ଢେଙ୍କାନାଳ ସାଂସଦଙ୍କ ଅଧ୍ୟକ୍ଷତାରେ “ଦିଶା” ବୈଠକ ଅନୁଷ୍ଠିତ

ଓଡ଼ିଶା ତାଜା ନ୍ୟୁଜ (୧୦ ନଭେମ୍ବର,ମଙ୍ଗଳବାର ) ଢେଙ୍କାନାଳ :- ଜିଲ୍ଲାରେ କାର୍ଯ୍ୟକାରୀ ହେଉଥିବା ବିଭିନ୍ନ ଜନ ହିତକର ଯୋଜନା ଗୁଡ଼ିକର ସମୟୋଚିତ ସଫଳତା ପାଇଁ ଆଜି ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ସମ୍ମିଳନୀ କକ୍ଷରେ ଜିଲ୍ଲା ଉନ୍ନୟନ ସମନ୍ୱୟ ଓ ପର୍ଯ୍ୟାଲୋଚନା କମିଟିର” ଦିଶା ” ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ସାଂସଦ ଶ୍ରୀ ମହେଶ ସାହୁ ଅଧ୍ୟକ୍ଷତା କରି ଭିଡିଓ କନଫରେନ୍ସି ମାଧ୍ୟମରେ ସମସ୍ତ ଅଧିକାରୀ ମାନଙ୍କୁ ଜିଲ୍ଲାର ସାମଗ୍ରିକ ବିକାଶ ନିମନ୍ତେ ଜନ ସାଧାରଣଙ୍କ ଠାରୁ ବାସ୍ତବିକ ସଂପର୍କରେ ଅବଗତ ହୋଇ ମିଳିମିଶି କାମ କରିବାକୁ ଓ ସମୟ ସୀମା ମଧ୍ୟରେ ସମସ୍ତ କାର୍ଯ୍ୟ ସମାପନ କରିବାକୁ ବିଭାଗୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ଏବଂ କାର୍ଯ୍ୟର ଅଗ୍ରଗତି ସଂପର୍କରେ ପ୍ରତ୍ୟେକ ମାସର ପ୍ରଥମ ସପ୍ତାହରେ ସାଂସଦ ଓ ଜିଲ୍ଲାପାଳଙ୍କୁ ରିପୋର୍ଟ୍ ଦେବାକୁ କହିଥିଲେ।

ମହାତ୍ମାଗାନ୍ଧୀ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନାରେ ନିୟମାନୁସାରେ ଲୋକଙ୍କୁ କାର୍ଯ୍ୟ ଯୋଗାଇବା, ରାସ୍ତାଘାଟ, ଡ୍ରେନ୍,ପୋଲ ଏବଂ ଆବାସ ଯୋଜନାରେ ବିଜୁ ପକ୍କାଘର ନିର୍ମାଣ ଜଥାଶୀଘ୍ର ଶେଷ କରିବାକୁ ନିର୍ଦ୍ଦେଶ ଦେଇଥିଲେ। ପ୍ରାଣୀ ସଂପଦ ନିମନ୍ତେ ଉଦ୍ଦିଷ୍ଟ ଭେକସିନ୍ କୋଲ୍ଡ୍ ଷ୍ଟୋରକୁ ବିଦ୍ୟୁତକରଣ ୭ ଦିନ ମଧ୍ୟରେ ଶେଷ କରିବାକୁ ଏବଂ ଏନ୍ଏଚ୍ଆଇର ପ୍ରକଳ୍ପ ନିର୍ଦ୍ଦେଶକଙ୍କୁ ଜନସାଧାରଣଙ୍କ ଗମନାଗମନ ଓ ସମସ୍ୟାକୁ ଦୃଷ୍ଟିରେ ରଖି ଏନ୍ଏଚ୍ ୫୫ର ସଂପ୍ରସାରଣକୁ ଯଥାଶୀଘ୍ର ଶେଷ କରିବାକୁ ସାଂସଦ ପରାମର୍ଶ ଦେଇଥିଲେ।

ଜିଲ୍ଲାରେ କାର୍ଯ୍ୟକାରୀ ହେଉଥିବା ବିଭିନ୍ନ ପ୍ରକଳ୍ପ ସମ୍ପର୍କରେ ଜିଲ୍ଲାପାଳ ଶ୍ରୀ ଭୁମେଶ ଚନ୍ଦ୍ର ବେହେରା ବୈଠକରେ ଅବଗତ କରାଇବା ସହ କୃଷି ଉପରେ ଅଧିକ ଧ୍ୟାନ ଦେବାକୁ ଗୁରୁତ୍ଵ ଦେଇଥିଲେ। ଏହି ବୈଠକରେ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ମିନତୀ ନାୟକ, ଅତିରିକ୍ତ ପ୍ରକଳ୍ପ ନିର୍ଦ୍ଦେଶକ ଶ୍ରୀ ବିଜନ କୁମାର ଥମ୍ବ ଏବଂ ବିଭିନ୍ନ ଅଧିକାରୀ ମାନେ ଯୋଗଦେଇ ଦାୟିତ୍ୱର ସହ କାର୍ଯ୍ୟ ସଂପାଦନ କରିବାକୁ କହି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। (ରିପୋର୍ଟ୍, ଅମର ରଞ୍ଜନ ଦାସ)