ବାଣପୁର (ଓଡିଶା ତାଜା ନ୍ୟୁଜ) ନି. ପ୍ର :- ମାଧବ ଚନ୍ଦ୍ର ପଲେଇ ଙ୍କୁ ରାଉରକେଲା ସ୍ଥିତ ଶ୍ରୀ ଜଗନ୍ନାଥ କଳା ପରିଷଦ ପକ୍ଷରୁ ତାଙ୍କର ନିରବଛିନ୍ନ ନୃତ୍ୟ ସାଧନା ଓ ଶିକ୍ଷା ପାଇଁ ସମ୍ବର୍ଦ୍ଧିତ କରାଯାଇଛି । ଶ୍ରୀ ଜଗନ୍ନାଥ କଳା ପରିଷଦ ପକ୍ଷରୁ ସିଭିକ ସେଣ୍ଟର, ରାଉରକେଲା ଠାରେ ଦ୍ବିବସୀୟ ରାଜ୍ୟସ୍ତରୀୟ ଶାସ୍ତ୍ରୀୟ ନୃତ୍ୟ ଉତ୍ସବ ଅବସରରେ ଏହି ସମ୍ବର୍ଦ୍ଧନା ମାନ୍ୟ ଗଣ୍ୟ ଅତିଥି ମାନଙ୍କ ଦ୍ୱାରା ପ୍ରଦାନ କରାଯାଇଛି ।
ସୂଚନା ଯୋଗ୍ୟ ଯେ, ଶ୍ରୀ ପଲେଇ ଗୁରୁ ସ୍ବର୍ଗତ କେଳୁଚରଣ ମହାପାତ୍ର ଓ ପଙ୍କଜ ଚରଣ ଦାସ ଙ୍କ ସୁଯୋଗ୍ୟ ଶିଷ୍ୟ ରୂପେ ଗତ ପାଞ୍ଚ ଦଶନ୍ଧି ଧରି ରାଜ୍ୟ ଓ ରାଜ୍ୟ ବାହାରେ ତଥା ପ୍ରାଚ୍ୟ ଓ ପାଶ୍ଚାତ୍ୟ ଦେଶ ମାନ ଙ୍କରେ ଓଡିଶୀ ର ପ୍ରଚାର ଓ ପ୍ରସାର ପାଇଁ ବିଭିନ୍ନ ସାଂସ୍କୃତିକ ଅନୁଷ୍ଠାନ ମାଧ୍ୟମରେ କାର୍ଯ୍ୟରତ ଅଛନ୍ତି । ଶ୍ରୀ ପଲେଇ ଙ୍କ ଜନ୍ମସ୍ଥାନ ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ମଙ୍ଗରାଜପୁର ଗ୍ରାମରେ ।
