ପୁରୀରେ ‘ଉତ୍ସାହ ର ଉତ୍ସବ’ ଅନୁଷ୍ଠିତ : ୪୦ ଜଣ ମହିଳା ଉଦ୍ୟୋଗୀ ସମ୍ମାନିତ

ପୁରୀ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :-  ସେଣ୍ଟର ଫର ଇଣ୍ଟିଗ୍ରେଟେଡ୍ ରୁରାଲ୍ ଆଣ୍ଡ ଟ୍ରାଇବାଲ୍ ଡେଭଲପମେଣ୍ଟ ( ସିଆଇ ଆର ଟି ଡି ) ଏବଂ ‘ଅନ୍ନଦା’ ପୁରୀ ର ମିଳିତ ଆନୁକୂଲ୍ୟରେ, କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟ, ସଦାଶିବ ପରିସର ସଭାଗୃହରେ ରବିବାର ପୂର୍ବାହ୍ନ ରେ. ଉତ୍ସାହ ର ଉତ୍ସବ’ ଅନୁଷ୍ଠିତ ଜୋଇଯାଇଛି | ରମିତ୍ ଫାଉଣ୍ଡେସନ୍ ର ସହଯୋଗରେ ‘ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ କୃଷି, କଳା ଏବଂ ସ୍ଥାନୀୟ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବା ୪୦ ଜଣ ସାହସୀ ମହିଳା ଉଦ୍ୟୋଗୀଙ୍କୁ ସମ୍ମାନିତ କରାଯାଇଥିଲା ।

ଏହି ଉତ୍ସବରେ ମୁଖ୍ୟ ଅତିଥି ଭାବେ ଓଡ଼ିଶାର ‘ପ୍ୟାଡ୍ ଓମ୍ୟାନ୍’ ତଥା ଆଦିବାସୀ ଭିଜନ ର ପ୍ରତିଷ୍ଠାତା ସୁଶ୍ରୀ ଅନୁଶ୍ରୀ ଦାସ ଯୋଗ ଦେଇଥିଲେ। ଏହି ସମ୍ବର୍ଦ୍ଧନା ସଭାରେ ବରିଷ୍ଟ ଅତିଥି ଭାବେ ଆଇନଜୀବୀ ପ୍ରଧାନ ଧୀରେନ ରାୟ ଯୋଗଦେଇ ମହିଳା ଉଦ୍ୟୋଗୀ ମାନଙ୍କ କାର୍ଯ୍ୟ କୁ ପ୍ରଶଂସା କରିଥିଲେ | ସମ୍ମାନିତ ଅତିଥି ଭାବରେ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର ବରିଷ୍ଠ ପ୍ରଫେସର ଅନୁପମା, ବରିଷ୍ଠ ସାମ୍ବାଦିକ ତଥା ଓଡିଶା ସାମ୍ବାଦିକ ସଙ୍ଘ ର ଜିଲ୍ଲା ସଭାପତି ବିଜୟ ମିଶ୍ର, ଟାଟା ଷ୍ଟ୍ରାଇଭ ର ଶଶ୍ମିତା ମହାପାତ୍ର,

ଦୂରଦର୍ଶନ ସମ୍ବାଦ ପାଠିକା ସୁଦେସ୍ନା,ପୁରୀ ବେଲଦଳ ସରପଞ୍ଚ. ବିପିନ ଦାସ ,ଜାତୀୟ ପୁରସ୍କାର ପ୍ରାପ୍ତ ଚଳଚ୍ଚିତ୍ର ନିର୍ମାତା ଆଶୁତୋଷ ପଟ୍ଟନାୟକ, ମିଲେଟ୍ ମିଶନ ର ଶବନମ୍, ୱିପ୍ରୋ ର ଅନୁରାଧା, ଫ୍ୟାଶନ ଡିଜାଇନର ଉଷାରାଣୀ., ଡାକ୍ତର ଶ୍ରଦ୍ଧା ମା ଇକ୍ରୋସର୍ଜନ ଓ କଳାକାର ଡାକ୍ତର ଶ୍ରଦ୍ଧା,. ସମାଜସେବୀ ରାଜଲକ୍ଷ୍ମୀ ଦାସ. ସୋଆ ୟୁନିଭର ର ଶିକ୍ଷାବିତ କାଜଲ କିରଣ ପଣ୍ଡା ପ୍ରମୁଖ ଯୋଗ ଦେଇ ମହିଳା ଉଦ୍ୟୋଗୀ କିପରି ଅଧିକ ଲାଭବା ନ ହେବେ ସେ ସମ୍ପର୍କରେ ଆଲୋକପାତ କରିଥିଲେ |

