇଛନ୍ତି । କର୍ପୋରେଟ ସାମାଜିକ ଦାୟିତ୍ୱବୋଧ ଲାଗି ସରକାରଙ୍କ ରହିଥିବା ୨ ପ୍ରତିଶତ ସୀମା ଠାରୁ ବେଦାନ୍ତ ଯଥେଷ୍ଟ ଅଧିକ ଅବଦାନ ଦେଇଛି । ୨୦୧୯ ଏପ୍ରିଲ ୧ରୁ ୨୦୨୦ ମାର୍ଚ୍ଚ ୩୧ ମଧ୍ୟରେ ନଗଦ ରାଶି ଓ ନଗଦ ରାଶି ସହ ସମାନ ଅବଦାନ ଏବଂ କର୍ପୋରେଟ ବ୍ୟାପାର ମନ୍ତ୍ରଣାଳୟକୁ ଦିଆଯାଇଥିବା ସିଏସଆର ତଥ୍ୟ ଆଧାରରେ ଏହି ରିପୋର୍ଟ ପ୍ରସ୍ତୁତ କରାଯାଇଛି । କୋଭିଡ-୧୯ ମୁକାବିଲାରେ ବେଦାନ୍ତ ଅଗ୍ରଦୂତ ସରଜିଛି ଏବଂ ପିଏମ କେୟାରସ ଫଣ୍ଡକୁ ୧୦୧ କୋଟି ଟଙ୍କା ଦାନ କରିଛି । କଂପାନି ପକ୍ଷରୁ ଦିନ ମଜୁରିଆ ଏବଂ ସ୍ଥାନୀୟ ସମାଜକୁ ସାହାଯ୍ୟ କରିବା ଲାଗି କୋଭିଡ ଜନିତ ଅଭିଯାନ ପାଇଁ ୧୦୦ କୋଟି ଟଙ୍କା ମୂଲ୍ୟର ଏକ ପାଣ୍ଠି ଗଠନ କରାଯାଇଛି । ସମାଜକୁ ଫେରସ୍ତ କରିବା ଦର୍ଶନ ଉପରେ ବିଶ୍ୱାସ ରଖି ଶ୍ରୀଯୁକ୍ତ ଅଗ୍ରୱାଲ ନିଜ ସଂପତିର ୭୫ ପ୍ରତିଶତ ଅର୍ଥରାଶି ସାମାଜିକ କଲ୍ୟାଣମୂଳକ କାର୍ଯ୍ୟ ପାଇଁ ବିନିଯୋଗ କରିଛନ୍ତି ।

ସେ କଂପାନିର ଦାତବ୍ୟ ଶାଖା ବେଦାନ୍ତ ଫାଉଣ୍ଡେସନ ସୃଷ୍ଟି କରିଛନ୍ତି । ଏହି ଫାଉଣ୍ଡେସନ ଶିକ୍ଷା, କଂପ୍ୟୁଟର ସାକ୍ଷରତା, ଧନ୍ଦାମୂଳକ ପ୍ରଶିକ୍ଷଣ, ମହିଳା ଓ ଶିଶୁ ସଶକ୍ତୀକରଣ ଏବଂ ସାମାଜିକ କଲ୍ୟାଣ ଦିନରେ କାର୍ଯ୍ୟ କରୁଛି ବୋଲି ହୁରୁନ ରିପୋର୍ଟରେ ଉଲ୍ଲେଖ ରହିଛି । ବୋଦନ୍ତ କେୟାରସ ଅଭିଯାନ ଅଧୀନରେ ଶ୍ରୀଯୁକ୍ତ ଅଗ୍ରୱାଲ ନନ୍ଦ ଘର ନାମରେ ମଡେଲ ଅଙ୍ଗନବାଡ଼ି ଗଠନ କରିଛନ୍ତି ଯାହା ଅପପୁଷ୍ଟି ଦୂର କରିବା ଉପରେ ଗୁରୁôତ୍ୱାରୋପ କରୁଥିବା ବେଳେ ଶିକ୍ଷା, ସ୍ୱାସ୍ଥ୍ୟ ସେବା ଓ ମହିଳା ସଶକ୍ତୀକରଣ ପାଇଁ କାର୍ଯ୍ୟ କରୁଛି । ଭାରତରେ ବେଦାନ୍ତ ୧୭୦୦ରୁ ଅଧିକ ନନ୍ଦ ଘର ସ୍ଥାପନ କରି ଲକ୍ଷ ଲକ୍ଷ ଲୋକଙ୍କ ଜୀବନରେ ଉନ୍ନତି ଆଣିପାରିଛି । ଗ୍ରୁପର ସିଏସଆର ଅଭିଯାନରେ ସାତଟି ପ୍ରମୁଖ କ୍ଷେତ୍ର ଯଥା ଶିକ୍ଷା, ସ୍ୱାସ୍ଥ୍ୟ ସେବା, ଜଲ ଓ ପରିମଳ, ନିରନ୍ତର ଜୀବିକା, କେଶଳ, କ୍ରୀଡ଼ା ଓ ସଂସ୍କୃତି ଏବଂ କର୍ମଚାରୀ ସ୍ୱେଚ୍ଛାସେବୀ ଉପରେ ଗୁରୁôବ ଦିଆଯାଉଛିୟ ବେଦାନ୍ତ ଫାଉଣ୍ଡେସନ ଉପେକ୍ଷୀତ ବର୍ଗର ଲୋକମାନଙ୍କୁ ନିଯୁକ୍ତ କ୍ଷମ କରିବା ଲାଗି କେଶଳ ବିକାଶ ଓ ଧନ୍ଦାମୂଳକ ଶିକ୍ଷା କ୍ଷେତ୍ରରେ କାର୍ଯ୍ୟ କରୁଛି । ସ୍ୱାସ୍ଥ୍ୟ ସେବା କ୍ଷେତ୍ରରେ କଂପାନି ଛତିଶଗଡ଼ର ନିଉ ରାୟପୁରରେ ୨୦୦ ଶଯ୍ୟା ବିଶିଷ୍ଟ ବାଲକୋ ମେଡିକାଲ ସେଂଟର ସ୍ଥାପନ କରିଛିୟ ତୃଣମୂଳ ସ୍ତରରେ କ୍ରୀଡ଼ାର ବିକାଶ ପାଇଁ ଗୋଆ ଓ ଉଦୟପୁରରେ ଫୁଟବଲ ଏକାଡେମି ରହିଛି ।