ଓଡ଼ିଶା ତାଜା ନିୟୁଜ୍ (୧୮ ଅକ୍ଟୋବର ରବିବାର) ବେଲଗୁଣ୍ଠା :- ଆଜି ଗଞ୍ଜାମ ଜିଲ୍ଲା ଆରକ୍ଷୀ ଅଧୀକ୍ଷକ ବ୍ରୀଜେଶ କୁମାର ରାୟ ଗାଙ୍ଗପୁର ଥାନା ପରିଦର୍ଶନରେ ଆସି ଗାଙ୍ଗପୁର ଥାନା ଅଧିକାରୀ ଧୀରେସ୍ କୁମାର ଦାସଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି I ଥାନା ଅଧିକାରୀ ଶ୍ରୀ ଦାସଙ୍କ ସୂଚନା ପ୍ରକାରେ ଗଞ୍ଜାମ ଏସ୍ ପି ଶ୍ରୀ ରାୟ ଆଜି ପ୍ରାୟ ଦିନ ଗୋଟାଏ ବେଳେ ଗାଙ୍ଗପୁର ଥାନାକୁ ଆସି ଥାନା ଅଧିକାରୀଙ୍କ ସହ ଅଞ୍ଚଳର ନିଶା ଦ୍ରବ୍ୟ କାରବାର , ନାରୀ ନିର୍ଯାତନା , ଚୋରି, ଜୁଆ ଖେଳ ଭଳି ବିଭିନ୍ନ କେସ୍ ସମ୍ବନ୍ଧରେ ଆଲୋଚନା କରି କେସ୍ ଗୁଡ଼ିକର ଅଗ୍ରଗତି ସମୀକ୍ଷା କରିଥିଲେ I
କରୋନା କଟକଣା ସମୟରେ ଗାଙ୍ଗପୁର ପୋଲିସ୍ ର ନିଃସ୍ୱାର୍ଥପର ସେବାକୁ ବେଶ୍ ପ୍ରଶଂସା କରିବା ସହ ଆଗାମୀ ଦିନ ମାନଙ୍କରେ ଆଇନ୍ ଶୃଙ୍ଖଳା ବ୍ୟବସ୍ଥାକୁ ଅଧିକ ବ୍ୟବସ୍ଥିତ କରିବା ସହ ଜନ ସାଧାରଣଙ୍କର ଅଧିକ ବିଶ୍ୱାସଭାଜନ ହେବାକୁ ପରାମର୍ଶ ଦେଇଥିଲେ I ବିଶେଷ କରି ଏବେ ପୂଜା ସମୟ ଚାଲି ଥିବାରୁ ଏବଂ ବାହାର ରାଜ୍ୟରୁ ଅଧିକାଂଶ ଲୋକେ ଫେରି ଗାଆଁରେ ଥିବାରୁ ଚୋରି ଏବଂ ଜୁଆ ଖେକ ଉପରେ କଡ଼ା ନଜର ରଖିବାକୁ ପରାମର୍ଶ ଦେଇଥିଲେ I ଏହା ସହ ଥାନା ପରିସରରେ ବୁଲି ଏହାର ସ୍ଵଚ୍ଛତା ଏବଂ ସୌନ୍ଦର୍ଯ୍ୟକରଣ ଉପରେ ଗୁରୁତ୍ଵ ଦେଇଥିଲେ I ଜିଲ୍ଲା ଆରକ୍ଷୀ ଅଧୀକ୍ଷକଙ୍କ ସହ ଭଞ୍ଜନଗର ଉପଖଣ୍ଡ ଆରକ୍ଷୀ ଅଧୀକ୍ଷକ ଶୁଭ୍ରାଂଶୁ ଶେଖର ମିଶ୍ର ମଧ୍ୟ ଥାନା ପରିଦର୍ଶନ କରି ଅପରାହ୍ଣ ଚାରିଟା ସମୟରେ ଫେରି ଯାଇଥିଲେ I (ରିପୋର୍ଟ: ଶେଷଦେବ ସାହୁ ଗଞ୍ଜାମ ଜିଲ୍ଲା ବ୍ୟୁରୋ)
