ଓଡ଼ିଶା ତାଜା ନିୟୁଜ୍ (୨୦ ଅକ୍ଟୋବର ମଙ୍ଗଳବାର)ଗଞ୍ଜାମ :- ଗଞ୍ଜାମ ଜିଲ୍ଲା ଋଷିକୂଲ୍ୟା ମୁହାଁଣ ରି ଅଧିକାଂଶ ସମୟ ସଂକୋଚିତ ହେବା ସହ ପୋତି ହୋଇଯାଉଥିବା ଲକ୍ଷ କରାଯାଏ। ଅନ୍ୟପଟେ ମୁହାଁଣ ଟି ଉତ୍ତର ମୁହାଁ ହୋଇ ପଡୁଥିବା ଲକ୍ଷ କରାଯାଏ। ମୁହାଁଣଟି ଐତିହାସିକ ପୋତାଗଡ଼ ସମ୍ମୁଖରେ ଋଷିକୂଲ୍ୟା ନଦୀର ସିଧାରେ ରହିବା କଥା । କିନ୍ତୁ ପୋତାଗଡ଼ ସମ୍ମୁଖରୁ ନଦୀଟି ‘ସି’ ଆକାର ଧାରଣ କରି ଗୋଖରକୁଦା ଗ୍ରାମ ନିକଟସ୍ଥ ସମୁଦ୍ର ରେ ମୁହାଁଣ ସୃଷ୍ଟି ହୋଇଥିବା ଦେଖିବାକୁ ମିଳିଛି। ଗୋପାଳପୁର ପୋର୍ଟ କୁ ସୁରକ୍ଷା ଦେବା ନିମନ୍ତେ ବହୁ ବର୍ଷ ହେଲା ସମୁଦ୍ର ମଧ୍ୟରେ ଏକ ପଥର ବାଜ ନିର୍ମାଣ କରାଯାଇଛି।
ସେହି ବର୍ଷ ଠାରୁ ଗୋପାଳପୁର ପୋର୍ଟ ର ସେହି ପଥର ବାଜ ପ୍ରଭାବରେ ଉତ୍ତର ଦିଗ ରେ ସମୁଦ୍ର ଅଶାନ୍ତ ରହୁଥିବା ଲକ୍ଷ କରାଯାଉଛି। ଫଳରେ ମୁହାଁଣ ସଂକୋଚିତ ହେବା ସହ ବିଭିନ୍ନ ସମୟରେ ମୁହାଁଣ ପୋତି ହେଉଥିବା ସ୍ଥାନୀୟ ମସ୍ୟଜୀବୀ ଅଭିଯୋଗ କରିଛନ୍ତି।ଯାହାକୁ ନେଇ ସମୁଦ୍ରରୁ ନଦୀ ମଧ୍ୟକୁ ସମୁଦ୍ର ଜଳ ଏବଂ ନଦୀରୁ ସମୁଦ୍ର ମଧ୍ୟକୁ ନଦୀ ଜଳ ଠିକ ଭାବେ ନିଷ୍କାସିତ ହୋଇପାରୁନଥିବା ଅଞ୍ଚଳ ବାସୀ କହନ୍ତି।ଯାହାକୁ ନେଇ ନଦୀଜଳ ସମୁଦ୍ର ମଧ୍ୟକୁ ନିଷ୍କାସିତ ହୋଇ ନପାରି ମୁହାଁଣର ଉତ୍ତର ଦିଗ ସମୁଦ୍ର ବେଳାଭୂମି ଅଲିଭ ରିଡ଼ଲେ ସାମୁଦ୍ରିକ କଇଁଚଙ୍କ ଗଣ ଅଣ୍ଡାଦାନ ସ୍ଥଳ ରେ ଏକ ନାଳ ସୃଷ୍ଟି ହୋଇଥିବା ଦେଖିବାକୁ ମିଳିଛି।ଫଳରେ ଗୋଖରକୁଦା ସମୁଦ୍ର ବେଳା ଭୂମିଠାରୁ ପ୍ରାୟ ଅଧ କିଲୋମିଟର ପାର୍ଯ୍ୟନ୍ତ ଏପରିକି ମୁହାଁଣ ମଧ୍ୟରେ ଏକ ଆୟର୍ଲ୍ୟାଣ୍ଡ ସୃଷ୍ଟି ହୋଇଛି। ଅନ୍ୟପଟେ ସମୁଦ୍ର ଉପକୂଳବର୍ତ୍ତୀ ଗ୍ରାମ ଓ ଝାଉଁ,କାଜୁ ଜଙ୍ଗଲ ସମୁଦ୍ରରେ ଲୀନ ହେଉଥିବା ଦେଖିବାକୁ ମିଳେ।
