ଓଡ଼ିଶା ତାଜା ନ୍ୟୁଜ (୧୦ ଅକ୍ଟୋବର ଶନିବାର ) ବ୍ରହ୍ମପୁର :- ଗଞ୍ଜାମ ଜିଲ୍ଲାର ଦିଗପହଣ୍ଡି ବ୍ଲକ ଅନ୍ତର୍ଗତ କେ. ନୂଆ ଗାଁ ଥାନା ଅଧୀନରେ ଆସୁଥିବ ଦେଖାଳି ଗାଁ ର ପ୍ରମୋଦିନି ନାୟକ ଙ୍କୁ ଜଘନ୍ୟ ଭାବେ ହତ୍ୟା ନଦୀତଟ ରେ କ୍ଷତ ବିକ୍ଷତ ଭାବେ ମୃତ୍ୟୁ ଶରୀର ମିଳିଥିଲା l ଆଜି ର ଦିନରେ ଠିକ୍ ୫ମାସ ଅର୍ଥାତ ମେ ୧୦ ଦିନ ମରାଯାଇଥିଲା କିନ୍ତୁ ଆଜି ପର୍ଯ୍ୟନ୍ତ ମଧ୍ୟ ତଦନ୍ତ ରେ ଅଗ୍ରଗତି ଆଶା କ୍ଷୀଣ ଥିବାରୁ ଏବଂ ଦକ୍ଷିଣ ବିଭାଗର ଡିଆଇଜି ଏବଂ ଏସ ପି ଙ୍କୁ ୫ଥର ମିଶି ପ୍ରତିଶୃତି ଦେବା ପରେ ମଧ୍ୟ କେ ନୂଆଗାଁ ପୋଲିସ ଅପରାଧୀ କୁ ଧରିବାରେ ବିଫଳ ହୋଇଛି l ଉକ୍ତ ବିଷୟ କୁ ନେଇ ତାଙ୍କ ଆଜି ଆଇନଯିବି ତଥା ବିଜେପି ନେତା ଶ୍ରୀକାନ୍ତ ପାଢ଼ୀ, ବିଜେପି ଦିଗ ପହଣ୍ଡି ଦ୍ଵାରା ଆୟୋଜିତ ଆନ୍ଦୋଳନ ଏବଂ ଥାନା ଘେରାଉ ଏବଂ ବିକ୍ଷୋଭ କାର୍ଯ୍ୟକ୍ରମ ରେ ସାମିଲ ହେଲେ ଏବଂ ତାଙ୍କ ପରିବାରର କିଚିସଦସ୍ୟ ସାମିଲ୍ ଥିଲେ । ମନ୍ଥର ଗତି
ରେ ତଦନ୍ତ ପକ୍ରିୟା ଚାଲୁଥିବାରୁ ପୀଡିତା ପରିବାର ସହ ବିଜେପି ଅସନ୍ତୋଷ ପ୍ରକାଶ କରିଥିଲେ l ଦେଖାଲି ଗ୍ରାମର ରମା ନାୟକ ଓ ଲଡ଼ୁ ନାୟକ ଙ୍କ ଝିଅ ପ୍ରମୋଦିନି ଙ୍କ ହତ୍ୟା ଦିନ ମା ଙ୍କ ସହ ବିଲକୁ ଯାଇଥିଲେ, ବିଲରେ କାମ ସାରି ମା ଙ୍କ ଅନୁମତି ନେଇ କଣ୍ଟଇକୋଳି ନଦୀକୁ ଗାଧୋଇବା ପାଇଁ ଯାଇଥିଲେ , ଝିଅ ର ଆସିବାର ବିଳମ୍ବ ଦେଖି ମା ନଦୀପଠା ରେ ଝିଅ ର ମୃତଦେହ ପଡ଼ିଥିବାର ଦେଖିଥିଲେ, ତାପରେ ରମା ନାୟକ କେ ନୂଆଗାଁ ଥାନା ରେ ଅଭିଯୋଗ କରିବା ସହ ପୋଲିସ ଶବ ଜବତ କରିବା ସମୟରେ ପ୍ରମଦିନିଙ୍କ ଚପଲ, ଗାଧୋଇବାକୁ ନେଇଥିବା ବାଲ୍ଟି ଓ ମୋବଇଲ ଜବତ କରିଥିଲେ l ପ୍ରାଥମିକ ତଦନ୍ତ ପରେ କେସ ନମ୍ବର 2/20 ରେ ଅପମୃତ୍ୟୁ ମାମଲା ରୁଜୁ କରିଥିଲେ ତାପରେ ଶବ ବ୍ୟବଛେଦ ପରେ 302 ହତ୍ୟା ରେ ରୂପାନ୍ତରିତ କରିଥିଲେ, ଶବ ବ୍ୟବଛେଦ ରିପୋର୍ଟ ରୁ ଗଲlକୁ ଦବାଇ ଏବଂ ପାଣିରେ ମୁହଁ କୁ ପାଣିରେ ଦବାଇ
