କଟକ (ଓଡ଼ିଶା ତାଜା ନ୍ୟୂଜ୍) (ନିପ୍ର ) :- କଟକ ଜିଲ୍ଲା ନିଆଳି ମହାବିଦ୍ୟାଳୟର ପ୍ରାଣୀବିଜ୍ଞାନ ବିଭାଗ ପକ୍ଷରୁ IQAC ସହଯୋଗରେ “ନବପଥ–୨୦୨୬” ନାମରେ ବିଦାୟ ସମାରୋହ କଲେଜର ସମ୍ମେଳନ କକ୍ଷରେ ଅନୁଷ୍ଠିତ ହୋଇଯାଇଛି । ପ୍ରଥମେ ଅତିଥି ଓ ଶେଷ ବର୍ଷର ଛାତ୍ରଛାତ୍ରୀଙ୍କୁ ସ୍ୱାଗତ କରାଯିବା ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା। ମହାବିଦ୍ୟାଳୟ ର ଅଧକ୍ଷ ଡ. ବିନୋଦ ବିହରୀ ଦାସ ଏହାକୁ ଉଦ୍ଘାଟନ କରିବା ସହ ବିଭାଗର ଶ୍ରେଷ୍ଠତା ପାଇଁ ପିଲାମାନଙ୍କୁ ଓ ବିଭାଗର ସମସ୍ତ କର୍ମ କର୍ତ୍ତାଙ୍କୁ ସାଧୁବାଦ୍ ଜ୍ଞାପନ କରିଥିଲେ।
ପ୍ରାଣୀବିଜ୍ଞାନ ବିଭାଗର ମୁଖ୍ୟ ଡ଼ଃ ସତ୍ୟ ନାରାୟଣ ସାହୁ ଛାତ୍ରଛାତ୍ରୀଙ୍କ ଭବିଷ୍ୟତ ନେଇ ମୂଲ୍ୟବାନ ମତାମତ ପ୍ରକାଶ କରିଥିଲେ। ଏହି ଅବସରରେ ଅଧ୍ୟାପିକା ପ୍ରିୟଦର୍ଶିନୀ ଲେଙ୍କା ସହ ଅନ୍ୟାନ୍ୟ ଅଧ୍ୟାପକମାନେ ମଧ୍ୟ ଉଦ୍ବୋଧନ ରଖିଥିଲେ । ପରେ ଶେଷ ବର୍ଷ ଛାତ୍ରଛାତ୍ରୀମାନେ ତାଙ୍କର ମହାବିଦ୍ୟାଳୟରେ ଜୀବନର ଅଭିଜ୍ଞତା ଓ ସ୍ମୃତି ଚାରଣ କରିଥିଲେ। ଏହି କାର୍ଯ୍ୟକ୍ରମରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମମାନ ପରିବେଷଣ କରାଯାଇଥିଲା ବେଳେ ଶେଷ ବର୍ଷର ଛାତ୍ରଛାତ୍ରୀଙ୍କୁ ବିଦ୍ୟାଳୟ ପକ୍ଷରୁ ସମ୍ମାନିତ କରାଯାଇଥିଲା ,।
ବିଦ୍ୟାଳୟର ପ୍ରଥମ ଓ ଦ୍ୱିତୀୟ ବର୍ଷର ଛାତ୍ରଛାତ୍ରୀମାନେ ତାଙ୍କର ଶୁଭେଚ୍ଛାବାର୍ତ୍ତା ଜଣାଇଥିଲେ । ଶେଷ ବର୍ଷର ଛାତ୍ରଛାତ୍ରୀଙ୍କ ପକ୍ଷରୁ ବିଭାଗୀୟ ମୁଖ୍ୟ ଓ ସେମିନାର ଦାଇତ୍ୱରେ ଥିବା ଅଧ୍ୟାପିକାଙ୍କୁ ବିଭିନ୍ନ କାର୍ଯ୍ୟକ୍ରମ ପାଇଁ କୃତଜ୍ଞତା ଜ୍ଞାପନ କରାଯାଇଥିଲା । ଶେଷରେ ପାଠଚକ୍ରର ସମ୍ପାଦକ ଦେବଦତ୍ତ ଦାସ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଏହି ବିଦାୟ ସମାରୋହରେ “ନୂତନ ଯାତ୍ରାର ଆରମ୍ଭ… ସ୍ମୃତି ହେବ ସାଥୀ ସଦା ମୁଖ୍ୟ ବିଷୟ ଥିଲା । ଅନ୍ୟମାନଙ୍କ ମଧ୍ୟରେ ପ୍ରାଧ୍ୟାପକ ବିଭୁ ପ୍ରସାଦ ବିଶ୍ଵାଳ, ଶୈକ୍ଷିକ ଅଧିକାରିଣୀ ପ୍ରାଧ୍ୟାପିକା ସରୋଜିନୀ ମହପାତ୍ର, ନାକ ସଂଯୋଜକ ଦିଲୀପ କୁମାର ତ୍ରିପାଠୀ ବିଦାୟକାଳୀନ ସଭାରେ ସେମାନଙ୍କର ବକ୍ତବ୍ୟ ରଖି ଥିଲେ ।
