ଓଡ଼ିଶା ତାଜା ନ୍ୟୁଜ୍ (୨୧ ଅକ୍ଟୋବର ବୁଧବାର ) ଓଡ଼ଗାଁ : – ଆରମ୍ଭ ହୋଇଯାଇଛି ପାର୍ବଣ ଋତୁ । ଧାରାଵତରଣ କରିସାରିଛନ୍ତି ମା ଦୁର୍ଗତିନାଶୀ ଦୁର୍ଗା । କୁହାଯାଏ ଯେ ଅଧର୍ମ ଉପରେ ଧର୍ମ ର ଜୟ ପାଇଁ ମା ଦୁର୍ଗା ଧରାପୃଷ୍ଠକୁ ଆସନ୍ତି । ଦୁର୍ଗା ପୂଜା ର ଅଲଗା ଗୋଟିଏ ମହତ୍ତ୍ୱ ରହିଛି । ମା ଦୁର୍ଗା ହେଉଛନ୍ତି ଶକ୍ତି ର ସ୍ବରୂପିଣୀ । କୁରାଳ ଗ୍ରାମପଞ୍ଚାୟତ ର ଚଣ୍ଡେଶ୍ଵର ବଣିକ ସଂଘ ତରଫରୁ ମା ଦୁର୍ଗାଙ୍କ ପୂଜା ନିମନ୍ତେ ବଡ଼ ଆଡ଼ମ୍ବରରେ ପାଳନ କରିବା ପାଇଁ ଚେଷ୍ଟା ଜାରି ରହିଛି ।
କରୋନା ମହାମାରୀ ସମୟରେ ମା ଦୁର୍ଗାଙ୍କ ପୂଜା ଅତି ସୁରୁଖୁରୁରେ ଅନୁଷ୍ଠିତ ହେବାପାଇଁ ଚଣ୍ଡେଶ୍ଵର ବଣିକ ସଂଘ ପ୍ରଚେଷ୍ଟା ଜାରିରଖିଛି । ସରକାର ଙ୍କ କୋଭିଡ୍ କଟକଣା ନିୟମ କୁ ମାନିବା ସହ ସାମାଜିକ ଦୂରତ୍ବ ଓ ମାସ୍କ ବ୍ୟବହାର କରାଯିବ ବୋଲି ଚଣ୍ଡେଶ୍ଵର ବଣିକ ସଂଘ ସଭାପତି କହିଛନ୍ତି । ପ୍ରତି ବର୍ଷ ଭଳି ଏ ବର୍ଷ ମଧ୍ୟ ମା ଦୁର୍ଗାଙ୍କ ପୂଜା ହେବ । ଆସନ୍ତା ୨୫ ତାରିଖ ରେ ବିଜୟା ଦଶମୀ । ପୂଜା ମଣ୍ଡପ ଓ ଦେବୀ ପୀଠରେ ପୂଜା ପାଇବେ ମା ଦୁର୍ଗା । (ରିପୋର୍ଟ :- ଓଡ଼ଗାଁ / କୁରାଳରୁ – ଅଶ୍ଵିନୀ କୁମାର ସାହୁ)
