ଓଡ଼ିଶା ତାଜା ନ୍ୟୁଜ (୨୧ ଅକ୍ଟୋବର ବୁଧବାର ) ପଦ୍ମପୁର :- ବାପା ମା ହେଉଛନ୍ତି ଭଗବାନ ଯେତେବେଳେ ଗୋଟେ ଶିଶୁ ଜନ୍ମ ହୁଏ ଏ ସଂସାର କୁ ଆସେ ତାର ଅଧିକରୁ ଅଧିକ ଯତ୍ନ ମା ବାପା ନେଇଥାନ୍ତି । ପିଲାଟି ଯେତେବେଳେ କଥା କହିବା ଆରମ୍ଭ କରେ ସେତେବେଳେ ତା ପାଟିରେ ମା ବାପା ର ଶବ୍ଦ ପ୍ରଥମେ ଶୁଣିବାକୁ ମିଳିଥାଏ । ହେଲେ ଜନ୍ମ ଦେବା ପରେ ଯଦି ସେହି ଶିଶୁ ର ମା ବାପା ଛାଡ଼ି ଆରପାରି କୁ ଚାଲିଯାଆନ୍ତି ତ ସେ ପିଲାମାନଙ୍କ କିଭଳି ଦିନ କଟୁଥିବ କିଭଳି ଭାବେ ଚଲୁଥିବେ ଟିକେ ଚିନ୍ତା କରନ୍ତୁ ତ । ଏମିତି ଏକ କାହାଣୀ ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ଅନ୍ତର୍ଗତ ମଳମଣ୍ଡା ଗ୍ରାମର ବୁଲୁ ବରିହା ଓ ତାଙ୍କ ତିନି ଭାଇ ଭଉଣୀ ।ଜନ୍ମ ପରଠାରୁ ପ୍ରଥମେ ତାଙ୍କ ମା ଚାଲିଗଲେ ସମସ୍ତ ଙ୍କୁ ଏକା କରି ପରେ ବାପା ।
ଏ ଘର ସେ ଘର ହୋଇ ଦିନ କାଟୁଛନ୍ତି ପିଲା ମାନେ । ନା ପାଖରେ ଅଛି ଘର ନା ପାଖରେ ଅଛି ରେସନ୍ କାର୍ଡ । ପଡୋଶୀ ଘରେ ଖାଇବାକୁ ଦେଲେ ଖାନ୍ତି ନହେଲେ ସେହିଦିନ ଭୋକ ରେ ଦିନ ଟା କଟି ଯାଏ। ଦୁନିଆ କଣ ଜାଣିନଥିବା ବେଳେ ଲାଗୁଛି ଯେମିତି ତାଙ୍କ ମୁଣ୍ଡରେ ସଂସାର ବୋଝ ଆସିଯାଇଛି । ଏହି ସମୟରେ ଦୁଃଖୀ ର ଦୁଃଖ ବୁଝୁଥିବା ସମୀର ଦିବ୍ୟାଙ୍ଗ ଟ୍ରଷ୍ଟ ଆସି ସାହାର୍ଯ୍ୟ ର ହାତ ବଢ଼ାଇଛି । ଟ୍ରଷ୍ଟ ର ପ୍ରତିଷ୍ଠାତା କୀର୍ତ୍ତନ ଦାସ ଗୋଟିଏ ମାସର ଶୁଖିଲା ଖାଦ୍ୟ ସହ ପିଲାମାନଙ୍କ ପାଇଁ ଡ୍ରେସ ଦେଇଛନ୍ତି ଓ ତାଙ୍କ ପାଠ ପଢ଼ାରେ ଟ୍ରଷ୍ଟ ସାହାର୍ଯ୍ୟ କରିବ ବୋଲି ପ୍ରତିଶ୍ରୁତି ଦେଇଛନ୍ତି । ଶ୍ରୀ କୀର୍ତ୍ତନ ଦାସ ପଞ୍ଚାୟତ ସରପଞ୍ଚ ଙ୍କୁ ଅନୁରୋଧ କରିଛନ୍ତି ଯେ ସେ ପିଲାମାନଙ୍କ ପାଇଁ ଘର ଓ ରେସନ କାର୍ଡ ଯୋଗାଇ ଦିଆଯାଉ । (ରିପୋର୍ଟ – ନିରୋଜ କୁମାର ପାଣୀ)
