-
ବିଏସଇ ଏବଂ ଏନଏସଇରେ ତାଲିକାଭୁକ୍ତ ହେବ ସହ ବେଦାନ୍ତ ମେଗା-ଡିମର୍ଜର ସମ୍ପୂର୍ଣ୍ଣ
-
ଭାରତର ଶୀର୍ଷ ୩ଟି ବେସରକାରୀ ବିଦ୍ୟୁତ କମ୍ପାନୀଗୁଡିକ ମଧ୍ୟରେ ସ୍ଥାନ ପାଇବାକୁ ଲକ୍ଷ୍ୟ
-
ଭବିଷ୍ୟତରେ ଥର୍ମାଲ କ୍ଷମତାର ସମ୍ପ୍ରସାରଣ ଏବଂ ହାଇଡ୍ରୋ, ନ୍ୟୁକ୍ଲିୟର ଓ ବ୍ୟାଟେରୀ ଷ୍ଟୋରେଜ୍ କ୍ଷେତ୍ରରେ ବିବିଧୀକରଣ କରିବାକୁ ଲକ୍ଷ୍ୟ
ଭୁବନେଶ୍ୱର (ଓଡିଶା ତାଜା ନ୍ୟୁଜ ) ନି. ପ୍ର :- ଭାରତର ଅଗ୍ରଣୀ ବିଦ୍ୟୁତ୍ ଉତ୍ପାଦନକାରୀ କମ୍ପାନୀଗୁଡ଼ିକ ମଧ୍ୟରୁ ଅନ୍ୟତମ ବେଦାନ୍ତ ପାୱାର୍ ଲିମିଟେଡ୍ ଏହାର ଅଭିବୃଦ୍ଧି ଯାତ୍ରାରେ ଏକ ଐତିହାସିକ ମାଇଲଖୁଣ୍ଟ ଅତିକ୍ରମ କରିଛି। କମ୍ପାନୀ ବିଏସଇ ଲିମିଟେଡ୍ (ବିଏସଇ) ଏବଂ ନ୍ୟାସନାଲ୍ ଷ୍ଟକ୍ ଏକ୍ସଚେଞ୍ଜ ଅଫ୍ ଇଣ୍ଡିଆ ଲିମିଟେଡ୍ (ଏନ୍ଏସ୍ଇ)ରେ କରି ନିଜର ଅଭିବୃଦ୍ଧି ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ସ୍ଥାପନ କରିଛି। କମ୍ପାନୀର ଶେୟାର ବିଏସଇରେ ୫୪୪୭୮୧ ଏବଂ ଏନ୍ଏସ୍ଇରେ ଭେଡ୍ପାୱାର ସ୍କ୍ରିପ୍ କୋଡ୍ରେ ବାଣିଜ୍ୟ ଆରମ୍ଭ କରିଛି। ଜୁନ୍ ୧୫ ତାରିଖରେ ଆୟୋଜିତ ଏହି ଐତିହାସିକ ତାଲିକାଭୁକ୍ତି ସମାରୋହର ନେତୃତ୍ୱ ବେଦାନ୍ତ ଗ୍ରୁପ୍ର ଅଧ୍ୟକ୍ଷ ଅନିଲ ଅଗ୍ରୱାଲ ନେଇଥିଲେ, ଯାହା ଭାରତୀୟ ସେୟାର ବଜାରରେ ବେଦାନ୍ତ ପାୱାର ଲିମିଟେଡ୍ର ଆନୁଷ୍ଠାନିକ ପଦାର୍ପଣକୁ ଚିହ୍ନିତ କରିବା ସହ ଅଭିବୃଦ୍ଧି, ମୂଲ୍ୟ ସୃଷ୍ଟି ଏବଂ ଦେଶ ଗଠନର ଏକ ରୋମାଞ୍ଚକର ନୂତନ ଅଧ୍ୟାୟର ଶୁଭାରମ୍ଭ କରିଛି ।
