ଓଡ଼ିଶା ତାଜା ନ୍ୟୁଜ (୨ ଅକ୍ଟୋବର ଶୁକ୍ରବାର ) ନୟାଗଡ :- ନୟାଗଡ ଇନ୍ଦିରା ପ୍ରିୟ ଦର୍ଶିନୀ ମାର୍କେଟରେ କୋଭିଡ ଟେଷ୍ଟ ଅନୁଷ୍ଠିତ, ପୌର ପରିଷଦକୁ ଧନ୍ୟବାଦ ଜଣାଇଲା ଇନ୍ଦିରା ପ୍ରିୟ ଦର୍ଶିନୀ ମାର୍କେଟ ନୟାଗଡ ମୁନିସିପାଲିଟିର ଇନ୍ଦିରା ପ୍ରିୟଦର୍ଶିନୀ ମାର୍କେଟର ବ୍ୟବସାୟୀ ମାନଙ୍କର କୋଭିଡ ଟେଷ୍ଟ ଅନୁଷ୍ଠିତ ହୋଇଯାଇଛି । ବିଶିଷ୍ଟ ସମାଜସେବୀ, ବରିଷ୍ଠ ବ୍ୟବସାୟୀ, ପୂର୍ବତନ କାଉନ୍ସିଲର ତଥା ଇନ୍ଦିରା ପ୍ରିୟଦର୍ଶିନୀ ମାର୍କେଟର ସଭାପତି ନେତ୍ରାନନ୍ଦ ସାହୁଙ୍କ ପ୍ରତ୍ୟକ୍ଷ ସହଯୋଗରେ କରୋନା ନିୟନ୍ତ୍ରଣ ପାଇଁ ଅନୁଷ୍ଠିତ ଏହି କୋଭିଡ ଟେଷ୍ଟରେ ସର୍ବମୋଟ ୭0 ଜଣଙ୍କର ପରୀକ୍ଷା ହୋଇଥିଲା ।
ତନ୍ମଧ୍ୟରୁ ୩ ଜଣଙ୍କର ପଜିଟିଭ ବାହାରିଥିବା ଜଣା ପଡିଛି । ପୂର୍ବ ନିର୍ଧାରିତ ସୂଚୀ ଅନୁଯାୟୀ ନୟାଗଡ ପୌରପରିଷଦ ପକ୍ଷରୁ ଆୟୋଜିତ ଏହି ଜନ ସୁରକ୍ଷା କାର୍ଯ୍ୟକ୍ରମ ପାଇଁ ଇନ୍ଦିରା ପରିଦର୍ଶିନୀ ମାର୍କେଟର ସମ୍ପାଦକ ବିରଞ୍ଚି ବେହେରା ପୌରପରିଷଦକୁ ଧନ୍ୟବାଦ ଜଣାଇଛନ୍ତି । (ନୟାଗଡ ଜିଲ୍ଲା ରିପୋର୍ଟ –ରାମକୃଷ୍ଣ ରଥ)
