ଭୁବନେଶ୍ଵର (ଓଡ଼ିଶା ତାଜା ନ୍ୟୂଜ୍) (ନିପ୍ର ) :- ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ କରକମଳରେ ପ୍ରାୟ ୬ସହ କୋଟି ଟଙ୍କା ବ୍ୟୟରେ ଭୁବନେଶ୍ୱର ସ୍ଥିତ ବାଲିଅନ୍ତା, ଓ ସତ୍ୟନଗର ଏଵଂ ଏସସିବି ମେଡିକାଲ ପରିସରରେ ନିର୍ମିତ ୩ଟି ଅତିଉଚ୍ଚ କ୍ଷମତା ସଂପନ୍ନ ଗ୍ରିଡ ସବ୍ ଷ୍ଟେସନ ରାଜ୍ୟ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ କରକମଳରେ ଆଜି ଅପରାହ୍ନରେ ଲୋକାର୍ପଣ ବାଲିଅନ୍ତା ଠାରେ ଅନୁଷ୍ଠିତ ହୋଇଯାଇଛି । ଏହି ଲୋକାର୍ପଣ ଉତ୍ସବରେ ଉପ ମୁଖ୍ୟମନ୍ତ୍ରୀ ତଥା ଶକ୍ତିମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓ, ଭୁବନେଶ୍ୱର ସାଂସଦ ଶ୍ରୀମତୀ ଅପରାଜିତା ଷଡଙ୍ଗୀ, ଜୟଦେବ ବିଧାୟକ ନବକିଶୋର ମଲିକ, ଓପିଟିସିଏଲ ର ଅଧ୍ୟକ୍ଷ ଭାସ୍କର ଶର୍ମା, ଓ ଜିଲ୍ଲାପାଳ ଅମୃତ ଋତୁରାଜ, ପ୍ରମୁଖ ଉପସ୍ଥିତ ଥିଲେ ।
୬ସହ କୋଟି ଟଙ୍କା ବ୍ୟୟରେ ନିର୍ମିତ ୩ଟି ଗ୍ରିଡ୍ ସବ୍ ଷ୍ଟେସନ ନିର୍ମିତ ହୋଇଥିବାବେଳେ ଏହା ଦ୍ଵାରା ବାଲିଅନ୍ତା, ସତ୍ୟନଗର, ଓ କଟକ ଏସସିବି ମେଡ଼ିକାଲ ପରିସର ତଥା ଆଖ ପାଖ ଅଞ୍ଚଳବାସି ବିଦ୍ୟୁତ ସମସ୍ୟାରୁ ମୁକ୍ତି ପାଇବେ । OPTCL ତତ୍ୱବଧାନରେ ଖୁବ୍ ଶୀଘ୍ର ଏହି ପ୍ରକ୍ଳବ ନିର୍ମିତ ହୋଇଥିବାରୁ ମୂଖ୍ୟମନ୍ତ୍ରୀ ଶ୍ରୀ ମାଝୀ ସାଧୁବାଦ୍ ଜଣାଇଛନ୍ତି । ୩ଟି ଗ୍ରିଡ ସହ ୮ ଟି ଟ୍ରାନ୍ସ ମିଶନ ଲାଇନ ଯାହା ଜନସାଧାରଣଙ୍କ ପାଇଁ ଗୁରୁତ୍ୱପୂର୍ଣ୍ଣ ଅଟେ ।
ଆଉ ମଧ୍ୟ ମୁଖ୍ୟମନ୍ତ୍ରୀ ଘୋଷଣା କରି କହିଥିଲେ ଯେ ସରକାରଙ୍କ “ସଂଜୀବନୀ” ଯୋଜନାରେ ପ୍ରାଚୀନଦୀର ପୁନଃ ଉଦ୍ଧାର ପାଇଁ ୩୦୦ କୋଟି ଟଙ୍କା ଓ ଧନୁଆ ନଦୀର ପୁନଃ ଉଦ୍ଧାର ପାଇଁ ୭୫ କୋଟି ଟଙ୍କା ସମେତ ଶୁଷ୍କ ପଡିଥିବା ନଦୀଗୁଡିକର ଖନନ ପାଇଁ ସରକାର ୧ହଜାର କୋଟି ଟଙ୍କା ବ୍ୟୟ ବରାଦ କରିଛନ୍ତି । ବୁଲାଷଣ୍ଢ ଓ ଗୋରୁଙ୍କ ପାଇଁ ଗୋଶାଳା, ଏବଂ ଚାଷୀଙ୍କ ପାଇଁ ଶୀତଳ ଭଣ୍ଡାର ନିର୍ମାଣ ପାଇଁ ପ୍ରସ୍ତାବ ଦେଇଥିଲେ। ୧୯୮୯ ମସିହାରୁ ଚନ୍ଦକା ଗ୍ରିଡ ଉପରେ ନିର୍ଭର କରି ଏହି ଅଞ୍ଚଳବାସି ଚଳି ଆସୁଛି। ଏହି ଗ୍ରୀଡ ହେବା ଦ୍ବାରା ବିଦ୍ୟୁତ ସମସ୍ୟା ବହୁ ମାତ୍ରାରେ ସମାଧାନ ହେବ ବୋଲି ମୁଖ୍ୟ ମନ୍ତ୍ରୀ ଓ ଶକ୍ତି ମନ୍ତ୍ରୀ କହିଛନ୍ତି। ଏହି କାର୍ଯ୍ୟକ୍ରମରେ ମିଶନ ଶକ୍ତିର ମହିଳା କର୍ମଚାରୀ ଏବଂ “ସୁମନ” ସ୍ଵଛାସେବୀଙ୍କ ସମେତ ବହୁ ପ୍ରଶାସନିକ ଅଧିକାରୀ ଓ ରାଜନୈତିକ ବ୍ୟକ୍ତିମାନେ ଯୋଗ ଦେଇଥିଲେ । ଏହି ଉଚ୍ଚ କ୍ଷମତା ସଂପନ୍ନ ଗ୍ରିଡ଼ ସବ୍ ଷ୍ଟେସନ ସ୍ଥାପିତ ହେବା ଦ୍ବାରା ବିଦ୍ୟୁତ ଶକ୍ତି ଯୋଗାଣ ସମସ୍ୟାରୁ ଲୋକେ ତ୍ରାହି ପାଇବେ ବୋଲି କୁହାଯାଇଛି ।