ଏହି ସମାରୋହରେ ଏଚ୍ଜେଡ୍ଏଲ୍ର ଅଧ୍ୟକ୍ଷା ତଥା ବେଦାନ୍ତ ଲିମିଟେଡ୍ର ଅଣ-କାର୍ଯ୍ୟନିର୍ବାହୀ ନିର୍ଦ୍ଦେଶିକା ପ୍ରିୟା ଅଗ୍ରୱାଲ ହେବର, ବେଦାନ୍ତ ଗ୍ରୁପ୍ର ପ୍ରେସିଡେଣ୍ଟ ଆକର୍ଷ ହେବର, ଏବଂ ବେଦାନ୍ତ ଲିମିଟେଡ୍ର ଭାଇସ୍ ଚେୟାରମ୍ୟାନ ନବୀନ ଅଗ୍ରୱାଲ ମଧ୍ୟ ଉପସ୍ଥିତ ଥିଲେ। ଏହି ଉତ୍ସବରେ ବେଦାନ୍ତ ପାୱାର ଲିମିଟେଡ୍ର ପୂର୍ଣ୍ଣକାଳୀନ ନିର୍ଦ୍ଦେଶକ ତଥା ସିଇଓ ରାଜିନ୍ଦର ସିଂ ଆହୁଜା ଏବଂ ବେଦାନ୍ତ ପାୱାର ଲିମିଟେଡ୍ର ସିଏଫ୍ଓ ପଙ୍କଜ ଝାଙ୍କ ସମେତ ବେଦାନ୍ତ ଗ୍ରୁପ୍ର ଅନ୍ୟାନ୍ୟ ବରିଷ୍ଠ ନେତୃବୃନ୍ଦ ମଧ୍ୟ ଉପସ୍ଥିତ ଥିଲେ। ବେଦାନ୍ତ ପାୱାର୍ ଝାରସୁଗୁଡ଼ା ତାପଜ ବିଦ୍ୟୁତ ପ୍ରକଳ୍ପ (ଓଡ଼ିଶା) ୬୦୦ ମେଗାୱାଟ୍ କାର୍ଯ୍ୟକ୍ଷମ କ୍ଷମତା ସହିତ ପରିଚାଳିତ ହେଉଛି, ଯାହା ବିଦ୍ୟୁତ ଉତ୍ପାଦନ ପାଇଁ ଏକ ନିର୍ଭରଯୋଗ୍ୟ ଇନ୍ଧନ ଯୋଗାଉଛି ।
ଏହି ପ୍ଲାଣ୍ଟ ମୁଖ୍ୟତଃ ବେଦାନ୍ତର ନିକଟବର୍ତ୍ତୀ ଆଲୁମିନିୟମ୍ ସ୍ମେଲ୍ଟର ସହ ରାଜ୍ୟର ଗ୍ରୀଡ଼କୋକୁ ଶକ୍ତି ଯୋଗାଉଛି । ଏହି ତାଲିକାଭୁକ୍ତି ବେଦାନ୍ତ ପାୱାର ପାଇଁ ଏକ ଗୁରୁତ୍ୱପୂର୍ଣ୍ଣ ଅଧ୍ୟାୟ ସାବ୍ୟସ୍ତ ହୋଇଛି। ଦୃଢ଼ ପରିଚାଳନାଗତ ଭିତ୍ତି ଉପରେ ଗଢ଼ିଉଠିଥିବା ଏହି ସ୍ୱତନ୍ତ୍ର ଓ କେନ୍ଦ୍ରୀଭୂତ ବ୍ୟବସାୟ ଭାରତର ଦ୍ରୁତ ବର୍ଦ୍ଧନଶୀଳ ଶକ୍ତି ଚାହିଦା ପୂରଣ ପାଇଁ ସୁଦୃଢ଼ ଭାବେ ପ୍ରସ୍ତୁତ ରହିଛି। ଦେଶର ଶିଳ୍ପ ସମ୍ପ୍ରସାରଣ, ଭିତ୍ତିଭୂମି ବିକାଶ, ଆତ୍ମନିର୍ଭରଶୀଳତା ଲକ୍ଷ୍ୟ ଏବଂ ଦୀର୍ଘକାଳୀନ ଅର୍ଥନୈତିକ ପ୍ରଗତି ପାଇଁ ବିଦ୍ୟୁତ୍ କ୍ଷେତ୍ରର ଭୂମିକା ଅତ୍ୟନ୍ତ କେନ୍ଦ୍ରୀୟ ରହିଥିବା ବେଳେ, କମ୍ପାନୀ ନିର୍ଭରଯୋଗ୍ୟ ବିଦ୍ୟୁତ୍ ଯୋଗାଣ ମାଧ୍ୟମରେ ଭାରତର ଶକ୍ତି ସୁରକ୍ଷାକୁ ସୁଦୃଢ଼ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବା ପାଇଁ ଏକ ସୁଦୃଢ଼ ସ୍ଥିତିରେ ରହିଛି ।
