ବୋଲଗଡ଼ (ଓଡିଶା ତାଜା ନ୍ୟୁଜ) ନି. ପ୍ର :- ଖୋର୍ଦ୍ଧା ଜିଲ୍ଲା ବୋଲଗଡ଼ ସଦର ମହକୁମାସ୍ଥିତ ପ୍ରାଥମିକ କୃଷି ସମବାୟ ସମିତି ସମ୍ପାଦକ ହୁଲ୍ଲାସ ଚୌଧୁରୀଙ୍କ ଆବାହକତ୍ୱରେ କୃଷି ସମବାୟ ସମିତି କାର୍ଯ୍ୟାଳୟ ପରିସରରେ ସୋମବାର ସ୍ୱତନ୍ତ୍ର ସାଧାରଣ ସଭା ଅନୁଷ୍ଠିତ ହୋଇଯାଇଅଛି ! ଏହି କାର୍ଯ୍ୟକ୍ରମରେ ସମବାୟ ସମିତିର ସଭାପତି ସୌରାଂଶୁ ପରିଡାଙ୍କ ପୌରହିଁତରେ ମୁଖ୍ୟ ଅତିଥିଭାବେ ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ପ୍ରଶାସନିକ ଅଧିକାରୀ ବିରଞ୍ଚି ନାରାୟଣ ମହାପାତ୍ର ଓ ସମ୍ମାନିତ ଅତିଥିଭାବେ ପରିଚାଳନା ପରିଷଦର ଉପସଭାପତି ବିମଳା ମହାରଣା,
ସଦସ୍ୟ ଲଲାଟେନ୍ଦୁ କେଶରୀ ସିଂହ, ବୀର କିଶୋର ଦାସ, ସ୍ଵପ୍ନେଶ୍ଵର ଚମ୍ପତି, ବୀର କିଶୋର ସାହୁ, ପ୍ରହଲ୍ଲାଦ ମହାପାତ୍ର, କୃପାସିନ୍ଧୁ ବାରିକ, ପ୍ରସନ୍ନ କୁମାର ସାହୁ, ଉଚ୍ଛବ ଘଡେଇ, କୃଷ୍ଣ ଚନ୍ଦ୍ର ସୁବୁଦ୍ଧି, ରାମ ପାଳ ପ୍ରମୁଖ ଯୋଗଦେଇ ଶୁଭ ଉଦଘାଟନ କରିଥିଲେ ! ଖୋର୍ଦ୍ଧା ଜିଲ୍ଲାରେ ୮ ଟି ସମବାୟ ସମିତି ମଧ୍ୟରୁ ବୋଲଗଡ଼ କୃଷି ସେବା ସମବାୟ ସମିତିର ଚାଷୀମାନଙ୍କର କ୍ରୟ ଓ ବିକ୍ରୟ ଲାଭଂଶ ହୋଇଥିବାରୁ ଚାଷୀମାନଙ୍କ ମଧ୍ୟରେ ସୁବଣ୍ଟନ ପାଇଁ ଏହି ବୈଠକର ମୂଳ ଲକ୍ଷ ବୋଲି ମୁଖ୍ୟଅତିଥି ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ପ୍ରଶାସନିକ ଅଧିକାରୀ ବିରଞ୍ଚି ନାରାୟଣ ମହାପାତ୍ର ସମସ୍ତ ଚାଷୀମାନଙ୍କୁ ପରାମର୍ଶ ଦେଇଥୁଲେ !
ଏହି ସ୍ୱତନ୍ତ୍ର ସାଧାରଣ ସଭାରେ ବୋଲଗଡ଼ କୃଷି ସମବାୟ ସମିତିର ୫୦ରୁ ଉର୍ଦ୍ଧ ଚାଷୀମାନେ ଯୋଗଦେଇ ଆଗାମୀ ଦିନରେ ବୋଲଗଡ଼ କୃଷି ସମବାୟ ସମିତିର କିଭଳି ଅଧିକ ଲାଭଂଶ ବାହାରିବ ସେ ବିଷୟରେ ମତ ରଖିଥିଲେ ! ପରିଶେଷରେ ପରିଚାଳନା ପରିଷଦର ଉପସଭାପତି ବିମଳା ମହାରଣା ସମସ୍ତଙ୍କ ଧନ୍ୟବାଦ ଅର୍ପଣ କରିଥିଲେ !
