ଓଡ଼ିଶା ତାଜା ନ୍ୟୁଜ (୧୦ ଅକ୍ଟୋବର ଶନିବାର ) ହିଞ୍ଜିଳିକାଟୁ :- ଦକ୍ଷିଣ ଓଡ଼ିଶାର ବୃହତମ ସହର ବ୍ରହ୍ମପୁର ଠାରେ ବିମାନ ବନ୍ଦର ପ୍ରତିଷ୍ଠା ପାଇଁ ବିଭିନ୍ନ ରାଜନୈତିକ ଦଳ , ଫୋରମ ଓ ଜନସାଧାରଣଙ୍କ ପକ୍ଷରୁ ବହୁବାର ଦାବି ହୋଇଆସୁଛି । ୧୯୩୦ ମସିହା ୨ୟ ବିଶ୍ୱଯୁଦ୍ଧ ସମୟରେ ବ୍ରହ୍ମପୁରର ରଙ୍ଗେଇଲୁଣ୍ଡା ଠାରେ ଏୟାରଷ୍ଟ୍ରୀପ୍ ନିର୍ମାଣ କରାଯାଇଥିଲା ଓ ବେଳେ ବେଳେ ଛୋଟ ଛୋଟ ବିମାନ ମଧ୍ୟ ସଂପୃକ୍ତ ସ୍ଥାନରେ ଅବତରଣ କରୁଥିଲା । ନାଗରିକ ବେସାମରିକ ବିଭାଗ ଓ କେନ୍ଦ୍ର ସରକାରଙ୍କ ତରଫରୁ ଗତ ୨୦୧୫ ମସିହାରେ ଓନିଶାର ୪୯ଟି କମ୍ ବ୍ୟୟରେ ବିମାନ ବନ୍ଦର ନିର୍ମାଣ ପାଇଁ ନିଷ୍ପତି ନିଆଯାଇଥିଲା ଓ ସେଥିରେ ବ୍ରହ୍ମପୁର ମଧ୍ୟ ସ୍ଥାନ ପାଇଥିଲା । ପ୍ରକାଶ ଥାଉକି,
ଏଥି ସକାଶେ ସର୍ଭେ କାମ ମଧ୍ୟ ଶେଷ ହୋଇସାରିଛି । ବିମାନ ବନ୍ଦରର ରନ୍ ୱ ୧୮ଶହ ମିଟର ପରିବର୍ତେ ୧୫ଶହ ମିଟର ହେବ ଓ ଏଥି ସକାଣେ ଆଉ ୬୦ଏକର ଜାଗା ଅଧିଗ୍ରହଣ କରିବାକୁ ବିଶେଷଜ୍ଞ ମାନେ କେନ୍ଦ୍ର ସରକାରଙ୍କୁ ପ୍ରସ୍ତାବ ଦେଇଥିଲେ । ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତ ୨୦୧୬ ମସିହାରେ ଶୁଭ ଦେଇଥିଲେ ଓ କେନ୍ଦ୍ର ମନ୍ତ୍ରୀ ଧମେନ୍ଦ୍ର ପ୍ରଧାନ, ନାଗରିକ ବେସାମରିକ ମନ୍ତ୍ରୀ ହରଦୀପ ସିଂଙ୍କୁ ଚିଠି ଦ୍ୱାରା ଜଣାଇଥିଲେ । ବ୍ରହ୍ମପୁର ସହର ଦକ୍ଷିଣ ଓଡ଼ିଶାର ପ୍ରାଣକେନ୍ଦ୍ର ସହ ବାଣିଜ୍ୟକ କେନ୍ଦ୍ର ଓ ପ୍ରବେଶ ଦ୍ୱାର ଅଟେ । ଏଠାରେ ବିଭିନ୍ନ ଉଚ୍ଚମାନର ଶିକ୍ଷାନୁଷ୍ଠାନ, ସ୍ୱାସ୍ଥ୍ୟସେବା ଅନୁଷ୍ଠାନ, ଗୋପାଳପୁର ବନ୍ଦର, ଟାଟା ଏସି ରେଡ଼୍ ଜୋନ,