ବେଦାନ୍ତ ପାୱାର ସହିତ, ନିକଟରେ ଡିମର୍ଜର ହୋଇ ସ୍ୱତନ୍ତ୍ର ଭାବେ ତାଲିକାଭୁକ୍ତ ହୋଇଥିବା ଆଲୁମିନିୟମ୍, ତୈଳ ଓ ଗ୍ୟାସ୍, ଏବଂ ଲୌହ ଓ ଇସ୍ପାତ ବ୍ୟବସାୟ ମଧ୍ୟ ଷ୍ଟକ୍ ଏକ୍ସଚେଞ୍ଜଗୁଡ଼ିକରେ କାରବାର ଆରମ୍ଭ କରିଛନ୍ତି। ଏହି ଅବସରରେ ଉଦ୍ବୋଧନ ଦେଇ ବେଦାନ୍ତ ଗ୍ରୁପର ଅଧ୍ୟକ୍ଷ ଶ୍ରୀ ଅନିଲ ଅଗ୍ରୱାଲ କହିଛନ୍ତି: “୨୪ ବର୍ଷ ପୂର୍ବେ, ବେଦାନ୍ତ ଲଣ୍ଡନ ଷ୍ଟକ୍ ଏକ୍ସଚେଞ୍ଜରେ ତାଲିକାଭୁକ୍ତ ହୋଇଥିବା ପ୍ରଥମ ଭାରତୀୟ କମ୍ପାନୀ ହୋଇଥିଲା ଏବଂ ପରବର୍ତ୍ତୀ ସମୟରେ ଏକ ଏଫ୍ଟିଏସ୍ଇ-୧୦୦ କମ୍ପାନୀରେ ପରିଣତ ହୋଇଥିଲା ।
ସେହି ଦିନ ଆମେ ଯେଉଁ ବିହନ ବୁଣିଥିଲୁ, ତାହା ଆଜି ଏକ ବିଶାଳ ବଟବୃକ୍ଷରେ ପରିଣତ ହୋଇଛି, ଏବଂ ଏହା ଅଧୀନରେ ପ୍ରତିପାଳିତ ହୋଇଥିବା ଚାରାଗଛଗୁଡ଼ିକ ଏବେ ପ୍ରମୁଖ କ୍ଷେତ୍ରଗୁଡ଼ିକରେ ବିଶାଳକାୟ ସାଜିବାକୁ ଏବଂ ଭାରତର ଦ୍ରୁତ ବିକାଶରେ ଗୁରୁତ୍ୱପୂର୍ଣ୍ଣ ଅବଦାନ ଦେବାକୁ ପ୍ରସ୍ତୁତ।” ଆସନ୍ତା କାଲିର ଅର୍ଥନୀତିରେ କୃତ୍ରିମ ବୁଦ୍ଧିମତା, ଉନ୍ନତ ଉତ୍ପାଦନ ପ୍ରଯୁକ୍ତି ଏବଂ ଶକ୍ତି ରୂପାନ୍ତରଣ ପ୍ରମୁଖ ଭୂମିକା ନିଭାଇବ। ଏହି ନୂତନ ଅର୍ଥନୀତି ଶକ୍ତି, ଖଣିଜ ଓ ଧାତୁ ଉପରେ ବହୁମାତ୍ରାରେ ନିର୍ଭରଶୀଳ ହେବ। ବର୍ତ୍ତମାନ ଭାରତ ନିଜର ଆବଶ୍ୟକତାର ପ୍ରାୟ ୫୦ ପ୍ରତିଶତ ଆମଦାନୀ କରୁଛି।