ମାରିଥିବାର ରିପୋର୍ଟ ରେ ଉଲ୍ଲେଖ ଅଛି l ଏହା ସହ ପ୍ରମୋଦିନି ଙ୍କ ଶରୀରରେ ପନ୍ଦର ରୁ ଅଧିକ କ୍ଷତ ବିକ୍ଷତ ଚି଼ହ୍ନ ଅଛି l ଘଟଣା ଘଟିବା ଦିନଠାରୁ ଆଜି ଯାଏଁ ପୀଡିତା ଙ୍କ ମା ନୂଆ ଗାଁ ଥାନା ଅଧିକାରୀ ମାଧବାନନ୍ଦ ନାୟକ କୁ ବାର ଥର ରୁ ଅଧିକ, ଏସଡିପିଓ ମୁର୍ମୁ ଙ୍କୁ ସାତ ଥର ରୁ ଅଧିକ, ଏସପି ଙ୍କୁ ଆଜି କୁ ମିଶାଇ ପାଞ୍ଚ ଥର ଏବଂ ଦକ୍ଷିଣାଞ୍ଚଲ ଡିଆଇଜି କୁ ଗୋଟେ ଥର ସାକ୍ଷାତ କରି ନ୍ୟାୟ ଭିକ୍ଷା କରିଥିଲେ ମଧ୍ୟ ଆଜି ଯାଏଁ ଅପରାଧୀ ଗିରଫ ହୋଇନାହିଁ l ଏବଂ ଉକ୍ତ ବିଷୟକୁ ନେଇ ଶ୍ରୀକାନ୍ତ ପାଢ଼ୀ ଜାତୀୟ ମାନବାଧିକାର ଆୟୋଗ ଙ୍କ ପାଖରେ ଏକ ମାମଲା ଦାୟର କରିଛନ୍ତି l ଉକ୍ତ ମାମଲାଟି ମାନ୍ୟବର ବାଚସ୍ପତିଙ୍କର ନିର୍ଵାଚନ ମଣ୍ଡଳୀ ରେ ଘଟିଥିବାରୁ କାହିଁକି ଦଳିତ ଗରିବ ଝିଅଟିକୁ ନ୍ୟାୟ ଦେବା କ୍ଷେତ୍ରରେ ସହଯୋଗ କରୁନାହାନ୍ତି ବୋଲି ପ୍ରଶ୍ନ ଉଠାଇଛନ୍ତି ଶ୍ରୀକାନ୍ତ ପାଢ଼ୀ ମଧ୍ୟ ପ୍ରଶ୍ନ ଉଠାଇଛନ୍ତି l
ଏହି କେଶ ଟିକୁ କେ ନୂଆଗାଁ ଥାନା ଅଧିକାରୀ ତଦନ୍ତ ଅଧିକାରୀ ଥିବା ବେଳେ ଅତିରିକ୍ତ ଏସପି ପି କେ ମିଶ୍ର ଉକ୍ତ ମାମଲା ଟିକୁ ତଦନ୍ତ କରୁଛନ୍ତି l ଏସପି ଦେଇଥିବା ଆଶ୍ୱାସନା ଯଦି ଅକଟୋବର ସୁଦ୍ଧା ଗିରଫ ନକରାଯାଏ ତାହେଲେ ଆଇନ ର ଆଶ୍ରୟ ନେବୁ ଏବଂ ରାଜରାସ୍ତା କୁ ଓଲ୍ହାଇବୁ ବୋଲି ଶ୍ରୀକାନ୍ତ ପାଢ଼ୀ ଓ ରମା ନାୟକ କହିଛନ୍ତି l ପୀଡିତା ଙ୍କୁ ନ୍ୟାୟ ଦେବା ଆନ୍ଦୋଳନ ରେ ଜିଲ୍ଲା ସଭାପତି ପରେଶ ରଥ, ମହନ୍ତ ଚିନ୍ମୟ ନନ୍ଦ ଦାସ, ଭବାନୀ ପଣ୍ଡା, ବନଜା ପଣ୍ଡା, ଶୁଭ୍ରାଂଶୁ ପ୍ରଧାନ, ବାପି ପ୍ରଧାନ, ଏକା ଦଶି ସେଠୀ ବାବୁଲା ପାତ୍ର, ରଘୁନାଥ ଗଉଡ, ସତ୍ୟ ସେଠୀ,ମଧୁ ସାହୁ, ବାଳକୃଷ୍ଣ ସାମନ୍ତରାୟ ସୀମା ସାସମଲ୍, ଏବଂ ବହୁ ସଂଖ୍ୟାରେ ବିଜେପି କାର୍ଯ୍ୟ କର୍ତ୍ତା ଉପସ୍ଥିତ ଥିଲେ (ରିପୋର୍ଟ : ଶେଷଦେବ ସାହୁ : ଗଞ୍ଜାମ ଜିଲ୍ଲା ବ୍ୟୁରୋ)
