ଓଡ଼ିଶା ତାଜା ନ୍ୟୁଜ (୧୭ ଅକ୍ଟୋବର ଶନିବାର ) ବରଗଡ଼ :- ବିକାଶ ଆବଶିକ ଶିକ୍ଷାନୁଷ୍ଠାନ ସମୁହର ରେକର୍ଡ ସଂଖ୍ୟକ ୨୧୦ ଜଣ ଛାତ୍ରଛାତ୍ରୀ ନିଟ୍ ଜାତୀୟ ପରୀକ୍ଷା ରେ ସଫଳତା ହାସଲ କରିଛନ୍ତି । ଏ ସଂକ୍ରାନ୍ତରେ ବରଗଡ଼ ଜିଲ୍ଲା ବରାହାଗୋଡା ସ୍ଥିତ ଅନୁଷ୍ଠାନ ର ମୁଖ୍ୟ କ୍ୟାମ୍ପସ ଠାରେ ଆଜି ଅନୁଷ୍ଠିତ ସାମ୍ବାଦିକ ସମ୍ମିଳନୀ ରେ ପରିଚାଳନା ଅଧ୍ୟକ୍ଷ ଡି.ମୁରଲି କ୍ରିଷ୍ଣା ସୂଚନା ଦେଇଥିଲେ । ରାଷ୍ଟ୍ରୀୟ ଯୋଗ୍ୟତା ଓ ପ୍ରବେଶିକା ପରୀକ୍ଷା ରେ ନିଟ୍ – ମେଡିକାଲ ରେ ବିକାଶ ବରଗଡ଼ ର ପ୍ରିୟା°ଶୁ ଅଗ୍ରୱାଲ ୬୭୭ ମାର୍କ ରଖି ଥିବା ବେଳେ ୧୧ ଜଣ ଛାତ୍ରଛାତ୍ରୀ ୬୦୦ ଅଧିକ ମାର୍କ ସହ ନୂତନ ରେକର୍ଡ ସୃଷ୍ଟି କରିଛନ୍ତି ।
୨୫ ଜଣ ଛାତ୍ରଛାତ୍ରୀ ୫୦୦ ରୁ ଅଧିକ ମାର୍କ ରଖିଛନ୍ତି । ସମୁଦାୟ ୨୧୦ ଜଣ ଛାତ୍ରଛାତ୍ରୀ ଏହି ପରୀକ୍ଷା ରେ ସଫଳତା ହାସଲ କରିଛନ୍ତି ବୋଲି ସେ କହିଥିଲେ । ଅନୁଷ୍ଠାନ ର ନିର୍ଦ୍ଦେଶକ ଡ଼ଃ ସମରେନ୍ଦ୍ର ପଣ୍ଡା ପ୍ରାରମ୍ଭିକ ସୂଚନା ପ୍ରଦାନ କରିଥିଲେ । ଅନ୍ୟ ମାନଙ୍କ ମଧ୍ୟରେ ନିର୍ଦ୍ଦେଶକ ଏକାଡେମୀ ଜି. ରମାକ୍ରିଷ୍ଣ, ନିର୍ଦ୍ଦେଶକ ଏଡମିନିଷ୍ଟ୍ରେସନ ଡି. ବିବେକ, ପରିଚାଳନା ନିର୍ଦ୍ଦେଶକ ଜି ଭାସ୍କର ରାଓ, ନିର୍ଦ୍ଦେଶକ ଡି ନାଗେଶ୍ଵର, ବିକାଶ ଆବାସିକ ବିଦ୍ୟାଳୟ ର ଅଧ୍ୟକ୍ଷ ଶିଶିର ରାଉଳ, ବିକାଶ ଉଚ୍ଚ ମାଧ୍ୟମିକ ବିଦ୍ୟାଳୟ ର ଅଧ୍ୟକ୍ଷ ମୁରାରି ପ୍ରସାଦ ସାହୁ, ଉପାଧ୍ୟକ୍ଷ ଚିତ୍ତରଞ୍ଜନ ପତି ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ କୃତୀ ଛାତ୍ରଛାତ୍ରୀ ଙ୍କୁ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । (ସତ୍ୟ ନାରାୟଣ ପ୍ରଧାନ ବରଗଡ଼)
