ଭାରତୀୟ କ୍ରିକେଟ ଦଳ ବିଜୟୀ ପାଇଁ ବାଲୁକା ଆନିମେସନ

ପୁରୀ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଟି୨୦ ବିଶ୍ୱକପରେ ଭାରତୀୟ ଦଳ ଗର୍ବିତ ବିଜୟ ଉପଲକ୍ଷେ ପ୍ରସିଦ୍ଧ ବାଲୁକା ଶିଳ୍ପୀ ମାନସ କୁମାର ସାହୁ ପୁରୀରେ ଥିବା ତାଙ୍କ ଷ୍ଟୁଡିଓରେ ଭାରତୀୟ କ୍ରିକେଟ ଦଳକୁ ଅଭିନନ୍ଦନ ଜଣାଇବା ପାଇଁ ଏକ ସ୍ୱତନ୍ତ୍ର ବାଲୁକା ଆନିମେସନ ପ୍ରସ୍ତୁତ କରିଛନ୍ତି  | ପ୍ରାୟ ଦୁଇ ଘଣ୍ଟା ସମୟ ଲାଗିଥିବା ଏହି ବାଲୁକା ଆନିମେସନ ରେ ସେ ଭାରତ ର ବିଜୟ ଏବଂ ଜାତୀୟ ଗର୍ବର ଭାବନାକୁ ସୁନ୍ଦର ଭାବରେ ପ୍ରତିଫଳିତ କରିଛି ।

ଏହି ସୃଜନଶୀଳ କଳାକୃତି ମାଧ୍ୟମରେ, କଳାକାର ଭାରତୀୟ ଦଳର ଉଲ୍ଲେଖନୀୟ ସଫଳତା ପାଇଁ ତାଙ୍କର ଖୁସି ଏବଂ ସମ୍ମାନ ପ୍ରକାଶ କରିଛନ୍ତି । ମାନସ କୁମାର ସାହୁ କହିଛନ୍ତି ଯେ ଏହି ଐତିହାସିକ ବିଜୟ ପ୍ରତ୍ୟେକ ଭାରତୀୟଙ୍କ ପାଇଁ ଏକ ଗର୍ବର ମୁହୂର୍ତ୍ତ, ଏବଂ ସେ ତାଙ୍କର ଅନନ୍ୟ ବାଲୁକା ଆନିମେସନ ମାଧ୍ୟ୍ୟମରେ ଉତ୍ସବ ପାଳନ କରିଛନ୍ତି । ଏହି କଳାକୃତି ଦେଶବ୍ୟାପୀ କ୍ରିକେଟ ପ୍ରେମୀଙ୍କ ପାଇଁ ଜାତୀୟ ଗର୍ବ, ଏକତା ଏବଂ ଉତ୍ସବର ବାର୍ତ୍ତା ମଧ୍ୟ ବହନ କରେ ।