ଅନ୍ୟପଟେ ବର୍ଷା ଦିନ ପ୍ରଭାବରେ ଋଷିକୂଲ୍ୟା ନଦୀରେ ଆସୁଥିବା ବନ୍ୟାଜଳ ଠିକ ଭାବେ ସମୁଦ୍ର ମଧ୍ୟରେ ପ୍ରବେଶ କରିପାରୁନଥିବା ଫଳରେ ସମୁଦ୍ର ଉପକୂଳବର୍ତ୍ତୀ ରହିଥିବା ଏବଂ ଋଷିକୂଲ୍ୟା ନଦୀ ଉପକୂଳବର୍ତ୍ତୀ ଗ୍ରାମ ଗୁଡିକ ଜଳାର୍ଣ୍ଣବ ହୋଇପଡୁଥିବା ପରିଲକ୍ଷିତ ହେଉଛି। କିଛି ଦିନ ତଳେ ନଦୀରେ ଆସିଥିବା ବନ୍ୟାଜଳ ସମୁଦ୍ର ମଧ୍ୟକୁ ଠିକ ଭାବେ ପ୍ରବେଶ କରିଣ ପାରିବା ଫଳରେ ସ୍ଥାନୀୟ ଅଞ୍ଚଳରେ ରହିଥିବା ଜନବସତି ମାନଙ୍କ ପାଇଁ ବିପଦ ସୃଷ୍ଟି ହୋଇଥିଲା।ଯାହାକୁ ନେଇ ସ୍ଥାନୀୟ ଅଞ୍ଚଳର ଶହଶହ ଲୋକ ପୋତାଗଡ଼ ସମ୍ମୁଖ ସମୁଦ୍ର କୂଳରେ ଏକ ନୂତନ ମୁହାଁଣ ଖନନ କରିଥିଲେ। ଫଳରେ ବନ୍ୟାଜଳ ସମୁଦ୍ର ମଧ୍ୟରେ ଠିକ ଭାବେ ପ୍ରବେଶ କରିବା ସହ ସ୍ଥାନୀୟ ଅଞ୍ଚଳ ପାଇଁ ବନ୍ୟା ବିତ୍ପତି ହଟିଥିଲା ।
ମୁହାଁଣରେ ଠିକ ଭାବେ ଜଳନିଷ୍କାସନ ହୋଇ ନପାରିବା ଫଳରେ ସ୍ଥାନୀୟ ମସ୍ୟଜୀବୀ ଙ୍କ ଜୀବିକା ପ୍ରଭାବିତ ହେଉଥିବା ଲକ୍ଷ କରାଯାଏ।ଫଳରେ ସ୍ଥାନୀୟ ମସ୍ୟଜୀବୀ ଜୀବିକା ହରାଇ ଦାଦନ ଖଟିବାକୁ ଅନ୍ୟ ରାଜ୍ୟ ମାନଙ୍କୁ ଯିବା ପାଇଁ ବାଧ୍ୟ ହୋଇଥାନ୍ତି। ନୂତନ ମୁହାଁଣ ଖନନ ପାଇଁ ସ୍ଥାନୀୟ ମସ୍ୟଜୀବୀ ପ୍ରଶାସନ ର ଦୃଷ୍ଟି ଆକର୍ଷଣ କରି ଆସିଥିଲେ ମଧ୍ୟ ପ୍ରଶାସନ କର୍ଣପାତ କରିନଥିବା ଫଳରେ ବାଧ୍ୟହୋଇ ଛତ୍ରପୁର ବ୍ଲକ ର ଅଗସ୍ତି ନୂଆଗାଁ ପଞ୍ଚାୟତ ର ସାନ ଓ ବଡ଼ ନୋଳିଆ ନୂଆଗାଁ ଗ୍ରାମବାସୀ ଗ୍ରାମ କୋଠ ଅର୍ଥ ବ୍ୟୟ କରି ନୂତନ ମୁହାଁଣ ଖନନ କରିବାକୁ ପଦକ୍ଷେପ ନେଇଥିଲେ।ଶେଷରେ ଗଞ୍ଜାମ ବ୍ଲକ ର ପୁରୁଣାବନ୍ଧ ଗ୍ରାମବାସୀ ଙ୍କ ସହଯୋଗ ନୂତନ ମୁହାଁଣ ଖନନ କରାଯାଇଥିଲା । (ରିପୋର୍ଟ: ଶେଷଦେବ ସାହୁ ଗଞ୍ଜାମ ଜିଲ୍ଲା ବ୍ୟୁରୋ)