କିନ୍ତୁ ଆଗାମୀ ଦିନରେ ଆମକୁ ଏହି କ୍ଷେତ୍ରରେ ସମ୍ପୂର୍ଣ୍ଣ ଆତ୍ମନିର୍ଭର ହେବାକୁ ପଡ଼ିବ। ବେଦାନ୍ତ ଗ୍ରୁପ୍ର ସ୍ୱତନ୍ତ୍ର ଭାବେ ତାଲିକାଭୁକ୍ତ କମ୍ପାନୀଗୁଡ଼ିକ ଏହି ଅତ୍ୟାବଶ୍ୟକ ଖଣିଜ, ଧାତୁ ଏବଂ କଞ୍ଚାମାଲର ବିପୁଳ ଚାହିଦା ଓ ଯୋଗାଣ ମଧ୍ୟରେ ଥିବା ବ୍ୟବଧାନକୁ ପୂରଣ କରିବାରେ ଏକ ମହତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ। ଏହି କମ୍ପାନୀଗୁଡ଼ିକ ଆଗାମୀ ପିଢ଼ି ପାଇଁ ଦେଶର ସେବା କରିବା, ଅଂଶୀଦାରମାନଙ୍କ ପାଇଁ ଦୀର୍ଘକାଳୀନ ମୂଲ୍ୟ ସୃଷ୍ଟି କରିବା, ଭାରତର ଆତ୍ମନିର୍ଭରଶୀଳତାକୁ ସୁଦୃଢ଼ କରିବା ଏବଂ ଏହାର ‘ବିକଶିତ ଭାରତ’ର ସଂକଳ୍ପକୁ ସାକାର କରିବା ଲକ୍ଷ୍ୟରେ ଗଠନ କରାଯାଇଛି।
ବେଦାନ୍ତର ଅଭିବୃଦ୍ଧିର ପରବର୍ତ୍ତୀ ଅଧ୍ୟାୟ କେବଳ ଆମ ଦ୍ୱାରା ଲେଖାଯାଇପାରିବ ନାହିଁ। ଏଥିପାଇଁ ଆମର ଅଂଶୀଦାରମାନଙ୍କର ବିଶ୍ୱାସ, ସରକାରଙ୍କ ସହଯୋଗ ଏବଂ ୧.୫ ବିଲିୟନ୍ ଭାରତୀୟଙ୍କ ଆକାଂକ୍ଷା ଓ ଭାଗୀଦାରି ଆବଶ୍ୟକ। ଭାରତ ପରି ଦେଶ ଆଉ କେଉଁଠି ନାହିଁ ଏବଂ ଏହା ହେଉଛି ଭାରତର ସମୟ।” ଭାରତର କ୍ରମବର୍ଦ୍ଧିଷ୍ଣୁ ଶକ୍ତି ଆବଶ୍ୟକତାକୁ ପୂରଣ କରିବା ପାଇଁ ଏକ ନିର୍ଭରଯୋଗ୍ୟ ଏବଂ ବୃହତ ଆକାରର ବିଦ୍ୟୁତ ଭିତ୍ତିଭୂମି ଅପରିହାର୍ଯ୍ୟ ହୋଇ ରହିବ। ପଞ୍ଜାବ, ଆନ୍ଧ୍ରପ୍ରଦେଶ, ଓଡ଼ିଶା ଏବଂ ଛତିଶଗଡ଼ରେ ବର୍ତ୍ତମାନ ମୋଟ ୪.୭୮ ଗିଗାୱାଟ୍ କ୍ଷମତା (୪.୧୮ ଗିଗାୱାଟ୍ କାର୍ଯ୍ୟକ୍ଷମ ଏବଂ ୦.୬ ଗିଗାୱାଟ୍ କାର୍ଯ୍ୟକାରୀ ହେବା ପ୍ରକ୍ରିୟାରେ ଥିବା) ସହିତ ବେଦାନ୍ତ ପାୱାର୍ ହେଉଛି
ଭାରତର ପଞ୍ଚମ ବୃହତ୍ତମ ବେସରକାରୀ ତାପଜ ବିଦ୍ୟୁତ ଉତ୍ପାଦନକାରୀ ସଂସ୍ଥା । କମ୍ପାନୀର ବ୍ୟବସାୟ ଦୃଢ଼ ପରିଚାଳନାଗତ ଭିତ୍ତି ଉପରେ ନିର୍ଭରଶୀଳ। ଏହାର ମୋଟ କ୍ଷମତାର ୭୪ ପ୍ରତିଶତ ଦୀର୍ଘମିଆଦୀ ଓ ମଧ୍ୟମ ମିଆଦୀ ବିଦ୍ୟୁତ୍ କ୍ରୟ ଚୁକ୍ତି ଅଧୀନରେ ସୁରକ୍ଷିତ ରହିଛି। ସେହିପରି କାର୍ଯ୍ୟକ୍ଷମ କ୍ଷମତାର ୮୫ ପ୍ରତିଶତ ପାଇଁ ଦେଶୀୟ କୋଇଲା ଯୋଗାଣ ସୁରକ୍ଷା ସଂଯୋଗ ରହିଛି। ଏହି ସୁଦୃଢ଼ ବ୍ୟବସ୍ଥା କମ୍ପାନୀକୁ ବୃହତ୍ ପରିମାଣରେ ନିର୍ଭରଯୋଗ୍ୟ ବିଦ୍ୟୁତ୍ ଯୋଗାଇବା ସହିତ ଦେଶର ବିକାଶମୂଳକ ପ୍ରାଥମିକତାଗୁଡ଼ିକୁ ସମର୍ଥନ କରିବାରେ ଏକ ସ୍ଥିର ଭିତ୍ତିଭୂମି ପ୍ରଦାନ କରୁଛି ।
ବିଶ୍ୱର ସବୁଠାରୁ ଦ୍ରୁତ ଗତିରେ ବୃଦ୍ଧି ପାଉଥିବା ପ୍ରମୁଖ ଅର୍ଥନୀତିର ଆବଶ୍ୟକତାକୁ ପୂରଣ କରିବା ପାଇଁ ବେଦାନ୍ତ ପାୱାର୍ ର କ୍ଷମତାକୁ ବୃଦ୍ଧି କରାଯାଉଛି, ଯାହାଫଳରେ ଏହା ଏକ ନିର୍ଭରଯୋଗ୍ୟ ବେସଲୋଡ୍ ଶକ୍ତି ପ୍ରଦାନ କରିପାରିବ। ଆସନ୍ତା ଦଶନ୍ଧି ମଧ୍ୟରେ ଭାରତର ବିଦ୍ୟୁତ କ୍ଷମତା ଆବଶ୍ୟକତା ଦ୍ୱିଗୁଣିତ ହୋଇ ଆର୍ଥିକ ବର୍ଷ ୨୦୩୬ ସୁଦ୍ଧା ୧୧୨୧ ଗିଗାୱାଟ୍ ରେ ପହଞ୍ଚିବାର ଅନୁମାନ କରାଯାଉଛି। ଏହି ପରିପ୍ରେକ୍ଷୀରେ କମ୍ପାନୀ ଦେଶର ବିକାଶ ଲକ୍ଷ୍ୟ ପୂରଣରେ ନିଜର ଅବଦାନ ବୃଦ୍ଧି କରିବା ପାଇଁ ବ୍ୟାପକ ସୁଯୋଗ ଦେଖୁଛି।
ଏକ ସ୍ପଷ୍ଟ ଅଭିବୃଦ୍ଧିର ରୋଡମ୍ୟାପ୍ ସହିତ, ବେଦାନ୍ତ ପାୱାର୍ କାର୍ଯ୍ୟକ୍ଷମ ଉତ୍କର୍ଷତା ବୃଦ୍ଧି କରିବା, ଦକ୍ଷତାର ସହ କ୍ଷମତା ସମ୍ପ୍ରସାରଣ କରିବା ଏବଂ ଭାରତ ପାଇଁ ଏକ ଦୀର୍ଘକାଳୀନ ବିଦ୍ୟୁତ ପ୍ଲାଟଫର୍ମ ପ୍ରସ୍ତୁତ କରିବା ଉପରେ ଗୁରୁତ୍ୱ ଦେଉଛି । କମ୍ପାନୀ ଏହାର ମୋଟ କ୍ଷମତାକୁ ୨୦ ଗିଗାୱାଟ୍ କୁ ବୃଦ୍ଧି କରିବାକୁ ଯୋଜନା କରିଛି, ଯାହାଦ୍ୱାରା ଦେଶର