ବ୍ଲକ ସ୍ତରୀୟ ଗଣତନ୍ତ୍ର ଦିବସରେ ବିଡ଼ିଓଙ୍କୁ ନେଇ ଟଣା ଓଟରା – ବିଡ଼ିଓଙ୍କ ଦୋଷ ନାହିଁ କହିଛି ବିଜେପି

ବୋଲଗଡ଼ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :-  ବୋଲଗଡ଼ ବାମନ ଉଚ୍ଚ ବିଦ୍ୟାଳୟ ମୈଦାନଠାରେ ପାରମ୍ପରିକ ହୋଇ ଆସୁଥିବା ଜାନୁଆରୀ ୨୬ ବ୍ଲକ ସ୍ତରୀୟ ସାଧାରଣତନ୍ତ୍ର ଉତ୍ସଵ ସୋମବାର ପାଳନ କରାଯାଇଛି । ତେବେ ଅନୁଷ୍ଠିତ ଉତ୍ସବର ମାହେଲ ପୂର୍ବ ବର୍ଷ ମାନଙ୍କପରି ଚଳିତ ବର୍ଷ ପରିଲକ୍ଷିତ ହୋଇନାହିଁ । ଚଳିତ ବର୍ଷ ବୋଲଗଡ଼ ବ୍ଲକ ସ୍ତରୀୟ ସାଧାରଣତନ୍ତ୍ର ଉତ୍ସବରେ ଯୋଗଦେବା ନିମନ୍ତେ ଗଣ ମାଧ୍ୟମ ଚିଠି ନଂ୨୯୦/୨୧.୧.୨୬ ଓ ବିଧାୟକ ଉପସ୍ଥିତ ରହି ପତାକା ଉତ୍ତୋଳନ କରିବା ନିମନ୍ତେ ବ୍ଲକ ପ୍ରଶାସନ ପକ୍ଷରୁ ପ୍ରଶାସନ ମୁଖ୍ୟ ବିଡ଼ିଓ ସ୍ଥାନୀୟ ବିଧାୟକଙ୍କୁ ଚିଠି କରିଥିଲେ ।

ବ୍ଲକ ପରିସର ଭିତରେ ବ୍ଲକ ଅଧକ୍ଷା ପତାକା ଉତ୍ତୋଳନ କରିବା ପରିବର୍ତ୍ତେ ବିଡ଼ିଓ ପତାକା ଉତ୍ତୋଳନ କରିଛନ୍ତି l ଯେହେତୁ ବିଡ଼ିଓ ବ୍ଲକ ଅଧକ୍ଷା ଙ୍କୁ ଚିଠି କରିଅଛନ୍ତି କିନ୍ତୁ ଦୁଃଖ ବିଷୟ ଅଧକ୍ଷା ଉପସ୍ଥିତ ରହିଥିବାରୁ ବିଡ଼ିଓ ସେ ଦାୟିତ୍ୱ ନିର୍ବାହ କରିଛନ୍ତି l ଅପରପକ୍ଷେ ବାମନ ଉଚ୍ଚ ବିଦ୍ୟାଳୟରେ ସମ୍ମିଳନୀ ପ୍ୟାରେଡ ବ୍ୟବସ୍ଥାରେ ବିଡ଼ିଓ ଅନୁପସ୍ଥିତକୁ ନେଇ ସମସ୍ୟା ଉପୁଜିଛି l ବିଧାୟକ ବିଡ଼ିଓଙ୍କ ଉପରେ ବର୍ଷିଥିଲେ କାହିଁକି ବ୍ଲକ ପ୍ରଶାସନ ଅଧିକାରୀ ଉପସ୍ଥିତ ରହିଲେ ନାହିଁ ବୋଲି ପ୍ରଶ୍ନ କରିଥିଲେ l ଏହା ବୋଲଗଡ ପାଇଁ ନିନ୍ଦନୀୟ ବୋଲି ବିଧାୟକ ଓ ତାଙ୍କ ସମର୍ଥକ ମାନେ କହିଛନ୍ତି l

ବୋଲଗଡ ଅଞ୍ଚଳ ପାଇଁ ଏହା ଘୋର ଅପମାନ ଏବଂ ବୋଲଗଡ ମହାପୁରୁଷ ମାନଙ୍କ ପାଇଁ ଏହା ଘୋର ଅନ୍ୟାୟ ବୋଲି ବୋଲଗଡ ଅଞ୍ଚଳରୁ କିଛି ବ୍ୟକ୍ତି ବିଶେଷ ମାନେ କହିଛନ୍ତି l ତତ ସହିତ ବିଜେଡି ବିଧାୟକ ଓ ତାଙ୍କ ସମର୍ଥକ ମାନେ ଏହାକୁ କଟାକ୍ଷ କରିଛନ୍ତି l ଅପର ପକ୍ଷେ ଆଜି ବିଜେପିର କର୍ମୀମାନେ ସାମ୍ବାଦିକ ସମ୍ମିଳନୀ କରି ବିଡ଼ିଓ ଙ୍କ ସପକ୍ଷରେ କହି ବିଧାୟକଙ୍କୁ କଡା ଜବାଜ ଦେଇ କହିଛନ୍ତି ବିଧାୟକ ଅଞ୍ଚଳ ବାସୀ ଙ୍କ ମନରେ ବିଷ ବୁଣୁଛନ୍ତି l

ବିଡ଼ିଓ ପତାକା ଉତ୍ତୋଳନ କରୁଥିବା ସମୟରେ ସେହି ସମୟରେ ବିଧାୟକ ବାମନ ଉଚ୍ଚ ବିଦ୍ୟାଳୟରେ ପତାକା ଉତ୍ତୋଳନ କରିଥିଲେ l ସେହି କାରଣରୁ ବିଡ଼ିଓ ଯାଇପାରିଲେ ନାହିଁ ବୋଲି ବିଜେପି କର୍ମୀ ତଥା ସାନପଦର ସମିତିସଭ୍ୟ ଦିଲ୍ଲୀପ କୁମାର ମହାପାତ୍ର, ଦଳେଇ ସାହି ସମିତି ସଭ୍ୟ ଓ ସାଗରଗାଁ ସମିତି ସଭ୍ୟଙ୍କ ସମେତ ବହୁ ବିଜେପି କର୍ମୀଉପସ୍ଥିତ ରହି କହିଥିଲେ l ବିଡ଼ିଓ ସୁଚାରୁ ରୂପେ କାର୍ଯ୍ୟ କରୁଛନ୍ତି ତାହା ଜନସାଧାରଣ ମାନେ କହିବେ କିନ୍ତୁ ବିଡିଓ ଙ୍କୁ ବିରୋଧୀ ଦଳ ବିଧାୟକ ତାଙ୍କୁ ନିଜର ସ୍ୱାର୍ଥ ନିମନ୍ତେ ବଦନାମ କରୁଛନ୍ତି l ସାଧାରଣତନ୍ତ୍ର ଦିବସ କୁ ନେଇ ବିଜେପି ଓ ବିଜେଡି ମଧ୍ୟରେ ଟଣା ଓଟାରରେ ବିଡ଼ିଓ ବଳିପଡିଛନ୍ତି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି l