ଓଡ଼ିଶା ତାଜା ନ୍ୟୁଜ (୨୭ ସେପ୍ଟେମ୍ବର,ରବିବାର ) ଭଞ୍ଜନଗର :- ଭଞ୍ଜନଗର ବ୍ଳକ ଅନ୍ତର୍ଗତ ଗୋଲାପଡା ଉଚ୍ଚ ବିଦ୍ୟାଳୟରେ ଗତ ତା ୨୫.୦୯.୨୦୨୦ ରେ ଜୁନିୟର ରେଡ କ୍ରସ ତରଫରୁ କରୋନା ସଚେତନତା ସପ୍ତାହ ପାଳନ ଅବସରରେ ଏକ ସଚେତନତା ଶିବିର କରାଯାଇ ଜନସାଧାରଣଙ୍କୁ ସାବୁନ, ମାସ୍କ, ସାନିଟାଇଜର ବଣ୍ଟନ କରାଯାଇଛି | ଏହି କାର୍ଯ୍ୟକ୍ରମକୁ ଭଞ୍ଜନଗର ୟୁ.ବି ହାଇସ୍କୁଲର ଜେ.ଆର୍.ସି କାଉନସିଲର ଶ୍ରୀ ଶଙ୍କର ପ୍ରସାଦ ପଟ୍ଟନାୟକ ପରିଚାଳନା କରିଥିବା ବେଳେ ପ୍ରଧାନ ଶିକ୍ଷକ ଶ୍ରୀ କିଶୋର ଚନ୍ଦ୍ର ବେହେରା ଙ୍କ ତତ୍ଵାବଧାନରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ
ଜେ.ଆର୍.ସି ଛାତ୍ର ଛାତ୍ରୀଙ୍କ ସହଯୋଗରେ ଗ୍ରାମବାସୀଙ୍କୁ କୋଭିଡ-୧୯ ର ମୁକାବିଲା କରିବା ପାଇଁ ସାମାଜିକ ଦୂରତ୍ବ ରକ୍ଷା, ବାରମ୍ବାର ସାବୁନ ରେ ହାତ ଧୋଇବା, ମାସ୍କ ଓ ସାନିଟାଇଜର ବ୍ୟବହାର କରିବା ଆଦି ସଂପର୍କରେ ସଚେତନ କରାଯାଇଛି | ଏହି କାର୍ଯ୍ୟକ୍ରମରେ ବରିଷ୍ଠ ଶିକ୍ଷକ ଶ୍ରୀ ସରୋଜ କୁମାର ଦାଶ, ଜେ.ଆର୍.ସି କାଉନସିଲର ରୀନା ବିଶ୍ବାଳ ,ଶ୍ରୀମତୀ ପି କୁନିଆମ୍ମା ଦୋରା, ସୁଶ୍ରୀ ମନସ୍ବିନୀ ସେଠୀ, ଶ୍ରୀମତୀ ସୁଭଦ୍ରା ବେହେରା ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ରେ ସହାୟତା କରିଥିଲେ । (ଶେଷଦେବ ସାହୁ/ଗଞ୍ଜାମ ଜିଲ୍ଲା ବ୍ୟୁରୋ)