ସମସ୍ତ କାର୍ଯ୍ୟକ୍ରମ କୁ ସି ଆଇ ଆର ଟି ଡି ର ସଭାପତି ରୁଚିମିତ୍ରା ଜଗଦେବ ମହାପାତ୍ରଙ୍କ ପୌରୋହିତ୍ୟରେ ଆୟୋଜିତହୋଇଥିଲା |ଏହି କାର୍ଯ୍ୟକ୍ରମରେ ଗ୍ରାମାଞ୍ଚଳର ମହିଳାମାନଙ୍କ ସଂଘର୍ଷ ଓ ସଫଳତାର କାହାଣୀକୁ ଲୋକଲୋଚନକୁ ଅଣାଯାଇଥିଲା । ଏହି ଅବସରରେ ଏକ ପ୍ୟାନେଲ୍ ଆଲୋଚନାରେ ବିଭିନ୍ନ କ୍ଷେତ୍ରର ବିଶେଷଜ୍ଞଙ୍କ ଅଂଶଗ୍ରହଣକରିଥିଲେ |ସାମାଜିକ ପରିବର୍ତ୍ତନ ଉପରେ ବିଶେଷଜ୍ଞମାନେ ମତ ରଖିଥିଲେ | ଶଶ୍ମିତା ମହାପାତ୍ର – ତୃଣମୂଳ ସ୍ତରର ନେତୃତ୍ୱ ଓ ଜଳବାୟୁ,ସୁଦେଶ୍ନା – ସାମାଜିକ ପରିବର୍ତ୍ତନରେ ଗଣମାଧ୍ୟମର ଭୂମିକା ସମ୍ପର୍କରେ ଆଲୋଚନା କରିଥିଲେ |

ବେଲାଦଳ ସରପଞ୍ଚ – ସରକାରୀ ଯୋଜନାର କ୍ଷେତ୍ରସ୍ତରୀୟ ରୂପାୟନ,ଆଶୁତୋଷ ପଟ୍ଟନାୟକ – କଳା ଓ ସଂସ୍କୃତି,ଶବନମ୍ – ମାଣ୍ଡିଆ ଓ ବିହନ ବିପ୍ଳବ,ଅନୁରାଧା (ୱିପ୍ରୋ) – କର୍ପୋରେଟ୍ ନୈତିକତା ଓ ଅଧିକାର,ଉଷାରାଣୀ (ଫ୍ୟାଶନ ଡିଜାଇନର୍) – ବୁଣାକାର ଶିଳ୍ପ ଓ ନୂତନ ପିଢ଼ି,ଡାକ୍ତର ଶ୍ରଦ୍ଧା (ମାଇକ୍ରୋସର୍ଜନ ଓ କଳାକାର) – ଚିକିତ୍ସା ଓ କଳାର ସମନ୍ୱୟ,ରାଜଲକ୍ଷ୍ମୀ ଦାସ (ସମାଜସେବୀ) – ଶିଶୁ ଅଧିକାର ଓ ସାମାଜିକ ପ୍ରଭାବ. ଓ କାଜଲ କିରଣ ପଣ୍ଡା (ଶିକ୍ଷାବିତ୍) – ଶିକ୍ଷା ଓ ନିଯୁକ୍ତି. ସମ୍ପର୍କ ରେ ଆଲୋଚନା କରିଥିଲେ |କାର୍ଯ୍ୟକ୍ରମର ଅନ୍ୟାନ୍ୟ ପ୍ରସଙ୍ଗ ମଧ୍ୟ ରେ ରୁଟ୍‌ସ ଟୁ ରାଇଜ୍’ ଫୋର୍ଡ଼କାଷ୍ଟର ଶୁଭାରମ୍ଭ ହୋଇଥିଲା |

ଗ୍ରାମାଞ୍ଚଳର ପ୍ରେରଣାଦାୟୀ କାହାଣୀ ପ୍ରଚାର ପାଇଁ ଏହି ନୂତନ ପଦକ୍ଷେପ ବେଶ ଫଳପ୍ରଦ ହେବ ବୋଲି ବିଶେଷଜ୍ଞମାନେ ମତ ଦେଇଥିଲେ ।ସାଂସ୍କୃତିକ କାର୍ଯ୍ୟକ୍ରମ ମଧ୍ୟରେ ସମ୍ବଲପୁରୀ ନୃତ୍ୟ କୁ ଦର୍ଶକମାନେ ଉପଭୋଗ କରିଥିଲେ ।ମହିଳା ଉଦ୍ୟୋଗୀମାନେ ନିଜର ସଫଳତା ସମ୍ପର୍କରେ ଅନୁଭୂତି କହିଥିଲେ । କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର ଶୈକ୍ଷିକ ପରିବେଶରେ ଏହି କାର୍ଯ୍ୟକ୍ରମ ସଫଳତାର ସହ ଅନୁଷ୍ଠିତ ହୋଇଥିଲା । ସି ଆଇ ଆର ଟି ଡି ପକ୍ଷରୁ ସମସ୍ତ ଅତିଥି ଓ ସହଯୋଗୀଙ୍କୁ ଧନ୍ୟବାଦ ଅର୍ପଣ କରାଯାଇଥିଲା ।