ଓଡ଼ିଶା ତାଜା ନ୍ୟୁଜ (୧୨ ଅକ୍ଟୋବର ସୋମବାର) ତିର୍ତ୍ତୋଲ ନିର୍ବାଚନ ମଣ୍ଡଳୀ :- ଆସନ୍ତା ୩ତାରିଖରେ ହେବାକୁ ଥିବା ଉପନିର୍ବାଚନରେ ୩ ଦଳ ନିଜେ ନିଜ ସପକ୍ଷରେ ବହୁମତ ସଂଗ୍ରହ ପାଇଁ ରଣକୌଶଳ ଆରମ୍ଭ କରି ଦେଇଛନ୍ତି । ସେହିପରି ଜଗତସିଂହପୁର ଲୋକସଭା ନିର୍ବାଚନ ମଣ୍ଡଳୀ ଅଧିନସ୍ଥ ତିର୍ତ୍ତୋଲ ନିର୍ବାଚନ ମଣ୍ଡଳୀରେ ବିଜେପି ଓ କଂଗ୍ରେସର ରଣକୌଶଳ ଅପେକ୍ଷା ବିଜେଡି ରଣକୌଶଳ ବହୁ ଉର୍ଦ୍ଧରେ । ଦଳ ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦେଶକ୍ରମେ ଏହି ନିର୍ବାଚନ ମଣ୍ଡଳୀର ୩ଟି ବ୍ଲକରେ କିଭଳି ୨୦୧୯ ନିର୍ବାଚନ ଆପେକ୍ଷା ବହୁମତରେ ଦଳ ବାଜିମାତ କରିବ ସେଥିପାଇଁ ରାଜ୍ୟର ବରିଷ୍ଠ ନେତାଙ୍କୁ ଦାୟୀତ୍ଵ ଦେଇଛନ୍ତି ସୁପ୍ରିମୋ ।
ସୁପ୍ରିମୋଙ୍କ ନିର୍ଦ୍ଦେଶକ୍ରମେ ୩ ବ୍ଲକରେ ରାଜ୍ୟ ସ୍ତରୀୟ ତିନି ନେତା ଗୋଟି ଚାଳନା ଆରମ୍ଭ କରିଦେଇଛନ୍ତି । ସେହିପରି ବରିଷ୍ଠ ନେତା ବ୍ରହ୍ମଗିରି ପୂର୍ବତନ ବିଧାୟକ, ପୂର୍ବତନ ମନ୍ତ୍ରୀ ତଥା ରାଜ୍ୟ ଯୋଜନାଵୋର୍ଡ଼ ଉପାଧକ୍ଷ୍ୟ ସଞ୍ଜୟ ଦାସବର୍ମା ରଘୁନାଥପୁର ବ୍ଲକର ୧୯ ପଞ୍ଚାୟତ ରୁ ୭ଟି ପଞ୍ଚାୟତ କର୍ମୀ ମାନଙ୍କୁ ଡକାଇ କଟକ ଜିଲ୍ଲା ଅଧିନସ୍ଥ ରାମକମରପୁର ଠାରେ ନିର୍ବାଚନ କୌଶଳର ଗୁରୁମନ୍ତ୍ର ଦେଇଛନ୍ତି । ରଘୁନାଥପୁର,ତିର୍ତ୍ତୋଲ ବ୍ଲକ ଏହି ଦୁଇଟି ବ୍ଲକ ର ଦାୟିତ୍ୱରେ ବିଧାୟକ ଅତନୁ ସବ୍ୟସାଚୀ ଏବଂ ଯୋଜନାବୋର୍ଡ଼ ଅଧକ୍ଷ ସଞ୍ଜୟ ଦାସବର୍ମା ଅଛନ୍ତି । ସେହିଭଳି ବିରିଡି ବ୍ଲକ ର ଦାୟିତ୍ୱ ରେ ଅଛନ୍ତି କୃଷି ତଥା ଉଚ୍ଚଶିକ୍ଷା ମନ୍ତ୍ରୀ ଡ଼ଃ ଅରୁଣ ସାହୁ । ଯୁବ ନେତା , ବିଜେଡ଼ି ର ବରିଷ୍ଠ ନେତା ମାନଙ୍କୁ ନେଇ ତାଙ୍କ ରାଜନୈତିକ ରଣକୌଶଳ ଅରମ୍ଭ କରିସାରିଲେଣି ।
ରଘୁନାଥ ପୁର ବ୍ଲକ ର ନିର୍ବାଚନୀ ବୈଠକରେ ମନ୍ତ୍ରୀ ରଘୁନନ୍ଦନ ଦାଶ୍ ,ସାଂସଦ ଡ଼ଃ ରାଜଶ୍ରୀ ମଲ୍ଲିକ, ପୂର୍ବତନ ମନ୍ତ୍ରୀ ପୁଷ୍ପେନ୍ଦ୍ର ସିଂଦେଓ , ବିଧାୟକ ପ୍ରଶାନ୍ତ ବେହେରା ଓ ବିଧାୟକ ପ୍ରୀତିରଞ୍ଜନ ଘଡେଇ ଉପସ୍ଥିତ ରହି କର୍ମୀ ମାନଙ୍କୁ ନିର୍ବାଚନରେ ନିଜ ନିଜ ୱାର୍ଡ କିଭଳି ଅଧିକରୁ ଅଧିକ ବିଜେଡି ସପକ୍ଷରେ ଭୋଟ ହେବ ସେଥିପ୍ରତି ନଜର ରଖିବା ସମସ୍ତଙ୍କ କର୍ତ୍ତବ୍ୟ ବୋଲି ସୂଚିତ କରାଇଛନ୍ତି । ବୈଠକରେ ବ୍ଲକ ଉପାଧକ୍ଷ୍ୟ ଦେବାଶିଷ ତ୍ରିପାଠୀ, ଜିଲାପରିସଦ ସଭ୍ୟା ଦେଜାଲିନ ମହାପତ୍ର, ଉପସ୍ଥିତି ଥିଲାବେଳେ ବାରାଗୋଳ ପଞ୍ଚୟତ, ଧରାଧରପୁର ପଞ୍ଚୟତ, ଅଢେଇକୁଳ ପଞ୍ଚୟତ, ଛପଡା ପଞ୍ଚାୟତ, ତଅରା ପଞ୍ଚୟତ ଓ ତରିକୁନ୍ଦ ପଞ୍ଚୟତର କର୍ମୀ ସୁଧାକର ବିଶ୍ୱାଳ, ଦିଲ୍ଲୀପ ଜେନା ଭାସ୍କର ପଟନାୟକ, ଅଜୟ ଦାଶ୍, ସ୍ବଦେଶ ଦାସ, ସରପଞ୍ଚ ସୁଭ୍ରାନ୍ତ ସ୍ଵାଇଁ, ସରପଞ୍ଚ ବିଜୟ ସ୍ଵାଇଁ, ପୂର୍ବତନ ସରପଞ୍ଚ ଶାନ୍ତିଲତା ଦିବେଦୀ ଓ ରାମଚନ୍ଦ୍ର ମହାପତ୍ର ପ୍ରମୁଖ କର୍ମୀ ଉପସ୍ଥିତ ଥିଲେ । କରୋନା କଟକଣା ନିୟମ ଅନୁଯାୟୀ କିଛି ପଞ୍ଚୟତ ସ୍ତରୀୟ କର୍ମୀଙ୍କୁ ନେଇ ବୈଠକ କରାଯାଇଥିଲା ।(ରିପୋର୍ଟ ଭାସ୍କର ପଟ୍ଟନାୟକ)