ସରଫ ଇତ୍ୟାଦି ଶିଳ୍ପ, ଆର୍ମି କଲେଜ, ଚିଲିକା ହ୍ରଦ, ବିଭିନ୍ନ ପର୍ଯ୍ୟଟନ ଆଖପାଖରେ ଭରପୁର ହୋଇ ରହିଛି । ମିଡ଼ିଆ ରିପୋର୍ଟ ଅନୁଯାୟୀ ଏଠାକାର ଜନସାଧାରଣ ପ୍ରାୟ ୪୦% ଭୂବନେଶ୍ୱର ଓ ୨୫% ଆନ୍ଦ୍ରପଦ୍ରୋଣ ବିଶାଖପାଟଣା ବିମାନ ବନ୍ଦର ଉପରେ ନିର୍ଭର କରି ବିଭିନ୍ନ ଅଂଚଳକୁ ଯାତ୍ରା କରିଥାନ୍ତି । ପ୍ରକ।ଶ ଥାଉକି ରାଉରକେଲା ଓ ଝାରସୁଗୁଡ଼ାରେ ବିମାନ ବନ୍ଦର ପ୍ରତିଷ୍ଠା ହୋଇଛି । ଦୁଇ ସହରର ମଧ୍ୟରେ ଦୂରତା ମାତ୍ର ୯୦ କିମି ଅଟେ । କିନ୍ତୁ ବ୍ରହ୍ମପୁର ଠାରୁ ଭୂବନେଶ୍ୱର ଦୂରତା ୧୮୫ ଓ ବିଶାଖପାଟଣାର ଦୂରତା ୨୫୫ କିମି ଅଟେ । ବ୍ରହ୍ମପୁର ଠାରେ ବିମାନ ବନ୍ଦର ପ୍ରତିଷ୍ଠା ହେଲେ ଦକ୍ଷିଣ ଓଡ଼ିଶାର ୧୨ଟି ଜିଲ୍ଲାର ଜନସାଧାରଣ ଉପକୃତ ହେବା ସହ ନୂତନ ଭାବେ ବିଭିନ୍ନ ଶିଳ୍ପାଂଚଳ ପ୍ରତିଷ୍ଠା ସହ ପର୍ଯ୍ୟଟନର ବିକାଶ ହେବା ଓ ବହୁ ନିଯୁକ୍ତି ସୃଷ୍ଟି ହୋଇପାରିବ ।
ଦକ୍ଷିଣ ଓଡ଼ିଶା ପ୍ରତି ଅବହେଳା ସବୁବେଳେ ହୋଇ ଆସୁଅଛି । ରାଜ୍ୟ ବିଜେପିର ପୂର୍ବତନ ଉପସଭାପତି ତଥା ବରିଷ୍ଟ ସମାଜସେବୀ ଦେବାନନ୍ଦ ମହାପାତ୍ର ଆସନ୍ତା ୨୦୨୨ ସୁଦ୍ଧା ବ୍ରହ୍ମପୁର ଠାରେ ବିମାନ ବନ୍ଦର ପ୍ରତିଷ୍ଟା କରିବା ସକାଶେ କେନ୍ଦ୍ର ନାଗରିକ ବେସାମରିକ ଜାହାଜ ଚଳାଚଳ ମନ୍ତ୍ରୀ ହରପ୍ରିତ୍ ସିଂଙ୍କୁ ଜନସାଧାରଣଙ୍କ ପକ୍ଷରୁ ଚିଠି ଲେଖିବା ସହ ଦାବି ଜଣାଇଛନ୍ତି । ଏହାର ଅବିକଳ ନକଲ ପ୍ରଧାନମନ୍ତ୍ରୀ, ମାନ୍ୟବର ମୁଖ୍ୟମନ୍ତ୍ରୀ ଓଡ଼ିଶା, କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ, ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ, ଆସିକା ସାଂସଦ ପ୍ରମିଳା ବିଷୋୟୀଙ୍କୁ ପ୍ରଦାନ କରିଛନ୍ତି । ବ୍ରହ୍ମପୁର ଠାରେ ବିମାନ ବନ୍ଦର ୨୦୨୨ ମସିହା ସୁଦ୍ଧା ପ୍ରତିଷ୍ଠା କରାନଗଲେ ଆଗାମୀ ଦିନରେ ଏକ ବଡ଼ ଧରଣର ଜନ ଆନ୍ଦୋଳନ ସୃଷ୍ଟି ହେବ ବୋଲି ପ୍ରେସ୍ ବିବୃତିରେ ଜଣାଇଛନ୍ତି । (ଶୁସାନ୍ତ ପ୍ରଧାନ)