ଓଡ଼ିଶା ତାଜା ନ୍ୟୁଜ ( ୦୯ ଅକ୍ଟୋବର ଶୁକ୍ରବାର ) ତିର୍ତୋଲ :- ଜଗତସିଂହପୁର ଜିଲ୍ଲା ତିର୍ତୋଲ ବିଧାନସଭା ଉପନିର୍ବାଚନ ପାଇଁ ଆଜି ବିଜେପି ଦଳ ପାଖରୁ କାର୍ଯ୍ୟାଳୟ ଉଦଘାଟନୀ ଉତ୍ସବ ଅନୁଷ୍ଠିତ ହୋଇଯାଇଛି । ଉଦଘାଟନ ଉତ୍ସବ ହୋଇଥିବା ବେଳେ ବିଜେପି କର୍ମୀଙ୍କୁ ବିଜେପି ଦଳପକ୍ଷରୁ ବିଗତ ଦିନରେ ଅଣଦେଖା କରିବା ଓ ନବନିଯୁକ୍ତି ଜିଲ୍ଲା ପ୍ରଭାରୀ କୁ ଘୋର ବିରୋଧ କରି ବିଜେପି କର୍ମୀ ମାନେ ଅଶ୍ଲିଳ ଭାଷା ପ୍ରୟୋଗ କରି ଗଣ୍ଡଗୋଳ କରିଥିଲେ । ଯାହାଫଳରେ ଉଦଘାଟନୀ ଉତ୍ସବ ଅଟକି ଯାଇଥିଲା । ତିର୍ତୋଲ ବିଧାନସଭା କ୍ଷେତ୍ରରେ କିଛି ବିଜେପି କର୍ମୀ କୁହନ୍ତି ଦଳ ପାଇଁ ଆମେ ଜେଲ ଯାଇଛୁ କିନ୍ତୁ ରାଜ୍ୟ କାର୍ଯ୍ୟାଳୟ କୁ ଗଲେ ସେମିତି ସମ୍ମାନ ମିଳୁନାହିଁ ।
ସେହିପରି ଗତକାଲି ବିଜେପିର ପୂର୍ବତନ ପ୍ରାର୍ଥୀ ରମାକାନ୍ତ ଭୋଇଙ୍କର ଇସ୍ତଫା କୁ ନେଇ ମଧ୍ୟ ଅସନ୍ତୋଷ ନିଆଁ କର୍ମୀ ଙ୍କ ମହଲରେ ଦେଖାଯାଇଥିଲା । ବିଜେପି ର ଏଭଳି କାର୍ଯ୍ୟ କୁ ସାଧାରଣରେ ନାପସନ୍ଦ କରିଛନ୍ତି ଏପରିକି ବିଜପି ଦଳରେ “ଘରେ ନପଶୁଣୁ ଚାଳ ବାଜିଲାଣି” ବୋଲି ସାଧାରଣରେ ଆଲୋଚନା ଜୋର ଧରିଛି । ପରେ ବୁଝାସୁଝା ହେବା ପରେ ଦଳୀୟ କାର୍ଯ୍ୟଳୟ ଉଦଘାଟନ କରିଥିଲେ । ମୁଖ୍ୟ ଅତିଥି ରାଜ୍ୟ ବିଜେପି ଉପସଭାପତି ଭୃଗୁବକ୍ସି ପାତ୍ର ଏହି କାର୍ଯ୍ୟକ୍ରମରେ ଜିଲ୍ଲା ବିଜେପି ସଭାପତି ସତ୍ୟବ୍ରତ ମହାପାତ୍ର , ଦିଲ୍ଲୀପ ମଲ୍ଲିକ, ପ୍ରକାଶ ବେହେରା , ସାରଦା ପ୍ରଧାନ ପ୍ରମୁଖ ଯୋଗ ଦେଇଥିଲେ । ( ରିପୋର୍ଟ -ଭାସ୍କର ପଟ୍ଟନାୟକ )