ଶୀର୍ଷ ତିନୋଟି ବେସରକାରୀ ବିଦ୍ୟୁତ କମ୍ପାନୀ ମଧ୍ୟରେ ସ୍ଥାନ ପାଇବା ଏହାର ଦୀର୍ଘକାଳୀନ ଆଭିମୁଖ୍ୟ ରହିଛି । ଏହି ଯାତ୍ରାର ଏକ ଅଂଶ ସ୍ୱରୂପ, ବେଦାନ୍ତ ପାୱାର୍ ଆର୍ଥିକ ବର୍ଷ ୨୦୨୭ର ଦ୍ୱିତୀୟାର୍ଦ୍ଧ ସୁଦ୍ଧା ଏହାର ଶକ୍ତି ପ୍ଲାଣ୍ଟରେ ଦ୍ୱିତୀୟ ୬୦୦ ମେଗାୱାଟ୍ ୟୁନିଟ୍କୁ କାର୍ଯ୍ୟକ୍ଷମ କରିବାକୁ ଆଶା ରଖିଛି ଏବଂ ଆର୍ଥିକ ବର୍ଷ ୨୦୩୩ ସୁଦ୍ଧା ମୋଟ କ୍ଷମତାକୁ ୧୨ ଗିଗାୱାଟ୍ କୁ ବୃଦ୍ଧି କରିବାକୁ ଲକ୍ଷ୍ୟ ରଖିଛି ।
ଏହି ସମ୍ପ୍ରସାରଣର ଏକ ବଡ଼ ଅଂଶ ବ୍ରାଉନ୍ଫିଲ୍ଡ ପ୍ରକଳ୍ପ ମାଧ୍ୟମରେ ହେବ ବୋଲି ଆଶା କରାଯାଉଛି, ଯାହା ମୂଳ ଭିତ୍ତିଭୂମି ଏବଂ କାର୍ଯ୍ୟକ୍ଷମ ସୁବିଧାର ସଦୁପଯୋଗ କରିବ। କମ୍ପାନୀ ବିଶ୍ୱାସ କରେ ଯେ, ଆସନ୍ତା ଦଶନ୍ଧି ଗୁଡ଼ିକରେ ମଧ୍ୟ ଭାରତର ଶକ୍ତି ମିଶ୍ରଣରେ କୋଇଲା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବା ଜାରି ରଖିବ, ଯାହା ଅକ୍ଷୟ ଏବଂ ସ୍ୱଚ୍ଛ ଶକ୍ତି ଉତ୍ସଗୁଡ଼ିକ ସହିତ ସମାନ୍ତରାଳ ଭାବରେ କାର୍ଯ୍ୟ କରିବ । ଏଥିସହିତ, ବର୍ତ୍ତମାନ କେବଳ ତାପଜ ବିଦ୍ୟୁତ କ୍ଷେତ୍ରରେ କାର୍ଯ୍ୟ କରୁଥିବା ବେଦାନ୍ତ ପାୱାର୍, ନିଜର ଦୀର୍ଘକାଳୀନ ବିବିଧକରଣ ରଣନୀତିର ଏକ ଅଂଶ ଭାବରେ ହାଇଡ୍ରୋ, ବ୍ୟାଟେରୀ ଷ୍ଟୋରେଜ୍ ଏବଂ ଆଣବିକ ଶକ୍ତି କ୍ଷେତ୍ରରେ ଭବିଷ୍ୟତର ଅଭିବୃଦ୍ଧି ସୁଯୋଗ ଗୁଡ଼ିକର ମୂଲ୍ୟାଙ୍କନ କରୁଛି । କମ୍ପାନୀ ଆଣବିକ ଶକ୍ତିର ସାମର୍ଥ୍ୟକୁ ଏକ ସ୍ୱଚ୍ଛ, ନିର୍ଭରଯୋଗ୍ୟ ଏବଂ ୨୪x୭ ବିଦ୍ୟୁତ ଉତ୍ସ ତଥା ଭାରତର ଶକ୍ତି ରୂପାନ୍ତରଣର ଏକ ପ୍ରମୁଖ ସହାୟକ ଭାବରେ ସ୍ୱୀକାର କରେ ।
